හැමදාමත් අඳින සරම වෙනුවට මඟුල් කපුවාගේ ඉල්ලීමට මනාලිය බැලීමට යාමේ දී කලිසමක් අඳින්නට සිදුවීමෙන් තරුණයකුට මුහුණ පාන්නට සිදුවූ ඇබැද්දියක් පිළිබඳව දකුණේ කඳුකර ගම් ප්රදේශයකින් අසන්නට ලැබිණි.
එතරම් උගත්කමක් නොතිබුණ ද මවුපියන්ගෙන් උරුම වූ ගොඩමඩ ඉඩම් කඩම් වගා දිගා කරගෙන ජීවත් වන හෙතෙම ධෛර්ය සම්පන්න තරුණයෙකි.
කල වයස ද ඉක්මවමින් තිබෙන බැවින් මවුපියන්ගේ බලවත් ඇවිටිලි කිරීම මත විවාහයක් ගැන සිතීමට ඔහුට සිදුවිය.
මඟුල් කපුවකු ගෙනා විවාහ යෝජනා කීපයක්ම අනුව පසුගිය කාලයේ මනාලියන් කීප දෙනෙකුම බැලීමට ගිය ද විවිධ අඩුපාඩු නිසා ඒවා මඟහැරී යාමෙන් දිනෙන් දින විවාහය කල් යන්නට විය.
මෙසේ දිගින් දිගටම තම පුත්රයාගේ විවාහය කල් යෑම පිළිබඳව ඔහුගේ මවුපියන් ගත කළේ මහත් සිත් තැවුලෙනි.
මවුපියන් මේ පිළිබඳව මඟුල් කපුවාගෙන් විමසූ විට ඔහු කියා සිටියේ ”සරම ඇඳගෙන ගිහිල්ල නම් මේ කපේදි පුංචි මහත්තයට කටයුත්තක් කරගන්න හම්බවෙන්නෙ නෑ. කොහොම හරි කලිසමක් අන්දගෙන ගියොත් නං වැඩේ ගොඩ” යනුවෙනි .
මෙතෙක් කලක් පුත්රයාගේ විවාහය කල්යාමට හේතුව ඔහු කලිසම් නොඅඳින නිසා බැව් දැනගත් දෙමාපියෝ කෙසේ හෝ කලිසමක් දෙකක් මස්සවාගෙන කලිසම් ඇඳීමට හුරුවන ලෙස පුත්රයාට බල කළහ.
කුඩා කාලයේ කොට කලිසම් ඇන්දාට පසුව කිසි දිනෙක දිග කලිසමක් ඇඳ නොමැති මොහු මවුපියන්ගේ සහ කපුවාගේ පෙරැත්තය මත ඊළඟ මනාලිය බැලීමට යාමේ දී නිවසේ සිට කලිසමට උඩින් සරමක් ඇඳගෙන ගොස් මනාලියගේ නිවෙස ආසන්නයේ දී සරම ගලවා දමා යාමට එකඟ විය.
පසුදින පිරිස රැගත් වාහනය මනාලියගේ නිවසේ මිදුලටම ළඟාවන තෙක් සරම ගලවා දමන ලෙස කීමට කපුවාට අමතක වී ඇත.
මිදුලේ වාහනය නතර කරනවාත් සමඟම කලබල වූ කපුවා ” පුංචි මහත්තයෝ, සරම සරම ” යැයි කෑ ගැසීය.
වහාම ක්රියාත්මක වූ මනමාලයා සරම උනාදමා එය සිය මවට දුන්නේය.
බහින්නට කලබලයෙන් සිටි මව ද සරම දෙකට තුනට නවා අසල තිබූ බෑගයකට එබුවාය.
මනාලියගේ නිවසේ දී සියලු සංග්රහ සත්කාර ලබා දෙපාර්ශවයේ අදහස් ද හුවමාරු කරගෙන පිරිස සතුටින් නික්ම ගිය පසු මනාලියගේ මවට කැවිලි බෑගයේ තිබී සරමක් හමුවීමෙන් නිවැසි සියල්ලෝ ඒ ගැන විවිධ අදහස් පළ කරන්නට වූහ.
කෙසේ වෙතත් දින කීපයකට පසුව මනාලියගේ පාර්ශවය කටයුත්තට කැමති බව දන්වා කපුවා මගින් පණිවුඩයක් එවා තිබුණාලු.
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කලිසම උඩින් සරම මනාලයාට ඇබැද්දියක්