වියලුව වාර්තාකරු
හදිසියේ මියගිය තම අසල්වැසියාගේ හත් දවසේ දානමය පින්කම සඳහා ඔහු ජීවත්වන සමයේ වගාකළ හේන් යායෙන් හොරකම් කළ බඩ ඉරිඟු මල්ලක් රැගෙන ගොස් පූජා කළ පින්වතකු පිළිබඳ පුවතකි.
සිද්ධිය මෙසේය.
ඔහු දක්ෂ ගොවියෙකි. ගමේ කාගේත් හිත් දිනාගත්තෙකි. ජීවිකාව කරගෙන ගියේ හේන් සහ කුඹුරු වගා කර ලැබූ ආදායමෙනි.
හිටි හැටියේම ඔහු මියගියේ හදිසියේම හටගත් හෘදයාබාධයක් හේතුවෙනි. ගමේ දහස් සංඛ්යාත පිරිසකගේ සහභාගිත්වයෙන් ඔහුගේ ආදාහනය සිදුකෙරිණි.
හත් දවසේ දානමය පින්කම සඳහාද ගමේ බොහෝ දෙනකු හාල් පොල් සීනි ආදියෙන් සිය දායකත්වය ලබා දුන්නේ ඔහුගේ පවුලේ සාමාජිකයන්ට ශක්තියක් වෙමිනි.
මියගිය අයගේ නිවෙස ආසන්නයේම ජීවත් වූ පුද්ගලයකුද තමුන්ට ඉසිලීමට බැරි තරමේ අමු බඩ ඉරිඟු මල්ලක් කර තබාගෙන පැමිණියේ දානමය පින්කම සඳහා සිය දායකත්වය තහවුරු කරමිනි.
සිය අසල්වැසියාගේ තරම දන්නා නිවැසියන් මෙන්ම සෙසු පිරිසද ඔහුගේ බඩ ඉරිඟු මල්ල දෙස විමතියෙන් විපරම් කළේ ඔහුගේ වියදමෙන් නම් එවැන්නක් කිසිසේත්ම සිදුවිය නොහැකි යැයි එකිනෙකාට පවසමිනි.
කෙසේ වෙතත් දානමය කටයුතු හමාර කළ නිවැසි කාන්තාව සිය සැමියා වගා කළ බඩ ඉරිඟු හේනට ගොස් බලද්දී යායෙන් හරි අඩකටම කිසිවකු විසින් වගකියා ඇති අයුරු දැක ගන්නට ලැබුණෙන් ඇයට නොදැනීම ඇගෙන් පිටවූයේ මහත් විලාපයකි.
හිටිවනම සැමියා මියයාම හේතුවෙන් ඒ වනවිටත් අසරණව සිටි අසල්වැසි කාන්තාවගේ තත්ත්වය තේරුම් ගත් ගමේ කීප දෙනෙකුම ඇගේ බඩ ඉරිඟු හේනට පැමිණියේ ඇය විලාප නගන්නේ මන්දැයි තේරුම් ගැනීමට නොහැකිවය.
ඔවුන්ගේ ඇස් අදහගත නොහැකි වූයේ මියගිය පුද්ගලයා ජීවත්ව සිටි සමයේදී වෙහෙස මහන්සියෙන් වගා කළ කිරි මෝරමින් තිබූ බඩ ඉරිඟු යායෙන් අඩකටත් වඩා කිසිවෙකු විසින් සොරකම් කර ඇති අයුරු දැකීමෙනි.
කෙසේ වෙතත් දානමය පින්කමට බඩ ඉරිඟු රැගෙන ආ පුද්ගලයා හේන් යායේ කීප වතාවක්ම ගැවසෙන දුටු අසල්වැසි කාන්තාවක ඇඟට පතට නොදැනීම තමුන් දුටු සිද්ධිය විස්තර කරද්දී ගමේ හැමෝටම සිදුව ඇත්තේ කුමක්දැයි තේරුම් ගැනීම අපහසු නොවුණි.
දානමය පින්කම සඳහා මියගිය අයගේම ඉඩමෙන් සොරකම් කළ බඩ ඉරිඟු මල්ලක් රැගෙන ගිය පුද්ගලයා තවත් බඩ ඉරිඟු මලු කීපයක්ම නගරයේ වෙළඳසලකට ද විකුණා තිබිණි.
සොරා හඳුනා ගත්තත් පොලිසි යෑමෙන් මියගිය අයට අවැඩක් සිදුවේ යැයි සිතූ ඇය සහ දරුවන් නිහඬ වූවේ සියල්ල උඩ ඉන්නා දෙවියන්ට බාර කරමිනි.
එහෙත් ගමේ කොල්ලන් දැන් ‘මාමා දානයක් තියෙනවා.... ඉරිඟු ටිකක් ගේන්න පුළුවන්දැයි’ අසද්දී ඔහු හෙමින් සීරුවේ මාරු වන්නේ ඇතැම් විට හොඳවෑයින් දෙක තුනක්ද දෙසාබාමිනි.
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ගොවිපොළෙන් බඩඉරිගු හොරාගෙන ගොවියාගේ හත් දවසේ පින්කමට දීලා