අනුන්ගේ බසයකට නැගලා ලොකු ගමනක් නොමිලේම ගිහින්

වැලිමඩ කේ.ආර්. රාජමන්ත්‍රී

පෞද්ගලික බසයක ධාවනය ගැන අවවාද කිරීමට එම බසයට ගොඩ වූ කැප්පෙටිපොළ බස් ඩිපෝවට අයත් බස් රථයක කොන්දොස්තරවරයකු එම බසයෙන් බැසීමට ඉඩ නොදී කිලෝ මීටර් කිහිපයක් රැගෙන ගොස් බස්වා යෑමේ සිදුවීමක් ඉකුත් දිනෙක දකින්නට ලැබුණි.

වැලිමඩ නගරයෙන් බණ්ඩාරවෙල නගරය දක්වා ඉකුත් දිනෙක කැප්පෙටිපොළ බස් ඩිපෝවට අයත් බස් රථය ගමන් ආරම්භ කළේය. එම වේලාවෙන් පසුව වැලිමඩ නගරයෙන් ගමන් ආරම්භ කළ පෞද්ගලික බස් රථය කිලෝ මීටර් හයක් පමණ යද්දී ඉදිරියෙන් ගිය ලංගම බසය පසුකර ධාවනය කරන අයුරු දක්නට ලැබුණි.

ලංගම බසය පසුකර ධාවනය වූ පෞද්ගලික බස් රථය පසුපසින් ධාවන වූ ලංගම බසයට ඉඩක් ලබා නොදී ධාවනයේ නියැළිණි. මාතැටිල්ල පාලම ආසල දී එම ස්ථානයේ සිටි මගීන් පිරිසක් නංවා ගැනීමට පෞද්ගලික බස් රථය මාර්ගය අවහිරවන ලෙසින් නතර කළේය.

මේ අවස්ථාවේ කැප්පෙටිපොළ බස් ඩිපෝවේ බස් රථයේ කොන්දොස්තර මහතා වේගයෙන් දුව ගොස් පෞද්ගලික බස් රථයට ගොඩ විය. බස් කොන්දොස්තරවරයා ගොඩ වූ සැණින් පෞද්ගලික බස් රථය ධාවනය කරන්නට විය.

වෙන කළ හැකි දෙයක් නොවීයෙන් කැප්පෙටිපොළ බස් ඩිපෝවේ බස් රථයේ රියැදුරා බස් රථය ධාවනය කළේ කොන්දොස්තරවයා නොමැතිවය. මේ අතර පෞද්ගලික බස් රථයේ රියැදුරා ලංගම බස් කොන්දොස්තරවරයා අඹේගොඩ ප්‍රදේශයේ බැස්ස වීය. ඒ වනවිට ඔහු සෑහෙන දුරක් පෞද්ගලික බසයෙන් නොමිලේම ගමන් කර තිබිණි.

වැලිමඩ, බණ්ඩාරවෙල නගර අතර ලංගම හා පෞද්ගලික බස්රථ ඒකාබද්ධ සේවයේ බස් ධාවන කාල සටහන පිළිබඳව තමන් පෞද්ගලික බස් රථයේ රියැදුරාට ධාවන කාල සටහනට අනුව තමන් සේවය කරන බසය පෙරවරු 9.30ට බණ්ඩාරවෙල නගරයට ළඟා වීමට ඇති බවත් එම වේලාවෙන් පසුව පෞද්ගලික බසය එහි ළඟා වීමටත් නියමව තිබෙන බවට පවසා ඇත.

මින් පසු මෙම වරද නොකරන ලෙසට අවවාද කරමින් දැනුවත් කළ බවත් තමන්ට බස්රථ ධාවනයේ දී ගැටුම් ඇතිකර ගැනීමට අවශ්‍යතාවක් නැති බවත් පැවැසූ බව කැප්පෙටිපොළ බස් ඩිපෝවේ බස් කොන්දොස්තරවරයා බසයේ සිට මගීන් සමග පැවසුවේය.

