අල්ලපු ගෙට ආ සිසුවිය කුරුලු කූඩුවක්ම ඉහිරවලා

(උණවටුන - ඩී.ජී. සුගතපාල)

ඇය ගණිත අංශයෙන් උසස්පෙළ හදාරන දක්ෂ සිසුවියෙකි. වයස අවුරුදු දාහතයි මාස දෙකකි. මේ අතර ඇයගේ නිවෙස අසල පදිංචියට පවුලක් ආවේය. එම පවුලේ පියාගේ වයස අවුරුදු තිස් අටක් වූ අතර දරුවන් සිව් දෙනෙක් විය. වැඩි මහල් දියණිය අල්ලපු ගෙදර සිටින මෙම සිසුවියගේ වයසේම වූවාය.

ටික කලක් යනවිට පවුල් දෙක අතර සුහදත්වයක් ඇතිවිය. එහි ප්‍රතිඵලය වූයේ මෙම සිසුවිය එම පියා සමග සම්බන්ධයක් ඇති කර ගැනිමය. ටික දිනක් යනවිට ඇයට ඔහුත් ඔහුට ඇයත් නැතිවම බැරි විය.

මේ අතර ඔහු පදිංචිය වෙනස් කිරීමට තීරණය කළේය. ඒ අනුව ඔහු එම නිවසේ සිට කිලෝ මීටර් පහක් හයක් තරම් දුරින් අලුත් නිවෙසක පදිංචියට ගියේය. එසේ ගොස් දින කිහිපයකට පසු ඔහු නිවසට අමුත්තියක් කැඳවාගෙන ආවේය. ඒ පෙර පදිංචි නිවස අසල සිටි උසස් පෙළ සිසුවියයි. ඇය කැඳවාගෙන ඒමත් සමග ඔහු බිරිඳ නිවසින් එළවා දැම්මේය.

සිසුවියගේ මව්පියන් ඇයගේ අතුරුදන්වීම පිළිබඳ පොලිසියේ පැමිණිල්ලක් ද දැම්මේය. දැන් ඔහුගේ අලුත් බිරිය තමාගේ වැඩි මහල් දියණියගේ වයසේ පසුවන සිසුවියයි. තම දරුවන් සිව් දෙනා ද සමග ඔහු කිසිම හිරිකිතයකින් තොරව එම සිසුවිය සමග අඹු සැමියන් ලෙස ජීවත් විය.

මාස දෙකකට පසු ගාල්ල පොලිස් අධිකාරිවරයාට ලැබුණු පෙත්සමක් අනුව ගාල්ල කොට්ඨාස ළමා හා කාන්තා කාර්යංශය පරීක්ෂණ ආරම්භ කළේය. එම පුද්ගලයා මත්ද්‍රව්‍ය චෝදනා ලබා සිටින පුද්ගලයකු නිසා දූෂණ මර්දන අංශයේ නිලධාරි කණ්ඩායමක්ද සමග ළමා හා කාන්තා කාර්යංශයේ නිලධාරින් එම නිවස සොයා ගොස් සිසුවිය පොලිස් බාරයට ගත්තේය.

පසුව සිසුවිය ගාල්ල අතිරේක මහේස්ත්‍රාත් අසංගා හෙට්ටිවත්ත මෙනවිය හමුවට ඉදිරිපත් කිරීමෙන් පසු ළමා නිවාසයක රඳවා තැබීමට නියෝග කළාය.

ගාල්ල කොට්ඨාස ළමා හා කාන්තා කාර්යංශයේ ස්ථානාධිපතිනි පොලිස් පරීක්ෂිකා ඩී. අල්ගෙවත්ත මහත්මිය ඇතුළු නිලධාරි කණ්ඩායමක් විසින් සිද්ධිය සම්බන්ධයෙන් වැඩිදුරටත් පරීක්ෂණ පවත්වා ගෙන යනු ලැබේ.

අදහස් (4)

අල්ලපු ගෙට ආ සිසුවිය කුරුලු කූඩුවක්ම ඉහිරවලා

අචලා Thursday, 23 August 2018 10:46 AM

බොරු චෝදනාවක් දාලා අත් අඩංගුවට අරගෙන වගේ.

: 5 68

Duminda Sunday, 26 August 2018 08:46 AM

වෙන රටකනම් මෙහෙම නිව්ස් එකක් යන්නේ බාල අපරාධයක් වෙලා කියලා. එ්ත් ලංකාවේදී එ්කත් ළමයගේ වැරැද්ද...

: 0 227

dammi Tuesday, 28 August 2018 01:42 AM

පොලිස්කාරයෝ ඒ මිනිහගෙන් පගාව අරන් සිසුවිය විතරයි අත්අඩංගුවට ගත්තේ.......

: 101 0

suresh Tuesday, 28 August 2018 04:52 AM

මොකක්ද මේ සිසුවිය කඩපු කුරුලු කූඩුව? මේක දාන්න ඕනෙ පව්කාරයෙක් බාලවයස්කාර දැරිවියක්ව නොමග යවා අපයෝජනය කලා කියලා?

: 0 107

ඔබේ අදහස් එවන්න

වැඩි දෙනා කියවූ පුවත්

ඇමති දෙන්නෙක්ගේ ඉල්ලා අස්වීමක් ගැන ගැසට් නිවේදනයක්

2025 ඔක්තෝබර් මස 12 15531 6

පොලිස් පොඩ්ඩාට පෙනී සිටි ‍තාරක නීතිඥ සංගම් කමිටුවෙන් යයි

2025 ඔක්තෝබර් මස 19 12358 17

පුටු මාරුව: බිමල්ගෙන් සැර ප්‍රකාශයක්

2025 ඔක්තෝබර් මස 12 9567 10

“ඇප ලැබෙන විදිහට බඩු නොදැම්මොත් මරනවා”

2025 ඔක්තෝබර් මස 10 8509 2

වාහන ආනයනයෙන් බස් 3,000ක් අනතුරේ

2025 ඔක්තෝබර් මස 24 8434 31

2025 ඔක්තෝබර් මස 08 1573 0

ශ‍්‍රී ලංකාවේ සෞඛ්‍ය සේවාවේ උන්නතිය සඳහා වන කැපවීම ස්ථිර කරමින් හේමාස් සමාගම තලවතුගොඩදී නවීනතම රෝහලක් ආරම්භ කරයි

හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.

2025 ඔක්තෝබර් මස 01 1366 0

මහාචාර්ය මොහාන් මුණසිංහ මහතා මුම්බායි හි පැවති එක්සත් ජනපද-ඉන්දියානු ව්‍යාපාරික සමුළුවේදී ඇමරිකා එක්සත් ජනපදයේ නිව් ජර්සිහි ආණ්ඩුකාර ෆිල් මර්ෆි මහ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට

2025 සැප්තැම්බර් මස 23 489 0

ජනසතු සේවා සත් සාමාජික පාපන්දු ශූරතාවය ශ‍්‍රී ලංකා ඉන්ෂුවරන්ස් දිනාගනී.

ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන