රජ්ගම විශේෂ - ධර්මදාස සිරිවර්ධන
සහනාධාර ලබා දීමට සුදුසුකම් පරීක්ෂා කර බැලීමට තම නිවෙසට පැමිණි රූමත් තරුණියන් තිදෙනකුට වශීවී තම අසරණ මව්පියන්ගේ වැඩිහිටි දීමනාවත් සමෘද්ධි දීමනාවත් අහිමි කරගෙන කාර්යාල ගානේ ගොස් හඬා වැටෙන ගැටයකු ගැන අපූරු පුවතක් ගාල්ලේ දුෂ්කර ප්රදේශයකින් වාර්තා වේ.
සිද්ධිය මෙසේය.
තම අසරණ මව හා පියා සමග කටුමැටි ගසන ලද නිවෙසක ජීවත් වූ කඩවසම් තරුණයකු වයෝවෘද්ධ මවුපියන්ට ලැබෙන වැඩිහිටි දීමනාවෙන් හා ඔවුන්ට ලැබෙන සමෘද්ධි දීමනාවෙන් ජීවත් වුවත් එය ඔවුන්ට වේලක් හැර වේලක් කෑමටවත් ප්රමාණවත් නොවීය.
ඔවුන්ගේ අසරණකම නිසා ගමේ පිරිස් ද අඩුපාඩු සොයා බලා කෑම බීම ටිකක් මේ පවුලේ අයට දීමට තරම් කාරුණික වූයේ දෙමහල්ලන්ගේ ඇති ගුණ යහපත්කම නිසාමය.
ගැටවර වියේ පසුවූ මෙම දෙමහල්ලන්ගේ අවිවාහක පුත්රයාට ස්ථිර රැකියාවක් නොතිබූ අතර ඔහු වාහන සේල් කරන ආයතනයක බ්රෝකර්වරයකු (තැරැව්කරුවකු) ලෙස කටයුතු කළේය. ඔහුට ඉන් ලැබුණේ සොච්චම්කි. ඇතැම් මාසවල සතයක හෝ ආදායමක් නොලැබුණු අතර ඔහු ජීවත් වූයේ ද මව්පියන්ට රජයෙන් ලැබෙන ආධාරයෙන් උයා දෙන යමක් ගිල දැමීමෙනි. ඇතැම් මාසවල කීයක් හෝ ලැබුණ ද එය ඔහුගේ අවශ්යතාවලටවත් ප්රමාණවත් නොවීය.
දුප්පත්කම තිබුණ ද ඔහු තම මිතුරන්ට ඇඟවූයේ තමා ධනවතෙකු ලෙසය. එමෙන්ම මනමාලකම ඉහ වහා ගිය මේ කොලු ගැටයා රූමත් තරුණියන්ට බැල්ම හෙලුව ද කිසිම තරුණියක මොහු හා ඇඟෑලුම් කම් නොදැක්වූයේ ඔහු ගැන හොඳහැටි දන්නා බැවිනි.
මේ අල්ල පනල්ලේ රූමත් යුවතියන් තිදෙනකු තම නිවසට එන අයුරු දුටු ඔහු පස්වනක් ප්රීතියෙන් නිවස තුළට දිව ගොස් හැඩ වැඩ වී එළියට පැමිණියේ සුපුරුදු මනමාල සිනහවකින් ද මුව සරසා ගනිමිනි.
පසුව මේ සෙල්ලක්කාර වියේ පසුවන යුවතියන්ට ද ගැටයාගේ තරම තේරුම් ගිය බැවින් තමා පැමිණි කාරණය පැවසුවේ ඉඟි බිඟි පාමිනි. නිලධාරිනියන් වූ මෙම යුවතියෝ මොහු මුරුංග අත්තේ තබා පවුලේ ආදායම, වත්කම් ඇතුළු සියලු තොරතුරු විමසූහ. එවිට තරුණයා තම පවුලේ නිවැරැදි ආදායම ගැන පැවසීම මහත් මදිකමක් වේ යැයි සිතා හිතට දිරිය ගෙන මනමාල බැල්මක් ද හෙළා තමා ව්යාපාරිකයකු බවත් මාසික ආදායම ලක්ෂයකට වඩා වැඩි බවත් පැවසුවේ තරුණියන්ට ඉඟියක් ද කරමිනි.
කෙසේ වුවද පසුගිය දිනවල අස්වැසුම ආධාර ලබාදෙන ලේඛන ප්රසිද්ධ කළ අතර එම පවුලේ නම් කැපී ගොස් තිබුණි. මේ ගැන ගමේ සියලු දෙනාම මවිතයට පත් වී නිලධාරීන්ට දෙස් දෙවොල් තබන්නට වූ අතර මෙම තරුණයාට ද කළ වරදේ තරම තේරී හීන්දාඩිය දැම්මේය.
පසුව සොයා බැලීමේ දී සිද්ධිය දැනගත් පිරිස් මේ ගැටයාට බැන වදින්නට වූයෙන් මාපියන්ගේ වැඩිහිටි ආධාර හා සමෘද්ධි ආධාරය නැවත ලබා ගැනීම සඳහා කඳුළු සලමින් තැන තැන ඇවිදිනවාලු.
මේ වන විට ඔහු මහත් සේ ලජ්ජාවටත් වේදනාවටත් පත්ව ඇති අතර සිද්ධිය දන්නා අය මෝඩකමට බේත් නැතැයි විහිළු කරනවාලු.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කෙල්ලන් තිදෙනෙකුට පුතා වහ වැටි අම්මා තාත්තා දෙන්නත් බඩගින්නේ