පවුලේ සාමාජිකයින් චාරිකාවක යෙදෙන අතර දිවා ආහාරය ගැනීමට නතරවූ ඥාති නිවෙසට තෑගි වශයෙන් බත් පාර්සල් දෙකක් රැගෙන ගොස් සිදුවූ ජංජාලයක් පිළිබඳව පුවතක් දකුණේ කඳුකර ගම් ප්රදේශයකින් අසන්නට ලැබිණි.
දරුවන් හැරුණු විට නිවසේ ගෘහ මූලික ජෝඩුව මසුරු සිටාණන්ගේ පරපුරෙන් පැවත එන්නෝ වෙති. ඔවුනගේ මසුරුකම කොතරම්ද යත් සත පහ දෙකට ගැලවිය හැකි නම් එයද කරන්නට දෙන්න දෙමහල්ලන් පසුබට නොවන බව නොරහසකි.
ඥාති හිතමිතුරන් කොතෙක් සිටියද මුදල් වියදම් වන නිසා වසර ගණනාවකට වරක්වත් එම ස්ථානවලට මොවුහු නොයති. කලාතුරකින් හෝ නොයා බැරි කමට එම ස්ථානයකට යාමට සිදුවුවහොත් කිසිම දෙයක් රැගෙන නොයන නිසා එම ගෙදරට ගොඩ වෙන්නේම ‘‘අනේ ඔන්න මොකුත් ලෑස්ති කරන්න එපා, අපිට මේ දැන් ඉක්මනින්ම යන්න ඕනෑ” කියාගෙනමය.
මේ පිරිස පසුගිය සති අන්තයේ දිනෙක චාරිකාවක් යාමට සැලසුම් කළහ. චාරිකාව යන ප්රදේශයේ ඇති තම ඥාති නිවසකට පෙර දින රාත්රී දුරකතන ඇමතුමක් දුන් ගෘහ මූලික කාන්තාව දන්වා සිටියේ තම පවුලේ අය හෙට දින ඔය ප්රදේශයට චාරිකාවක් එන බවත් දිවා ආහාරයද සකස්කර ගෙන රැගෙන එන බැවින් තමන් වෙනුවෙන් කිසිදු දෙයක් සූදානම් කිරීමට කරදර නොවන ලෙසත් මුහුණ කට සෝදාගෙන දහවල් කෑම ටික කෑමට පමණක් තිබුණොත් ප්රමාණවත් බවත්ය.
කෙසේ වෙතත් ගෘහ මූලිකයා සිය බිරිඳට යෝජනා කළේ කාලෙකින් ගියෙත් නැති නිසා අපි මොනව හරි අරගෙන යමු කියාය.
ඊට ප්රතිචාර දැක්වූ බිරිඳ ‘‘කඩවල්වලට සල්ලි පූජ කරල කේක් , බිස්කට් ගන්න අවශ්ය නෑ, අපි කොහොමත් උයන එකේ ඒ කට්ටියටත් අපි බත් පාර්සල් දෙකක්ම හදාගෙන යමු” යැයි කීවාය. ඊට ඔහුගේද කැමැත්ත පළවිය .
පසු දින පිරිස චාරිකාවේ යෙදී දිවා ආහාරය ගැනීමට ඥාති නිවෙසට ගොඩවූයේ සිලි සිලි මල්ලක දමාගත් බත් පාර්සල් දෙකද එම නිවැසියන්ට පැහැදිලිව පෙනෙනසේ එල්ලාගෙනය.
සුපුරුදු පරිදි එම නිවෙසටද ඔවුන් ගොඩවූයේ ‘‘අනේ කරදර වෙන්න එපා, අපි කෑම ටික කෑවා....ගියා”යැයි කියාගෙනමය.
එසේ වුවද ආගන්තුක සත්කාරය මහ ඉහළින් සිදුකරන ඥාති නිවසේ අය තමන් සකස්කර තිබූ මාළු පිනි ආදියෙන් සහ අතුරුපසෙන්ද ඔවුනට සංග්රහ කළහ.
ආහාර ගත් විගස චාරිකාවේ පිරිස පිටත්ව ගියහ.
ඔවුන් ගෙනා පාර්සලය කැබිනෙට්ටුව මත තිබෙනු දුටුවද එය පරීක්ෂා කිරීමට තරම් නිවැසියන් උත්සුක නොවිණි.
කෙසේ වෙතත් සවස තේ පානය කරද්දී ඥාති ගෙහිමි කාන්තාව එම පාර්සලය විවෘත කර බැලුවේ තේ බීමට යමක් එහි ඇතැයි අනෙක් අය සමඟද සතුටින් පවසමිනි.
එහෙත් ඒ වන විට පිළුණුවී දුඟද හමමින් තිබූ බත් පාර්සල් දැකීමෙන් සියල්ලෝම මවිතයට පත්වුණාලු.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
චාරිකාව යද්දී බත් පාර්සල් දෙකක් නෑගෙදර ගෙනිහින් පටි කඩාගෙන