පොල්ගස්ඕවිට එස් වික්රමආරච්චි
පැවති දැඩි වියළි කාලගුණය නිසා මැරීයාමට ලක්ව තිබෙන තම තේ වගාව බේරා ගැනීමට අල්ලපු වත්තේ ළිඳෙන් වතුර දැමීමට ගොස් එහි නිවැසි කාන්තාව සමග කතාබහකට වැටීම නිසා ටැංකියේ ජලය බිංදුවටම හිඳීගොස් සිදුවූ අලකලංචියක් පිළිබඳව පුවතක් පසුගියදා දකුණේ කඳුකර ගම් ප්රදේශයකින් අසන්නට ලැබිණි.
අසන්නට ලැබෙන පරිදි සිද්ධිය මෙසේය,
ප්රදේශයේ ජනතාවගේ ප්රධානම ජීවනෝපාය වන්නේ තේ කර්මාන්තයයි. පසුගිය දිනවල පැවති දැඩි නියඟ නිසා බොහොමයක් තේ වතු මැරී යාමට පටන්ගෙන ඇත. විශේෂයෙන් පැරැණි තේ ගස්වලට වඩා මෑතකදී සිටුවන ලද පැළ තේ වගා මැරී යාමේ තර්ජනයට ලක්ව ඇත.
මෙම පුද්ගලයා ප්රදේශයේ නමගිය දක්ෂ තේ වගාකරුවෙකි. දෙදරු පියකු වුවද තවමත් මැදිවිය ඉක්මවා නොගිය ප්රියමනාප තැනැත්තකු වන ඔහු දළු කඩන කාන්තාවන් දෙතුන් දෙනෙකු සමඟ අනියම් සබඳතා පවත්වන අනංගයෙකු බව ප්රදේශයේ ප්රසිද්ධ රහසකි.
සිය නිවසට මඳක් ඈතින් ඇති ඔහුගේ ඉඩමක මීට මාස දෙක තුනකට පෙර, පළමු කප්පාදුව සිදුකරන ලද අලුත් තේ වගාවක් ඇත. දිනෙන් දිින එම වගාවේද ගස් මැරී යාමට පටන්ගත්තේය.
එම ඉඩමට ජල පහසුකම් නොමැති නිසා තේ වගාව විනාශයෙන් බේරා ගැනීමට මඟක් නොමැතිව හේ බලවත් සේ සිත් තැවුලට පත්වෙමින් සිටියේය.
ඒත් වාසනාවකට ඔහුගේ ඉඩම්වල දළු කැඩීමට එන තරුණ සහ ඇහැට කනට පෙනෙන සුරූපී කාන්තාවකගේ නිවස පිහිටියේ එම ඉඩමට අල්ලපු ඉඩමේය. එහි තරමක් ගැඹුරු ළිඳක් ඇත.
පසුගිය දිනෙක ඔහු ඉඩමට ගොස් මැරී යාමට ලක්වෙමින් තිබෙන තේ ගස් දෙස බලමින් සුසුම් හෙළමින් සිටිනු දුටු එම කාන්තාව ‘‘අයියේ මේ අපේ ටැංකියෙන් වතුර ටිකක් අරගෙන දාල ඔය ඉතුරුවෙලා තියෙන ගස් ටිකවත් බේරගන්න බලන්න” යැයි ඇය කීවාය.
එම නිවෙසට ගොඩවී ඇය සමඟ නිදහසේ තනිපංගලමේ පැයක් හමාරක් ගතකරන්නට ඇත්නම් යැයි අනේකවාරයක් සිහින දකිමින් සිටි ඔහු ඇයගේ එම ආරාධනාවෙන් බලවත් සතුටට පත් විය.
කඩිමුඩියේ නිවෙසට දිවගොස් මේ සුබ ආරංචිය සිය බිරිඳටද දැන්වූ හෙතෙම එදින සවස සිටම තේ වගාවට ජලය යෙදීමට පටන්ගත්තේ ඉහවහා ගිය ප්රීතියෙනි. එතැන් පටන් සෑම දිනකම ඔහු හවසට හවසට වතුර දැමීමට ඉඩමට යයි.
පසුගිය දිනෙක එම කාන්තාවගේ සැමියා දුර බැහැර ගමනක් ගොස් ඇති බැව් ඇගෙන්ම දැනගත් මේ පුද්ගලයා වතුර යොදන හෝස් පයිප්පය කරාමයට සම්බන්ධ කර එය තේ ඉඩමේ ඉහළ තැනක රඳවා ඉඩම පුරා ජලය ගලා යාමට සලස්වා කාන්තාවගේ නිවෙසට ගොඩවූයේ ඇය සමඟ මොහොතක් අල්ලාප සල්ලාපයේ යෙදෙන්නට තිබූ නොතිත් ආසාව නිසාමය.
”නංගී බුලත් විටක් කමුද” යැයි අසාගෙන ගෙට ගොඩවූ හෙතෙම විවිධ ඕපාදූප ඇදගෙන ඇය සමඟ කතාබහ කරන්නට පටන්ගෙන ඇත.
සැමියාද නිවෙසේ නොසිටින අවස්ථාවක පිටස්තර පිරිමියෙකු සමඟ කතාබහ කරමින් ගතකිරීමට එම කාන්තාව එතරම් කැමැත්තක් නොදැක්වුවද මෙම පුද්ගලයා කූඩැල්ලෙකු මෙන් එල්ලී දිගින් දිගටම නිවසේ රැඳී සිටින්නට විය.
කෙසේවෙතත් තමාට සිතැඟි පරිදි කයිවාරු ගැසීමට කාන්තාව පොළඹවා ගත නොහැකි බව තේරුම් ගත් ඔහු හෙමින් සීරුවේ ඉඩම දෙසට පල්ලම් බැස්සේය.
ඒ වන විට ජල ටැංකිය හිස්වන තුරු ඉඩම පුරා ජලය ගලා ගොස් ඇති බව දැක ඔහුගේ උගුර කට වියළී ගියේය.
මේ බව කාන්තාවට දන්වා කනගාටුව ප්රකාශ කළ ඔහු තමා පැමිණි බවක් සැමියාට නොකියන ලෙස ඇයගෙන් ඉල්ලා හනි හනිකට ගෙදර ගියේය.
මඳ වේලාවකින් නිවෙසට පැමිණි ඇයගේ සැමියා ටැංකියේ ජලය නොමැති බව දැනගෙන ඒ පිළිබඳව බිරියගෙන් විමසීමේදි ඇය සිදුවූ දේ ඔහුට පවසා ඇත.
විස්තරය ඇසීමෙන් ඔහුට යකා නැග්ගේය. මින් පසු වතුර දැමීමට නොව පැත්ත පළාතෙ පස් පාගන්නවත් නොඑන ලෙස දන්වා අර පුද්ගලයාට පණිවුඩයක් යැව්වාලු.
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අල්ලපු ගෙදර ළිඳෙන් වතුර අරන් ජරමරයක්