හසලක සුනිල් ඒකනායක
විදේශ රැකියාවට යෑමට පෙර මතක හිටින තෑග්ගක් ලබා දෙන්නැයි අනංගයකු කළ ඉල්ලීමකට අමතක නොවන තෑග්ගක් දුන් කාන්තාවක් පිළිබඳ පුවතක් හසලක ප්රදේශයේ ගම්මානයකින් වාර්තාවිය.
ඇය තිස් හත් වියේ පසුවන තිදරු මවකි. එදිනෙදා සිය සැමියා උපයන ආදායම තිදෙනකුගෙන් යුත් පවුලේ නඩත්තුවට ප්රමාණවත් නොවන නිසා ඇය කල්පනා කළේ විදේශ රැකියාවකට හෝ ගොස් යම් ආදායමක් සොයාගෙන විත් සිය දරු පවුල ගොඩදාගැනීමට හැකිවේ යැයි කියාය. මේ යෝජනාවට දරුවන් සහ සැමියා අකැමැත්තෙන් වුවත් ඇයට අනුමැතිය දුන්නේ වෙන කළ යුතු විසඳුමක් නොවන හෙයිනි.
අදාළ ලේඛන සකස් කරගෙන ගමනට අවශ්ය අනුමැතිය ගැනීමට ප්රාදේශීය ලේකම් කාර්යාලයට පැමිණ ආපසු නිවෙස බලා යෑමට හසලක නගරයට යන ගමනේදී අහඹු ලෙස ඇයට හමුවූයේ අසල ගමක පදිංචි හතළිස් හැවිරිදි වියේ පසු වූ දෙදරු පියෙකි. මොහු පෞද්ගලික ආයතනයක රැකියාවක් කරන අයකු වන අතර කාන්තාවන්ට දැඩි ඇල්මක් දක්වන අනවශ්ය විහිළු තහළු කරන අයෙකි. ඔහු හැඳින්වූයේ අනංගයා කියාය. ඉදිරියෙන් පැමිණෙන මොහු මග හැර යෑමට ඇය උත්සාහ කළත් එය කළ නොහැකි වූ නිසා ඔහු ඉදිරියේ මදක් නතර වී ආගිය තොරතුරු කතා කරන අතරේ ඇයගේ විදේශ ගමන පිළිබඳවද ඇය ඔහුට පැවසුවාය. එහිදී ඔහු ඇයට පැවසුවේ විදේශගත වීමට පෙර මතක හිටින තාලේ තෑග්ගක් තමන්ට දීලා යන ලෙසය. ඔහුගේ දැඩි පෙරැත්තය නිසාම ඇයගේ ජංගම දුරකතන අංකයද ඔහුට ලබා දීමට ඇයට සිදුවිය.
දුරකතන අංකය ලබාගත් ඔහු දින දෙක තුනකට වරක් ඇයට කතාකර තොරතුරු විමසා දුරකතනය විසන්ධි කිරීමට පෙර පවසන්නේ “මගේ ඉල්ලීම මතකයිනේ” කියාය. ඇයද පවසන්නේ එය ඒ ආකාරයෙන් ඉටුවේවි කියාය. මෙදින ඔහුගෙන් ලද ඇමතුමේදී ඇය පැවසුවේ තමන් තව දින දෙකකින් විදේශ රැකියාවට යන බවත් හෙට අවශ්යතාවකට නගරයට පැමිණෙන බවත් හැකි නම් නගරයට පැමිණෙන ලෙසය. සඳහන් කළ පරිදි ඇය නගරයට පැමිණ වෙළෙඳසලකට ගොඩවී අවශ්ය කළමනා රැගෙන ඉන් පිටවෙනවාත් සමඟම ඇය ඉදිරියට පැමිණියේ පොරොන්දුව ඉල්ලූ අනංගයාය. ඇය “ආ අයියේ ඔයා ආවාද? ආ මෙන්න ඔයාට මම මතක් වෙන්න මතක හිටින තෑග්ගක් ගෙනාවා. මේක තියා ගන්න. මට පරක්කු වෙනවා. මම යනවා” යැයි කියමින් කඩිමුඩියේම ඇය පිටත්ව ගියාය.
ඔහු අපේක්ෂා නොකළ මෙම තෑග්ග පිළිබඳව ඇති වූ කුකුස නිසා පැමිණි යතුරුපැදියේ නැග පාළු ස්ථානයකට ගොස් කාන්තාව දුන් ලියුම් කවරය විවර කර බැලීමේදී ඔහුට ඇතිවූයේ ලැජ්ජාවත් සමඟ කෝපයකි. එහි තිබුණේ කාන්තාවකගේ හිස කෙස් රොදකි. වහා එය පසෙකට විසිකළ ඔහු විදුලි වේගයෙන් සිය නිවෙස බලා පියඹා ගියේය.
“අහවලා මට අනවශ්ය යෝජනාවක් ගෙනාවා. ආයේ නම් මෙවැනි අනවශ්ය යෝජනා කාන්තාවන්ට නොකරන්නට මම එයාට මතක හිටින තෑග්ගක් දුන්නා.” යැයි නිවස බලා ගිය ඇය සිය හිතවතියන්ට පැවසුවාය. පසු දින මේ පුවත ගමේ මුල් පුවත බවට පත්විය.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
කතකගෙන් අනංගයාට මතක හිටින තෑග්ගක්