අදහස් (2)

අනුන්ගේ බසයකට නැගලා ලොකු ගමනක් නොමිලේම ගිහින්

Pradeep Kumara Friday, 19 January 2024 09:59 AM

කිසිදු විනයක් නැති අපේ මගී ප්‍රවාහන සේවාව. මොවුන්ට විධිමත් පුහුණුවක් ලබා දීමට කිසිදු ආයතනයක් නැති හැටි?

: 1 21

Savin Sunday, 21 January 2024 07:48 PM

මේ කතාවෙන් කියැවෙන්නේ ලංගම සේවකයෙක් ඔහුගේ අනුමැතියක් නැතිව පුද්ගලික බස් රථයේ රියදුරා විසින් අරන්ගිය බවයි. එය නීතිවිරෝධීයි.

: 0 1

ඔබේ අදහස් එවන්න

දෙයියෝ සාක්කි

උදවු කරන්න ගිහින්න නට්ටම් වෙලා

2025 මැයි මස 02 560 1

නිවසට සිඟමනේ පැමිණි කතකට පුතා උදව් උපකාර කළ අයුරු දැක මවුපිය දෙදෙනා නට්ටම් වූ පුවතක් කලාවැව අසල ගම්මානයකින් අසන්නට ලැබෙයි.

‘‘පොෂ්’’ වෙන්න ගිහින් පටිරෝල් වෙලා

2025 මැයි මස 01 716 0

මුහුදු මාළු ගැනීමට ගොස් අනුන්ට පේන්නට ප්‍රදර්ශනය කළ තම ‘‘මහන්තත්තකම”‍ බිංදුවට වැටුණු උඩඟු‍ කාන්තාවක පිළිබඳ අපූරු කතාවක් කැබිතිගොල්ලෑව සතිපොළ ප්‍ර

ලිස්සන ගහට සල්ලි නොදී ලිස්සා ගිහින්

2025 අප්‍රේල් මස 30 630 0

අලු‍ත් අවුරුදු උත්සවයක් සදහා ලිස්සන ගසේ නැගීමේ තරගය සඳහා අනුග්‍රාහක ත්‍යාග මුදලක් ලබා දීමට පොරොන්දු වී එයින් ලිස්සා යෑමේ පුවතක් මහනුවරට නුදුරු ප්‍රද

ඉඟිය වැරදී අවුරුදු උළෙලේ ජරමරයක්

2025 අප්‍රේල් මස 29 1232 0

සැඟවුණු අමුත්තා සැඟවී සිටින තැන් සැඟවුණු භාෂාවෙන් නිවේදකයා යකඩ කටින් කියද්දී අවුරුදු උත්සවය නරඹන්නන්ට සැඟවී සිටීමට සිදුවූ අපූරු ගාලු‍ දිසාවේ ගමකින

යතුරු මාරු වී ජංජාලයක්

2025 අප්‍රේල් මස 28 711 0

අවුරුද්දට මුල් නිවසට පැමිණි දරුවන් දෙදෙනකුට තම නිවෙස්වල යතුරු මාරු කරගෙන යාම නිසා සිදු වූ අලකලංචියක් පිළිබඳව පුවතක් දකුණ හා රජරට පළාත් අතරින් අසන්නට

අවුරුදු උළේලෙ සැගවුණූ අමුත්තාට දරුවකු සමග තරුනියක් තෑගි

2025 අප්‍රේල් මස 26 766 0

අවුරුදු උත්සවයේ සැඟවුණ අමුත්තා ලෙසින් සිදු වූ වැරදීමකින් සැඟවුණ අමුත්තාට ලැබුණු අපුරු ත්‍යාගයක් පිළිබඳව බස්නාහිර පළාතේ එක්තරා ගමකින් අසන්නට ලැබුණි