කෑගල්ල අධිකරණ චමින්ද වැවතැන්න
තරුණියන් පිරිසක් ඇළක දිය නාන අයුරු උණ පදුරක් අස්සේ සිට බලා සිටි තිදරු පියකු අල්ලාගෙන පහර දී ඇළ ඉස්මත්තේ දිය නාමින් සිටි වයෝවෘද්ධ කාන්තාවන් පිරිසක් අසලට රැගෙන ගොස් බලා සිටීමට සැලැස්සූ තරුණ පිරිසක් පිළිබඳ පුවතක් කෑගල්ල ප්රදේශයේ ග්රාමයකින් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
ඔහු කෑගල්ල ප්රදේශයේ ග්රාමයක 48 හැවිරිදි තිදරු පියෙකි. මෙම තිදරු පියාගේ බිරිය හැර ගොස් ඇති අතර ඔහුගේ දරුවන් තිදෙනා රැක බලා ගන්නේ තිදරු පියාගේ වයෝවෘද්ධ මව්පියෝය.
බිරිය තිදරු පියා හා දරුවන් හැර ගියාට පසුව යළි සැමියා මිය ගොස් සිටි වැන්දඹු කාන්තාවක නිවෙසට රැගෙන ආවේය. දෙවැනි වතාවට දරුවා බිරියක රැගෙන ආවාට වයෝවෘද්ධ මව සතුටින් සිටිය ද ඔහුගේ දරුවන් තිදෙනා යළි යුවළට බාර නොදී රැක බලා කවා පොවා හදා වඩා පාසල් ද යැව්වාය.
කන්න බොන්න ඇදුම් පැළදුම් ගෙනත් දෙන්නේ නැති බවත් මත්පැන් පානය කර පැමිණ පහර දෙනවා යැයි පවසා දෙවැනියට ගෙනා වැන්දඹු කාන්තාව තිදරු පියා හැර ආපසු හැරී ගියාය.
වසර දෙකක පමණක් කාලයක් රැකියාවක් නොමැති මත්පැන් පානය කරමින් සිටිය දී යළි සැමියා හැර ගොස් සිටි දරුවන් නොමැති කාන්තාවක නිවෙසට කැන්දාගෙන පැමිණියේ හැමදාම තනිකඩව සිටිය නොහැකි බව වයෝවෘද්ධ මව පෙන්වා දීමෙන් අනතුරුය. තෙවැනි වතාවට ගෙනා බිරිය මාසයක්වත් ඔහු සමග ජීවත්ව නොසිට ආපසු තිදරු පියා හැර ගියාය.
අල්ලපු ගමේ පදිංචිව සිටින මවගේ නිවෙසට ගොස් දරු තිදෙනාගේ හිස අත ගා මුව සිඹ මව උයා පිහා දෙන දෙයක් වේලක් හෝ දෙකක් කා ගම පුරා එහාට මෙහාට අැවිදිමින් හිතවතකුගේ යමක් කර දී කල් ගෙවමින් සිටියේය.
මෙම තිදරු පියා ගමේ කඩයකට යන අවස්ථාවේ දී ගම්මානය මැදින් ගලා බසින ඇළේ තරුණියන් සිව් දෙනකු දිය නාන අයුරු දුටුවේය. පසුව හීන් සැරේ අඩියෙන් අඩිය තබා මහා උණ පදුරක් අස්සට රිංගා ගෙන ඇති තිදරු පියා තරුණියන් සබන් ගා දිය නාන අයුරු ඇස් පිය නොගහා බලා සිටින අයුරු අසලින් ගිය තරුණයෙකු දැක්කේ අහම්බයෙන් මෙනි. පසුව තරුණයා ගමේ තරුණ පිරිසකට මේ බව කියා තරුණයෝ පස් දෙනෙක් පැමිණ දිය නාමින් සිටි තරුණියන් දෙස බලා සිටි පුද්ගලයා උණ පදුර අසලින් පාරට ගෙන තරුණයෝ ටික දිගට හරහට පහර දුන්හ.
එහිදී එක තරුණයෙක් “දැන් ගැහුවා ඇති අපේ ආච්චි සමග තවත් ආච්චිලා කිහිප දෙනෙක් උඩ නානවා ඒ අය නාන දෙස බලා සිටිමට ගිහින් දාමු”යැයි යෝජනා කළේය.
යෝජනා කෙරුණ ආකාරයට තරුණ පිරිස තිදරු පියාගේ අත් දෙකෙන් අල්ලාගෙන ගමේ වයෝවෘද්ධ කාන්තාවන් නාන දෙස බලා සිටීමට රැගෙන ගියහ. එහිදී වයෝවෘද්ධ කාන්තාවෝ දෙතුන් දෙනා තරුණ පිරිසගෙන් “මොකටද ඔය මනුස්සයා අල්ලාගෙන ඉන්නේ” යැයි අසා අතහැර දාන ලෙස පැවසූහ.
“බෑ ආච්චි මේ මනුස්සයා පහළ නාමින් සිටි ගමේ තරුණියන් දිහා හොරෙන් උණ පදුරක් අස්සට වී බලා සිටියා. ඊට පස්සේ අපි අල්ලාගෙන ආච්චිලා නාන දිහා බලන්න කියලා අරගෙන ආවා”යැයි තරුණයෙක් සිනා සෙමින් මහ හයියෙන් කෑ ගැසුවේය.
“ඒක මට පුතා හොදට කරන්න පුළුවන්”යැයි ආච්චි කෙනකු පැවැසුවේ සිනා සෙමින්ය. ආච්චිලා සබන් ගා නාන දෙස බලා සිටීමට තරුණ පිරිස තිදරු පියාට සලස්වා දී ඇළෙන් ගොඩ වූයේ ආපසු හැරී ගොඩට ආවොත් බලා ගෙනයි යන්න දන්වමිනි.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කෙල්ලෝ නානවා බැලුවාට ආච්චිලාගෙන් රැග් එකක්
saman Wednesday, 01 November 2023 01:49 PM
මේ කථාව කිවෙනි වතාවට ද පළකරේ මීට කිලින් දවසකුත් මම කියෙව්වා...!
Pradeep KumaraThursday, 02 November 2023 08:33 AM
මේ ඒ වගේම වෙන සිදුවීමක් වෙන්න ඇති.