පාන් වෙළෙඳාමේ යන චූන් පාන් ජංගම වෙළෙඳ රථයකට ගිනිපෙට්ටි 9 ක් දී කාන්තාවක් පාන් ගෙඩියක් ඉල්ලා සිටීමේ පුවතක් ගාල්ල ප‍්‍රදේශයේ එක්තරා ගමකින් වාර්තාවේ. වාර්තාවන අන්දමට සිද්ධිය මෙසේය.

පාන් ගෙඩියක් ගත් කෙනෙකු ඉතිරි සල්ලි දෙන්න මාරුකාසි රුපියල් 5/= ක් නැතිවූ විට එය මතක තබාගෙන සිට ඊළඟ දවසේ හෝ ආපසු දිය යුතුය.

චූන් පාන් වෙළෙන්දා මීට කදිම උපායක් කල්පනා කළේය. ඔහු කළේ චූන් පාන් රථයේ ගිනිපෙට්ටි පැකට් දෙක තුනක්ද රැුගෙන යාමය. ඉන්පසු පාන් ගත් කෙනකුට ඉතිරි වන රු. 5/= මාරු කාසිය වෙනුවට ඔහු ඉතිරි මුදල සමග ගිනිපෙට්ටියක් දෙයි. මේ නිසා නිතර නිතර පාන් ගන්නා කාන්තාවකට කරන්නට දෙයක් නැති තරමට ගිනිපෙට්ටි ගෙදර එකතු විය.

ඒ නිසා ඇය කළේ චුන් පාන් වෙළෙන්දාගෙන් පාන් ගෙඩියක් ගෙන එකතුවී තිබූ ගිනිපෙට්ටි 9 ක් චූන්පාන් වෙළෙන්දාට දීමය. චූන් පාන් වෙළෙන්දාට මෙය ප‍්‍රතික්‍ෂේප කළ නොහැකි වූයේ ‘‘ඔය ඔයා දීපු ඉතිරි සල්ලිම තමයි’’ කියා කාන්තාව කියූ නිසාය.