(මීරිගම විශේෂ පුෂ්පකුමාර මල්ලවආරච්චි)
උයා පිහා ගන්න අඩුම කුඩුම නැතිව ඉන්නා බවට අම්මා කළ දැනුම්දීමෙන් පසු වෙසක් පොහෝදා නවීන රියකින් පැමිණ නාඩු හාල් කිලෝ පහක පැකට්ටුවක් පමණක් දුන් පුතුගෙන් ලුණු පැකට් එකක්වත් නොගෙනාවේ ඇයිදැයි විමසූ මවක ගැන අපට අසන්නට ලැබිණි.
වසර හැත්තෑව ඉක්ම වූ මාතාවකි. පදිංචිය ජාඇළට නුදුරු ගම් පෙදෙසකය. ජීවත් වුණේ හුදෙකලාවය. දුර බැහැර පදිංචි දරුවන්ට මේ මව ගැන නිතර සොයා බැලීමේ අවස්ථාව ලැබෙන්නේ ද නැත. ඇගේ නිවෙසට ආසන්නයෙන් වෙසෙන පුතා උපකාරක පන්තිවලින් නමගිය චරිතයකි. එහෙත් ඇය දිවිය ගෙවන්නේ දැඩි අපහසුතා මැදය.
දුර බැහැර සිටින දරුවන් ඉඳහිට ආගියත් ළඟම ඉන්නා පුතු නම් අම්මා බලන්නට එන නොඑන ගානය. කොරෝනා සංචරණ සීමා නිසා දුර බැහැර සිටින දරුවන්ට අම්මාගේ අවශ්යතා සම්පූර්ණ කරන්නට පැමිණීමට ලැබුණේ ද නැත. මේ නිසා මවගේ එදිනෙදා වේල පිරිමහ ගැනීම මහත් ගැටලුවක් විය. අසල්වාසීන්ට කරදර කරන්නට ද බැරිය. අම්මා සැතැපුම් තුන හතරක් සමීපයේ සිටින එකම පුතුට දුරකතන ඇමතුමක් දුන්නේ වෙනත් කළ හැකි දෙයක් නොවූ නිසාය.
“පුතේ මට කෑමට අඩුම කුඩුම ටිකක්වත් නැහැ. නංගිලාට එන්න විදියකුත් නැහැනේ.” මව පුතාට තම දුක කීවාය. පුතුගෙන් “හ්ම්” යන වදනවත් පිට නොවිණි. වෙසක්දා දහවල මවගේ නිවෙස ඉදිරිපිට ලක්ෂ හැට හැත්තෑවක් වටිනා නවීන රියක් නතර කෙරිණි. එයින් බැස ආවේ පුතුය. නාඩු සහල් කිලෝ පහක පැකට්ටුවක් ඔහු අත විය. මිදුලේ සිටම හාල් කවරය අම්මාට දී පුතා ආපසු හැරුණේය.
“අනේ පුතේ ලුණු පැකට් එකක්වත් ගෙනෙන්න තිබුණනේ. එහෙම නම් මට බත් උයාගෙන ලුණු ඉහගෙනවත් කන්න තිබුණා” යි ඇය කියද්දී කිසිත් නොඇසුණා සේ පුතු රියට ගොඩවූයේය.
2025 ඔක්තෝබර් මස 08
1583
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1375
0
2007 නොබෙල් සාම ත්යාගයේ (උප සභාපති, IPCC) සම-ජයග්රාහකයා සහ 2021 නිල් ග්රහලෝක ත්යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
489
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග්රහණය කිරීමට ශ්රී ලංකා ඉන්ෂුවරන්ස් පාපන්දු කණ්ඩායම සමත් විය. ශ්රී ලංකා ඉන්ෂුවරන
කෑම නෑ කී මවට හාල් මිටක් දී මාරු වූ ලක්ෂපති පුතා
pakeer Friday, 04 June 2021 02:52 AM
ලක්ෂ 60ක්, 70ක් නම් බැහැනේ. මිනිහත් අමාරුවෙන් ඉන්නවා ඇත්තේ.. හොඳ වාහනයක් නම් මේ කාලේ අඩු ගානේ කෝටි 03ක් වත් වෙනවා. ඒත් ඉතින් මිනිහාට අම්මාට බඩු මල්ලක් ගෙනත් දෙන්න වටිනවා. හාල් කිලෝ 05ට වඩා.