ඇල්පිටිය චන්ද්රසිරි ගුණසේකර
ලොකු ලාබයකට ශීතකරණයක් මිලදීගත් කෙනකුට අන්තිමේ ශීතකරණයත් මුදලුත් දෙකම අහිමිවීමේ පුවතක් දකුණු පළාතේ ගමකින් වාර්තාවේ.
නගරයේ හා ගමින් ගමට ගොස් එළවළු ඇතුළු විවිධ දේවල් වෙළෙඳාමේ යෙදී සිටි ජංගම වෙළෙන්දෙක් ප්රදේශයේ කාගේත් හොඳහිත දිනාගෙන සිය වෙළෙඳාම් කටයුතු කළේය.
කෙතරම් කාලයක් මේ කියන වෙළෙන්දා සිය වෙළෙඳාම් කළද ඔහුට ඉන් කිසිදු දියුණුවක් ඇතිවූයේ නැත. ඒ නිසා ඔහු කල්පනා කළේ නගරයේ කඩයක් දමාගෙන මේ වෙළෙඳාම කළහොත් තමාට ඉන් මීට වඩා දියුණුවක් ලබාගත හැකි බවය. ඒ සඳහා එකවර විශාල මුදලක් වැය කළ යුතුය. එහෙත් එතරම් මුදලක් සොයාගැනීම ඔහුට අපහසුවිය. ඒ නිසා ඔහු මීට උපායක් කල්පනා කළේය.
නගරයේ වූ විදුලි උපකරණ අලෙවි සලකට ගිය ඔහු එහි ඇති ශීතකරණවල මිල හා විස්තර විමසා දැනගත්තේය. එකවර රුපියල් දසදහසක මුදලක් ලබාදුන්නොත් රුපියල් අසූ දහසක් වටිනා ශීතකරණයක් මාස්පතා ගෙවීමේ ක්රමයට ලබාගත හැකි බව එහිදී දැනගත හැකි විය.
එළවළු වෙළෙඳාමේ යනවිට සමහර නිවෙස් හිමියන් එළවළු මිල අඩු දවස්වලදී වුව වැඩි ප්රමාණයක් මිලදී නොගන්නේ ඔවුන්ගේ නිවෙස්වල ශීතකරණයක් නොමැති නිසා බව සමහරු මොහු සමග පවසා තිබුණි. එවන් නිවෙසකට ගිය මෙම ජංගම වෙළෙන්දා කියා සිටියේ තමන්ගේ බිරිඳ ගිය සතියේ පිටරට රැකියාවක නියුතුව සිට ගෙදර පැමිණි බවත් ඈ එනවිට ශීතකරණයක් ගෙනා බවත්ය.
‘‘අපේ පවුල ලොකු ෆ්රිජ් එකක් ගෙනත් තියෙනවා. හරියට ගෙයක් දොරක් නැති අපට ෆ්රිජ් එකක් මොකටද ? ඒක මම විකුණනව ඔයාලට ඕනෑනම් කියන්න අඩුවට දෙන්නම්.” ජංගම වෙළෙන්දා නිවෙස් හිමියකුට පැවැසීය.
‘‘කීයකටද මුදලාලි දෙන්නෙ”
‘‘මේක කඩේ නම් අසූදාහක් වෙනව. ඔයාල මට හැට දාහක් දෙන්න. මහත්තයල කැමැතිනම් හෙට මුදල් හරිගස්සල තියාගන්න. මම හෙට සවස ගෙදරටම ගෙනත් දෙන්නම්.”
රුපියල් විසිදහසකම ලාබයක් තිබෙන නිසා නිවෙස් හිමියෝ ඊට කැමැත්ත පළකළහ. පසුදා ශීතකරණ අලෙවිසලට ගිය ජංගම වෙළෙන්දා රුපියල් දසදහසක් ගෙවා ඊට සාක්ෂියට තවත් ජංගම වෙළෙන්දකු ලවා අත්සන් කරවා ශීතකරණය ලබාගෙන නගරයේ වූ කුලී රථයක දමාගෙන එය නිවෙසට ගෙනගොස් දී පොරොන්දුවූ මුදල ලබාගෙන ආවේය.
මාස කිහිපයක් ගියද මේ වෙළෙන්දා මාසික වාරික ගෙව්වේ නැත. පසුව බැරිම තැන එම කළමනාකරු පොලිසියේ පැමිණිල්ලක් දමා මේ ගැන පරීක්ෂණ කළද ජංගම වෙළෙන්දාගේ නිවසේ ශීතකරණයක් නොමැති බව දැනගත්තේය. පසුව එදා ශීතකරණය රැගෙන ගිය කුලී රථ රියදුරා මගින් ශීතකරණය ගෙනගිය නිවෙස සොයාගෙන ගොස් ඔවුන්ට කරුණු පහදා දී ශීතකරණය ආපසු රැගෙන ඒමට එම කළමනාකරු කටයුතු කළේය.
අවසානයේ වැඩි ලාබයට ශීතකරණය මිලදීගත් ගෙහිමියන්ට ශීතකරණයත් මුදලුත් දෙකම අහිමි වී ඇත.
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
එළවළු වෙළෙන්දෙකුගේ ගුලියට ප්රිජ් එකයි සල්ලියි දෙකම නැතිවෙලා