වියලුව වාර්තාකරු
පදම ඉක්ම වීම නිසා වමනය දැමීමෙන් පසුව තද නින්දකට වැටුණු තම මිත්රයා පාළු ගං තෙරක් අද්දර අමතක කර පලා ගිය මිතුරන් පිරිසක් පිළිබඳ පුවතකි.
සිද්ධිය මෙසේය.
ඔවුහු එක්තරා ආයතනයක සාමාන්ය නිලතල දරන සේවක පිරිසකි.
කිසියම් පොදු කටයුත්තක් සඳහා පිටත්ව ගිය ඔවුන් ගමන අවසන් කළේ, මධු සාදයක් සංවිධානය කරමිනි. ස්ථානය ලෙස ප්රදේශය හරහා ගලා යන ගංගාවක ඉවුරේ ඉඩකඩ සහිත ස්ථානයක් තෝරා ගැනිණි.
කටගැස්මෙනුත්, දේශීය හා විදේශීය මත්පැන්වලිනුත් අඩුවක් නොවූ සාදය පැය ගණනක් දිග්ගැස්සෙද්දී නඩයේ සිටි එක් අයකු වමනය දමන්නට වූයේ පදම ඉක්ම වීම නිසාවෙනි.
වමනය දැමීමෙන් පසුව හෙතෙම හිමින් සීරුවේ මඳක් බැහැරට ගොස්, ගං ඉවුරේ ගසක් යටට වී තද නින්දකට වැටුණේ මිතුරන් පිරිස සිය කටයුතු හමාර කරන තෙක් කරන්නට අන් යමක් නොවූ බැවිනි.
හෝරා කිහිපයක් ගෙවී යද්දී වටින් ගොඩින් අඳුර වැටෙන්නට විය. කලබල වූ මිතුරු පිරිස ගඟට බැස දිය නා, ඔවුන් පැමිණි වාහනයට ගොඩ වී, සිය නිවෙස් බලා ඒමට පිටත් වූයේ ගංතෙරේ ගසක් යට ඒ වන විටත් තද නින්දේ පසු වූ මිතුරා අමතක කරමිනි.
සිය මිතුරාගේ නිවෙස ආසන්න වෙද්දී පදමට වැදී සිටි මිතුරු පිරිසට සිය මිතුරා මතක් වූ අතර, ඔවුන්ගේ ඉහ මොළ රත් වන්නට වූයේ ඔවුන් ඒ වන විටත් කිලෝ මීටර් 30-40කට වැඩි දුරක් පැමිණි සිටි බැවිනි.
අවසානයේදී එහි සිටි එක් පුද්ගලයකු මිතුරාට නින්ද ගොස් සිටි ගංතෙරට නුදුරින් පිහිටි නිවෙසක සිටි තවත් මිතුරකුට කතා කොට සිද්ධිය පැවැසුවේ වෙන කළ යුතු දෙයක් නොවූ බැවිනි. නින්දේ සිටි මිතුරා ඇහැරවාගෙන නිවෙසට ඇරලවන විට මැදියම් රැය ද ආසන්න වෙමින් තිබූ බව පසු දින සේවයට පැමිණි උපකාර කළ මිතුරා කොක් හඬලා කියා සිටියේ ආයතනයේ සෙසු සේවක පිරිසට ද සිද්ධිය විස්තර කරමිනි.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඩෝප් මිතුරා ගඟ ළඟ දමා පාටියේ කට්ටිය ගෙදර ගිහින්