කෑගල්ල අධිකරණ චමින්ද වැවතැන්න
ඇඟිල්ලක් සපා කෑමේ සිද්ධියකින් නැන්දම්මා ලේලි අතර අපූරු ආරවුලක් ඇතිවීමේ පුවතක් කෑගල්ල ප්රදේශයේ ග්රාමයකින් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
මීට දින කිහිපයකට පෙර වයෝවෘද්ධ මව නිවෙසේ සිට කිලෝමීටරයක් පමණ ඈතින් පිහිටි කැලයකට ගොස් දර මිටියක් සොයාගෙන දර මිටිය හිස මත තබාගෙන නිවෙසට පැමිණෙමින් සිටියදී නිවෙස ආසන්නයේ දී පය ලෙස්සා වැටුණාය. දර මිටිය පැත්තකට ද වයෝවෘද්ධ මව තවත් පැත්තකට ද විසි වූවාය.
වයෝවෘද්ධ මව කෑ ගසන්නට වුවාය. කෑ ගැසීමේ සද්දය ඇසී ඇති ලේලිය හා මුනුපුරන් මිනිපිරියන් දුව ගෙන පැමිණ වැටී සිටි වයෝවෘද්ධ මව නැගිට්ටවා අත් දෙකෙන් අල්ලාගෙන නිවෙසට රැගෙන ගියාය.
‘‘මගේ දකුණු අත රිදෙනවා කැඩිලා වගේ. යං සිංහල බෙහෙත් ටිකක් ඉක්මනට බදින්න යැයි වයෝවෘද්ධ මව ලේලියට පැවසුවාය. ලේලිය අල්ලපු නිවෙසේ ඥාතිවරයකුට කතා කර ඔහුට අයත් ත්රීරෝද රථයකින් දේශීය වෛද්යවරයකු වෙත රැගෙන ගියාය.
වෛද්යවරයා දකුණු අත බලා අස්ථියක් පුපුරා ගොස් ඇති බවත් අත සුව කළ හැකි බවත් පවසා තෙලක් ගා හනික බෙහෙතක් කොටා මලවා පත්තුවක් බැඳ දුන්නේය.
දින දෙකකට වරක් යළි පැමිණ බෙහෙත් ටික බැඳ ගන්නා ලෙස වෛද්යවරයා දන්වා සිටීමෙන් පසුව නැන්දම්මා ලේලි දෙදෙනාම ත්රීරෝද රථයෙන් නිවස බලා පැමිණියහ.
මවට මුහුණ කට සේදීමට වතුර දී මුහුණ සෝදා ගැනීමෙන් පසුව ලේලිය රෑට උයා පිහා තිබුණු බත් පිඟානකට බෙදා හැන්දක් වතුර කෝප්පයක් සමග කන්න යැයි පවසා දුන්නාය.
හැන්දෙන් ද කෑමට නොහැකිව සිටි නැන්දම්මා ගැන අනුකම්පා කළ ලේලිය ‘‘හැන්ද අල්ලන්න බෑ නේද දෙන්න බත් පිඟාන මම කවන්නම් යැයි පවසා නැන්දම්මා අත තිබුණු පිඟාන අතට ගත්තාය.
බත් කටවල් කිහිපයක් කවමින් සිටින අවස්ථාවේ දී ලේලියගේ දකුණු අතේ ඇඟිල්ලක් නැන්දම්මාට හැපුණි. තරු පෙනුණ ලේලිය කෑ ගසන්නට වූවාය. අසල්වැසියෝ ද ලේලිය කෑ ගසන ශබ්දය ඇසී නිවෙසට පැමිණ කෑ ගසන්නේ මන්දැයි විපරම් කළහ.
වයෝවෘද්ධ මවගේ දතක් වැදී ලේලියගේ දකුණු අතේ ඇඟිල්ලක් තුවාල වී ලේ ගලමින් තිබිණි. පසුව අල්ලපු නිවෙසේ ත්රීරෝද රථයෙන් වෛද්යවරයකු වෙත ගොස් ප්රතිකාර කර තිබේ. දැන් මේ වෙද්දී අපූරු විරසකයක් ඇතිවී තිබේ. නැන්දම්මාගේ දකුණු අත ද ලේලියගේ දකුණු අතේ ඇඟිල්ලකට ද ප්රතිකාර ලැබීමෙන් පසු දෙදෙනාම කතා බහ නොකර ජීවත් වෙමින් සිටින බව වාර්තා වෙයි.
වැඩිහිටි දීමනාව මාසයකට ලක්ෂයක් ලබා දෙන බව පවසමින් කාන්තාවක රවටා ඇය සතු ලක්ෂ හයක් පමණ වටිනා රන්ආභරණ රැගෙන පලාගිය වංචාකරුවෙකු පිළිබඳ කතා පුවතක් අරලගන්
සමස්ත ලංකා පාසල් ඉංග්රීසි නාට්ය තරගාවලියේදී විදුහල්පතිගේ හිත සතුටු කරවන්න ඔහුගේ පුතා නාට්යයට සම්බන්ධ කරගත් අපූරු පුවතක් දකුණු පළාතේ පාසලකින් අස
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ඇගිල්ලක අවුලකට නැන්දා ලේලි ඔරවාගෙන