කාන්තා රැස්වීමකදී ලබාදුන් වැලිතලප සංග්රහයකින් අනතුරුව ඉතිරි වැලිතලප ටික පැමිණි කාන්තාවන් තිදෙනකු විසින් රැගෙන යමින් සිටිය දී මාට්ටුවීමේ පුවතක් දකුණු පළාතේ ගිංගඟ අසබඩ ගම්මානයකින් අසන්නට ලැබේ.
ප්රාදේශීය ලේකම් කාර්යාලයීය නිලධාරිනියකගේ ද සහභාගිත්වයෙන් මාසිකව රැස්වෙන කාන්තා සංවිධානයක් පසුගියදා එහි සාමාජිකාවකගේ නිවසේ රැස්වී තිබුණි.
මෙම කාන්තා සමිතිය එහි සාමාජිකාවකගේ නිවෙසක රැස්වෙන අතර මෙවර එය පැවැත්වුණේ අතමිට සරු කාන්තාවකගේ නිවසකදීය. සම්ප්රදායක් ලෙස රැස්වීමක් පැවැත්වීමෙන් අනතුරුව නිවැසි කාන්තාව විසින් තේ පැන් සංග්රහයක් ලබා දීම සිදු කෙරෙන අතර මෙවර පැමිණි සාමාජිකාවන්ට වැලිතලප සංග්රහයක් ලබා දීමට ද කටයුතු යොදා තිබුණි.
කපන ලද වැලිතලප කැබලි අයිස් ක්රීම් භාජන දෙකක අසුරා තිබූ අතර තේ පැන් සංග්රහයට පෙරාතුව ඒවා අතින් අත යවමින් වැලිතලප බෙදාගැනීම සිදුවිය. අනතුරුව තේපැන් සංග්රහය සිදු කෙරුණි.
රැස්වීම අවසානයේ වැලිතලප භාජන දෙක පුටු දෙකකත් එහි පියන් දෙක තවත් පුටුවකත් තිබෙනු දැකගත හැකි විය.
ඉතිරි වැලිතලප පිළිබඳව විමසිල්ලෙන් සිටි කාන්තාවන් දෙදෙනෙකුට එක් භාජනයක විශාල ප්රමාණයක් ඉතිරිව තිබෙනු දැක ගැනීමට හැකිවිය.
වහා ක්රියාත්මක වූ ඔවුන් දෙදෙනා වැලිතලප කැබලි කීපය බැගින් ගෙන සිය ගමන් මලු තුළ සඟවා ගත්හ. දැන් රැස්වීම අවසන්ව පිරිස පිට වෙමින් සිටි අතර තවත් කාන්තාවක් තමා ගෙනා භාජනයක් රැගෙන යන්නාසේ ඉතිරි වැලිතලප භාජනයම සිය ගමන් මල්ලේ ඔබාගෙන නිවසින් පිටවී ගියාය.
රැස්වීම අවසානයේ නිවැසි කාන්තාව හා පවුලේ අය පුටු මේසාදිය අස්පස් කළ අතර එහිදී වැලිතලප දමා තිබුණු එක් භාජනයක් සොයා ගැනීමට නොහැකි විය. පසුව නිවසේ ආරක්ෂිත කැමරා පරීක්ෂා කිරීමේ දී සිදුවී ඇති සියල්ල සජීවීව එහි සටහන්වී තිබෙනු දැකගත හැකිවී තිබේ.
සිද්ධිය පිළිබඳව නිවැසි කාන්තාව විසින් ප්රාදේශීය ලේකම් කාර්යාලයීය නිලධාරීතුමියට හා අසල්වැසි නිවෙස් දෙකක කාන්තාවන් දෙදෙනෙකුට පවසා ඇත්තේ සුළු සිද්ධියක් බැවින් එය කිසිවෙකුටවත් නොපවසන ලෙසයි.
ප්රදේශයේ කතා බහ කළ නොහැකි අත දරුවන් හැර සියලු ගම්වැසියන් දැන් මේ සිද්ධිය දන්නා බැවින් අර කාන්තාවන් තිදෙනාට නිවසින් එළියට බැසීමටවත් නොහැකි තත්වයක් උදාවී ඇතැයි ආරංචියි.
පෝද්දල සරත් ආනන්ද ගමගේ
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කාන්තා රැස්වීමේ වැලිතලප සිද්ධියෙන් පටි ගැලවිලා