කැබිතිගොල්ලෑව හේමන්ත රණසූරිය
උතුරු මැද පළාතේ එක්තරා අධ්යාපන කලාපයකට අයත් අධ්යාපන කොට්ඨාසයක දුෂ්කර ගමක ප්රාථමික පාසලක ඉංග්රීසි පාඩමක දී සිදුවුණු අපූරු සිද්ධියකි.
මෙම පාසලේ ඉංග්රීසි විෂය උගන්වන ගුරුතුමිය ඉතා සැර පරුෂ තැනැත්තියකි. ඇය තම ඉංග්රීසි විෂය පන්ති කාමරය තුළ සිසුන්ට ඉගැන්වීමට මැලිකමක් දැක් වූවාය. එබැවින් ඇය සෑම දිනකම පාසලේ මිදුලේ ඇති කොහොඹ ගස් සෙවණේ සිසුන් වට රවුමකට ඉන්දවා ඇය එම රවුම මැද ඉඳගෙන පාඩම ඉගැන්වීමට ප්රිය කළාය.
5 වසරේ සිසු දරුවන් අතර සිටි එක් සිසුවෙකු, ඉංග්රීසි විෂයයට බෙහෙවින්ම දුර්වල දරුවෙක් විය. ඔහුට ඉංග්රීසි ගුරුතුමිය ”ඇස් දෙකට පේන්න බැරි” චරිතයක් විය. ඒ ඇය නිතර ප්රශ්න විමසුවේත්, දඬුවම් දුන්නෙත් ඔහුටම වීමත්, ඇය ඔහුට ”බකමූණා” යන අන්වර්ථ නාමයකින් ඇමතීමත් නිසාය.
එදින ඉංග්රීසි පාඩමට සිසුහු තම තමන්ගේ පුටු හිස මත තබා ගෙන ගොස්, කොහොඹ ගස් සෙවණේ වටා රවුමක් සාදා ඉද ගත්හ.
ඔහු අසලම සිටියේ ප්රේමතිලක නැමැති සිසු දරුවකු වූ අතර, ඔහු නිතර අනුන්ට ”ලණු” දෙන්නෙකි.
ඉංග්රීසි ගුරුතුමිය පැමිණ හරි බරි ගැහී පාඩම පටන් ගත්තාය. ඉංග්රිසි ගුරුතුමිය හඳුන්වන අපගේ බකමූණා ඇය දෙස බලා සිටියේ යක්ෂණියක දෙස බලා සිටින තරමටම බියකිනි. එයට හේතුව ඔහු ඊට පෙර දින පාසලට නොපැමිණීමය.
ගුරුතුමිය කටහඬ අවදි කළාය. ”හොඳයි මම ඊයෙ ඔයාලට කියල දීපු වචන ටික අපි අද මතක ද කියලා බලමු. කුඩයට ඉංග්රීසියෙන් කියන්නේ මොකක්ද..?”
පන්තියේ සියලුම සිසුන් පුටු මතින් නැගිට, කකුල්වල ඇඟිලි කොටසින් උඩට ඉස්සි, අත් උඩට ඔසවාගෙන සිටියේ මම දන්නවා මම දන්නවා කියන්නාක් මෙනි.
අප කතානායක බකමූණා අන්දුන් කුන්දුන්ව ඇඹරෙන හැටි, අල්ලපු පුටුවේ සිටි ප්රේමතිලක සිසුවා දැක්කේය.
”ඇයි උඹ ඒක දන්නෙ නැද්ද...? මම කියලා දෙන්නම්. බය නැතුව අත උස්සනවා...” යැයි රහසින් පැවැසීය.
බකමූණා ඉතා සතුටින් අත ඉහළට ඔසවා ගුරුතුමිය දෙස පපුව ඉස්සරහට දාගෙන අභිමානයෙන් යුතුව බලා සිටියේය. ගුරුතුමිය රවුම වටා වටයක් කැරකී, ” හොඳයි බකමූණ කියනවා බලන්න” යැයි කීවාය. කිසිවකුටත් නොඇසෙන නොදැනෙන ලෙස තම අසල්වැසි මිතුරා කුඩයට ඉංග්රීසියෙන් කියන නම බකමූණාට රහසින් කීවේය. මුළු පන්තියම දෙදරන හඬින් ආඩම්බරයෙන් යුතුව, බකමූණා ”ටීචර්... කුඩයට කියන්නේ ”ගොංබෙල්ලා කියලා”. යැයි කියනවාත් සමගම, මුළු පන්තියම එකම සිනා සාගරයක් බවට පත්විය.
කේන්තියෙන් පුපුරු ගසමින් සිටි ගුරුතුමිය වේවැල අතට අරගෙන හැරෙන්නටත් පෙර බකමූණා ”කුරුලු වෙස්” ගෙන පන්තියෙන් ඉගිලී ගොස් තිබුණි.
පාසලෙන් පැනගිය වරදට බකමූණා පසුවදා විදුහල්පතිතුමිය හමුවීමට තම මවගේ අතේ එල්ලී, පාසල් වත්තට ඇතුළු වූයේ ගොළු බෙල්ලකුගේ ගමනටත් වඩා හෙමින් පස්සට ඇදෙමින් ය.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඉංග්රීසි පන්තියේ බකමුණා අමාරුවේ වැටිලා
mangala Tuesday, 14 November 2023 02:15 PM
මේකෙ හොඳම එක 'බකමූණා කුරුලුවෙස් ගෙන පන්තියෙන් ඉගිලී ගොස් තිබුණි' කියන එක. කොහොම වුණත් ගුරුවරිය බරපතල වරදක් කරන්නේ ළමයාට අන්වර්ත නාමයකින් ඇමතීමෙන්.
Sanju Tuesday, 14 November 2023 09:24 PM
හැම දරුවෙක්ම එකවගේ නෑ කියලා හිතන්න ගුරුවරුන්ට පුළුවන් වුණා නම් කවදාවත් මේ වගේ දේවල් වෙන්නේ නැහැ...
Tilak Ratnasuriya Thursday, 16 November 2023 06:49 PM
ක්රියාවෙන් අවබෝධය, ව්යාපෘති වැඩ, එසයින්මන්ට් වගේ දේවල් වලින්, පින්ලන්තයේ අධ්යාපනය මෙන් ළමුන්ට ඉගැන්විය යුතුවේ... ඉංග්රීසිවලට ක්රියාවෙන් අවබෝධයට රඟදැක්වීමක් ඇසුරින් මතකය සරුකළ හැකිය...
Dinesh Dissanayake Tuesday, 21 November 2023 05:19 AM
මෙහෙම ටීචස්ලා ඉන්න මේ රටට දෙයියන්ගේම පිහිටයි