කුකුළා බේරාගන්න දවස් 2 ක්ම යෝධ මෙහෙයුමත් කරලා

අලෙවියට කූඩුවක දමා සිටි පුංචි කුකුළෙක් වෙළෙඳ සලකින් අතුරුදන් විය. පසුව කුකුළා සොයාගත හැකිවූයේ අඩි තුනක් යටින් පිහිටි පටු කාණුවකිනි. කාණුවේ මතුපිට කොන්ක‍්‍රීට් තට්ටුවකින් වැසී එක් පැත්තක් පමණක් විවෘතව තිබුණෙන් කුකුළා ඇල්ලීමට නොහැකිවිය.

”බා..බා..බා” යනුවෙන් කුකුළාට ආමන්ත‍්‍රණය කළත් කුකුළා කාණුවටම ගියේය. රාත‍්‍රිය උදාවිය. වෙළෙඳ සැල්වල ආරක්ෂාවට පුද්ගලයකු සිටි අතර කුකුළා බලාගැනීමට අයිතිකරු ඔහුට පැවරීය.

පසුදින කාණුවේ කට අසල සිටි කුකුළා මිනිසුන් දැක කාණුවට වැදී නොපෙණී ගියේය. ”පව් මූට කෑමක් නැහැ” අයෙක් පැවැසීය. අයිතිකරු වී අහුරක් කාණුවේ කට අසලට දැමුවිට, කුකුළා වී ටිකක් කා නරඹන්නන්ගේ ඝෝෂාවට බියවී ඇතුළට විය. අවසානයේදී අයිතිකරු කුකුළා සමඟ කූඩුවේ සිටි තවත් කුකුළෙක් ලණුවකින් ගැටගසා කාණුවේ කට අසලට ළං කළේය. වී ඇට දුටු එම කුකුළා ඒවා කන්නට විය.

කුසගින්නෙන් පසුවූ කාණුවේ සිටි කුකුළා ද වී ඇට කෑමට පිටතට පැමිණි අතර කකුල ගැට ගැසූ කුකුළා අනෙකාට කොටා පළවා හැරීය. ඌ බියවී නැවත කාණුව තුළට රිංගුවාට පසු ඉවතට පැමිණියේ නැත. හිරු බැසගොස් කළුවර වැටෙන්නට විය. අවසානයේදී කුකුළා මුදාගැනීම සඳහා කොන්ක‍්‍රීට් තට්ටුව කැඞීමට සිදුවිය. නාරාහේන්පිටින් මේ කතාව වාර්තා විය.

අදහස් (0)

කුකුළා බේරාගන්න දවස් 2 ක්ම යෝධ මෙහෙයුමත් කරලා

පිටිගල Monday, 25 August 2014 04:56 AM

මේ අය මේ කුකුළාට තිබුන සත්ව කරුණාව නිසා උගේ ජීවිතය බේරාගන්න මේ වැඩේ කළා නම් ඒ සියලු දෙනාටම මගේ ප්‍රණාමය. එහෙම නැතුව ඒ කුකුළා නැතිවීමෙන් ලද ආර්ථික පාඩුව සළකා මේ දේ කළානම් ඉතින් මෙහෙයුම ගැන කියලා වැඩක් නැහැ. (නි)

: 0 0

රෙජි-සිඩ්නි Monday, 25 August 2014 05:32 AM

සතෙක් වුණත් ජීවිතයක්නේ.හොඳ වැඩක්. මේ රටේ සතුන් ඔය වාගේ අනතුරු වලට වැටුනම ගිනි නිවන හමුදාවෙන් ඇවිල්ලා උපකරණ යොදා ඒ සතුන් මුදාගන්නවා. (නි)

: 0 0

සුමින්ද Monday, 25 August 2014 05:54 AM

ඉතින් කොන්ක‍්‍රීට් තට්ටුව ආපහු දැම්මද? (නි)

: 0 0

කුමාරි Monday, 25 August 2014 11:25 AM

පිටිගල හරි. කුකුළා එළියට ඇවිල්ලා නැවත ඇතුළට යද්දී කී සැරයක් හිතෙන් ඌව මරන්න ඇද්ද? (නි)

: 0 0

කුසල් Tuesday, 26 August 2014 03:24 AM

මට හිනාත් යනවා (දී)

: 0 0

අයියෝ සල්ලි Tuesday, 26 August 2014 03:26 AM

විහිලු වගේ නැද්ද (දී)

: 0 0

හේවාවිතාරණ Wednesday, 27 August 2014 12:48 PM

හරිම කුකුලෙක් තමා (අ)

: 0 0

හේවාවිතාරණ Wednesday, 27 August 2014 12:50 PM

කුමාරි : පොඩ්ඩක් ඉවසන්න කුකුළා පරිස්සමෙන් ඉන්නවා (අ)

: 0 0

පහන්දී Tuesday, 26 August 2014 05:58 AM

ඔව් කුමාරි මගෙත් එහෙම වෙනවා ඇයි මන්දා...? (දී)

: 0 0

කුමාරි Monday, 25 August 2014 03:39 PM

අද දමපු අදහස් එකක්වත් පල කරලා නැහැනේ......මොකද ඒ.........(අ)

: 0 0

සෑම් Monday, 25 August 2014 08:47 AM

රෙජි සිඩ්නි, ගිනි නිවන හමුදාවෙන් සත්තු බේරාගන්න එක නම් ඇත්ත තමයි. නමුත් ඔවුන් මුළු පළාතම විනාශ කරලා තමයි සතාව බේරාගන්නේ. (නි)

: 0 0