මෙය මැණික් පුරයේ බලංගොඩට නොදුරු එක්තරා ගමක සිදුවීමකි.
ඔහු විවාහකයෙකි. රැකියාව වශයෙන් කරන්නේ විවිධ දේ වගා කිරීමයි. ඒවා සතියකට වරක් නගරයට රැගෙන ගොස් අලෙවි කරයි. මෙම වගාවන් අලෙවියට රැගෙන යන්නේ ඔහුය.
ඔහු කපටි රජෙකි. කතාවෙන් මිනිස්සු මුළා කිරීමට දක්ෂයෙකි. දිනක් තම වගා ද්‍රව්‍ය අලෙවි කිරීමෙන් පසු කරවල කඩයකට ගොඩ වූයේ කරවල කෑල්ලක් මිලදී ගැනීමට ය ආ.... මුදලාලි කොහොමද...? ඔහු කතාව පටන් ගත්තේය..මේ සැරේ අපේ ක්‍රිකට් කණ්ඩායමට එංගලන්තයට ගහන්න බැරි වුණා නේද...? බලන්නකො මුදලාලි දැන් බඩු වල මිල ගණන්...කොච්චර සල්ලි ගත්තත් මදි ජීවත් වෙන්න.. එසේ කියමින් ඒ අතර තුර ඔහු ලොකු කට්ටා කරවල කූරියෙක් තම පන් මල්ලට දමා ගත්තේය.

වෙළඳසලට එන පුද්ගලයින් පිළිබඳව මුදලාලි කල්පනාවෙන් සිටින්නේ ය. ඒ අනුව ඉහත කී පුද්ගලයා කරවල කූරියෙක් මල්ලට දමා ගත් අයුරු මුදලාලි දුටුවේය.
කෝටු කැබැල්ලක් අතට ගත් මුදලාලි බෑගයේ තිබුණු කරවල කූරියා ඉවතට ගෙන උඹේ වැඩේ හැමදාම මිනිස්සුන්ගෙ බෑග්වලට රිංගන එක කියමින් කරවල කූරියාට පහර දුන්නේය.
ඒ අතර තුර ඉහත කී පුද්ගලයා හෙමින් සීරුවේ මාරු වී ගියේ ලැජ්ජා වෙන් බේරෙන්නටය. 

බලංගොඩ 
වයි.ඒ.එස්. වීරවංශ