ඔහු අම්පාරේ පදිංචි තරුණයෙකි. කොළඹ පෞද්ගලික අංශයේ ආයතනයක රැකියාවක් කළ අතර, ඔහුගේ පෙම්වතිය පදිංචිව සිටියේ ගාල්ලට ආසන්න ගමකය. දෙදෙනා හමු වූයේ ඉඳහිට වුවත්, ජංගම දුරකතනය ඔස්සේ නම් නිතරම හමු විය.
මේ අතර, ඉකුත්දා අලුයම ඔහු මී කිරි හට්ටි තුනක් ද රැගෙන අම්පාරේ සිට ගාල්ලට ආවේය. එසේ පැමිණියේ කිරි හට්ටි තුන පෙම්වතියට දී ඇය ද හමු වී කොළඹ යාමේ බලාපොරොත්තුවෙනි. ඔහු ගාල්ල බස් නැවැතුම්පොළෙන් බහිද්දී වේලාව අලුයම හතරයි තිහට පමණ ඇත.
පෙම්වතිය කියා තිබුණේ, ඇය ගාල්ල බස් නැවැතුම්පොළට එන බවය. ඔහු කිරි හට්ටි තුන ද එල්ලාගෙන බස් නැවැතුම්පොළේ කෙළවරකට වී සිටියේ ඇයගේ පැමිණීම බලාපොරොත්තුවෙනි. එහෙත් ඇය පැමිණිය යුත්තේ හිරු පෑයූ පසුවය.
මේ අතර, ඔහු අසලට පැමිණි තරුණයෙකි. තොරතුරු කතාබස් කරමින් සිටි දෙදෙනා මිතුරන් වීමට වැඩි වේලාවක් ගත වූයේ නැත.
“අපි යමු සමනල ග්රවුන්ඩ් එක පැත්තට” අලුතෙන් හමු වූ මිතුරා යෝජනා කළේය. අලුත් මිතුරා කොතරම් සුහදශීලි මිතුරකු වූයේ ද කියනවා නම්, කිරි හට්ටි තුනම ඔහු ඔසවා ගෙන ගියේය.
සමනල ක්රීඩාංගණය දෙසට ගිය අලුත් මිතුරා ඔහුට කිව්වේ, එහි සෙනග ගැවසෙනවා වැඩි බවය. එනිසා ආපසු ඔහු චීන කොරටුව මැද පාරට කැඳවාගෙන ආවේය. එහිදී කිරි හට්ටි තුන ඔහු අතට දුන් අලුත් මිතුරා ආරක්ෂාව සඳහා ඔහුගේ මුදල් පසුම්බිය සහ ජංගම දුරකතනය තමාගේ අතට දෙන ලෙස ඉල්ලා සිටියේය. ඔහු කිසිම බියක් සැකක් නැතිව රුපියල් තිස් දහසක් සහිත මුදල් පසුම්බිය සහ රුපියල් තිස් පන් දහසක් වටිනා ජංගම දුරකතනය මිතුරා අත තැබුවේය.
එසේ දී මඳ දුරක් ඉදිරියට යන විට “ඔන්න පොලීසියෙන් එනවා, පොලීසියෙන් එනවා” කියමින් මිතුරා දිව ගියේය. මිතුරා දිව ගියේ කුමන දිසාවකට දැයි කියාවත් ඔහුට සිතා ගැනීමට බැරි විය. ඒ, ඔහු ගාල්ල නගරය ගැන එතරම් නොදන්නා නිසාය. එනිසා සැබැවින්ම ඔහුට සිදු වූයේ පොලීසියට යාමටය.
කිරි හට්ටි තුන ද එල්ලාගෙන ඔහු පොලීසිය සොයාගෙන ගොඩ වී සිද්ධිය කීවේය. ඒ වන විට හිරු පායාගෙන එමින් තිබිණ. පෙම්වතියට කීමට දැන් දුරකතනය ද නැත. එහෙත් පොලීසිය කාරුණික විය. එම අවස්ථාවේ රාජකාරියේ සිටි පොලිස් නිලධාරියා ඔහුගේ පෙම්වතියට ඇමතුමක් ගෙන දුන්නේය. ඇය එන බව කීවාය. ඒ අනුව ටික වේලාවකදී ඇය පොලීසියට ආවාය.
ඇය ඔහුගේ අත අල්ලාගෙන යමක් කීවාය. සමහරවිට “ඔයා ඔච්චර මෝඩ ද” යි ඇය ඇසුවා විය හැකිය. කෙසේ වෙතත් ඇයගේ දෑසින් කඩා හැළුණ කඳුළක් ඔහුගේ අතට වැටිණි.
ඇයගේ උදව්වෙන් ඔහු කොළඹ බලා යාමට පිටත් වූ අතර, ඇය අලුත් මී කිරි හට්ටි තුන ද රැගෙන හබරාදුව බසයකට ගොඩ වූවාය.
සියල්ල බලා සිටි පොලිස් නිලධාරියා පැවැසුවේ, නොහඳුනන ගැහැනුන්ට සහ පුද්ගලයින්ට නොරැවටෙන ලෙස කොතරම් දැනුවත් කළත්, මිනිසුන් ඒවා ගැන අවධානය යොමු නොකරන බවය.
පෙම්වතියක යැයි නංගි පෙන්වා හොඳම මිතුරා ගෙන් ලක්ෂ පහ හමාරක මුදලක් ලබාගෙන ඇතැයි කියන අපූරු තරුණයෙකු පිළිබඳ පුවතක් කෑගල්ල මූලස්ථාන පොලිසියෙන් වාර්තා වෙ
පොල් කැඩීම සඳහා එක් ගසකට පියා අයකරන කුලියට වඩා අඩු කුලියකට පුතා පොල් කඩන්නට වීමෙන් වසර ගාණක් තිස්සේ පියාට හිමිව තිබූ පොල් මුරයක් පමණක් නොව පියාගේ රැකි
අගනුවර කාර්යාලයක සේවය කරන තරුණියක උදරාබාධයක් හේතුවෙන් ප්රතිකාර ගැනීමට රෝහල වෙත ගිය පසු වෛද්යවරයා රෝග විනිශ්චය සඳහා දිවා ආහාරයට ගත්තේ මොනවා ද කියා
අම්මා මාළු ගෙනාවා කියා ගමේ කඩෙන් තමන් රැගෙන ගිය කුකුළු මස් පන්සීය ආපසු ගෙනැවිත් මුදල් ඉල්ලාගෙන ගිය පුතකු පිළිබඳව සියනෑවේ ගස් ගල් ඇති ගම්මානයකින් වාර
තමා කලින් ඇසුරු කළ පෙම්වතියගේ දියණියගේ මංගල උත්සවයට ගොස් අපහසුතාවට පත්වීමට පෙර උපක්රමයකින් යාමය බේරා ගත් පුද්ගලයෙකු පිළිබඳ පුවතක් මාතර දිසාවෙන් වා
උපන් ගමෙන් සැතැපුම් 25ක පමණ දුරක පදිංචිව සිටින සිය වැඩිමහලු සොයුරිය රෝගාතුරව අසාධ්ය තත්වයේ රෝහල්ගතව සිටියදී ඇයගේ අවමඟුල් දිනයේ දී ගුණකථනයක් කිරීම
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
අලුත් යාළුවාගේ අමුතු පොතට තිස්දාහක් දන්දීලා
Perera Wednesday, 03 May 2023 10:00 AM
ලංකාවේ අති බහුතරය මෝඩයි .කපටි දේශපාලුවෝ එය සක්සුදක් සේ දෙන්නවා