කන්තෝරුවට අලුතින් ආ හාදයාට අලුත්ම ගැටයක් අඹරා අලුත්ම විනෝදයක් ලබන සේවකයකු පිළිබඳව අපූරු පුවතක් දකුණු පළාතේ කාර්යාලයකින් අසන්නට ලැබේ.
ගැටයාගේ මුල්ම පත්වීම මේ කාර්යාලයටය. අවිවාහකය. ආ සැනින්ම මෙහි පරණ සේවකයෙක් ඔහුට කිට්ටු කළේය. ඔහුගේ රුචිඅරුචිකම් ගැන සොයා බැලුවේය. එහි ප්රතිඵලය වූවේ අලුත ආ මල්ලී ගෑනු පරාණවලට දැඩි ඇල්මක් දක්වන අයකු බව දැන ගැනීමය.
මේ මල්ලීට මේ අයියා කාර්යාලයේ වෙන අංශයක සේවය කරන විවාහක කාන්තාවක ගැන කීවේය. ඕනෑනම් ඈ කාර්යාලය තුළදී පෙම් කිරීමට සෙට් කර දිය හැකි බවද මේ අයියා කී විට මලයා ඊට විරුද්ධතාවක් නොදැක්වීය.
දිවා පැයේ කාර්යාලය ඉදිරිපිට ඔවුන් දෙදෙනා සිටිනා විට තමන් ඉදිරියට සේවිකාවන් දෙතුන් දෙනාගෙන් කෙනකු පෙන්වා ‘මල්ලී මම අර කිව්ව කෙනා මෙයා තමයි’ කියමින් එයින් එක් සේවිකාවක මේ අයියා මේ මලයාට පෙන්නුවේය. ඒ සමගම මේ සේවිකාවන්ගෙන් වෙන්වූ ඇය ‘දවාලට කාලාද ඉන්නේ’ යයි මේ අයියාගෙන් ඇසුවාය. ‘හා මේ අලුත් යහළුවෙක් නේදැයි’ ඇය වැඩි දුරටත් අසා එතනින් ගියේ මේ මලයා දිහා ප්රේමවන්ත බැල්මක් ද හෙළමිනි.
‘මම බොරුද කිව්වේ මල්ලී ඒ ගර්ල් ඔයාට සෙට් කර ගන්න පුළුවන්, ඉතින් නිකන්නම් බැහැ’ යයි අයියා මලයාට කී විට ‘මම මොනාද කරන්න ඕන අයියා’ යයි මේ මල්ලී ඇසුවේය. ‘ඕවට ඉතින් දොළපිදේනි ඕන. හවසට අපි ඉතින් සෙට් වෙලා මේ ගැන කතා කරමු’ යැයි මේ අයියා මේ මලයාට යෝජනා කළේය.
තැළී පොඩිවී නැති මේ හාදයා නගරයේ අවන්හලකට ඔහු එක්ක ගෙන ගොස් හොඳට සැලකුවේය. දින කිහිපයක්ම මේ ආකාරයට මේ මලයාගෙන් මේ අයියා යටිතල පහසුකම් සපයා ගත්තේය.
තවත් දවසක් දිවා පැයේ මේ අයියා මලෝ කාර්යාලය ඉදිරිපිට සිටිනා විට ඒ පැත්තට එන අර සේවිකාවට ‘මෙන්න මෙයාට ඔයා මතක් වෙනවා’ යයි කියමින් විහිළු කළේය. ඒ සමගම ඇයත් එක් ඇසක් පොඩිකර ‘අනේ මටත් එහෙමමයි’ කියමින් ගියේ මේ ගැටයාගේ මුළු ඇඟටම අලුත් පණක් ලද්දා සේය. එදානම් මේ මලයා මේ අයියාට හොඳටම සැලකුවේය. ඒ විතරක් නෙමෙයි ඔහුගේ භාර්යාව ඇතුළු දූදරුවන්ට ද රාත්රී කෑමට මේ මලයා ඉස්තරම්ම කෑම බීම ජාති මිලදී ගෙන නිවෙසට ගෙන යාමටද දුන්නේය.
අලුත් ගැටයා සිය කාර්යාලයේ තවත් අයියා කෙනකුට තමන්ට අලුතින් ලැබීමට යන වාසනාව ගැන කීවේ එය තනිව සිත්හි දරා ගැනීමට තිබූ අපහසුතාව නිසාමය.
ඒ අයියා මේ කාන්තාවගේ වංහුන් ඇසුවේ ඇය පිළිබදව දැන ගැනීමටය. ‘යකෝ ඔය ගෑනි අර උඹේ අතිජාත අයියාගේ ගෑනී’ යයි කී විට අලුත් හාදයාට රෑ තරු දහවල පෙනෙන්නට පටන් ගත්තේය. ‘ඕකුන් දෙන්නා හරිම විහිළුකාරයෝ. අලුතින් මෙහාට එන කාවහරි අන්දලා සතුටු වෙනවා. අරූ දැන් ඔයාගෙන් කී දවසක් මේ වැඩේට බොන්න ඇත්දැයි’ ඇසුවිට ‘හතර පස් සැරයක් විතර තමයි’ මේ ගැටයා කීවේය. ‘පුදුමයි අරකි ඔයාගෙන් මුකුත් නොකාපු එක’ යයි මේ අයියා කී විට ‘අනේ අයියා මේ ගැන කාටවත් කටේ බිම හෙළන්න එපා’ යයි කීවත් පරණ අයියාට මේ ගැන ආරංචිවී ඔහු කාර්යාලය පුරාම අලුත් හාදයා ඇන්දූ හැටි කියමින් විනෝද වූයේ ගැටයාට කාර්යාල දිවියේ අලුත් අත්දැකීමක් ලබාදෙමිනි.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කන්තෝරුවේ අලුත් ගැටයාට අලුත් තාලේ ලණුවක් ගිල්වලා
දිමුත් Wednesday, 17 May 2023 10:01 AM
එහෙම තමයි. තරුණ වයසේදී ඔය වගේ දේවල් වලින් පාඩම් ඉගෙනගන්න ඕනෙ. එතකොට තමයි පරිණත වෙන්නේ.