හාරිස්පත්තුවේ මොහොමඩ් ආසික්

රුපියල් 4000 ක පමණ වටිනාකමකින් යුත් පැසී තිබූ ඇම්බුන් කෙසෙල් කැන වෙනුවට එම කෙසෙල් ගසේ කෙසෙල් මුවක්  මතු වීමේ පුවතක් කන්ද උඩරට ගම්මානයකින් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
එය කන්ද උඩරක සශ්‍රීක කෘෂිකාර්මික ගම්මානයකි. මෙම ගම්මානයේ වී වගාවට අමතරව අතුරු බෝගද වගා කරනු ලබයි. ඒ අතර එක් ගොවි මහතෙකු විසින්  කුඹුරේ කමතට කිට්ටුව වගා කර තිබූ ඇම්බුන් කෙසෙල් පඳුරේ විශාල ප්‍රමාණයේ ඇම්බුන් කෙසෙල් කැනක් වැටී තිබූ අතර එය පැසී කැපීමට ඔන්න මෙන්න තත්වයෙන්  තිබිණ. එම  ඉඩම හිමිකරු නිරන්තරයෙන් මෙම කෙසෙල් කැන දෙස ඇස යොමා ගෙන සිටියේය. මෙම  කෙසෙල් කැන අවම වශයෙන් රුපියල් 4000 කට වඩා වටිනා බව ඉඩම් හිමියා නිතර කීවේය.

පසුගිය දිනෙක අලුයම නැගිට ඔහු සිය කුඹුර පැත්තේ ගමන් කරද්දී  කෙසෙල් පඳුර තිබු තැන යම්  විශේෂ එළියක් දක්නට ලැබී ඔහු ඒ ගැන විපරම්කර බැලුවේය. දෙයියෝ සාක්කි ඔහුට ඉබේටම  කියවිණ. කපන්න  ඔන්න මෙන්න කියා තිබූ ඇම්බුන් කෙසෙල් කැන වෙනුවට එම කෙසෙල් ගසේ අලුතින් කෙසෙල් මුවක් හට ගෙන තිබෙනු ඔහු දුටුවේය. මේ ගැන විස්මයට පත් වූ ඔහු වහාම එම කෙසෙල් මුව පරීක්ෂා කර බැලීය. 
සිදුව ඇති වින්නහිය ඔහුට අවබෝධ වී ඇත්තේ එවිටය. මෙම වටිනා කෙසෙල් කැන  රාත්‍රි කාලයේ සොරෙකු විසින් කපා ගෙන එහි කෙසෙල් කැනේ මුල් කොටසේ  එහි කෙසෙල් 
මුවක් සවිකර  ඇති බව ඔහුට අවබෝධ විය