ආදරයෙන් කරුණාවෙන් තමන් රැක බලා ගත හැකි විශ්රාමික වයස අවුරුදු 65 ට අඩු කාන්තාවක විවාහ කර ගැනීමට සොයන අත්වාරුවකින් යන එන 79 හැවිරිදි පුද්ගලයකු පිළිබඳ අපූරු පුවතක් කෑගල්ල දිස්ත්රික්කයේ ග්රාමයකින් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
කෑගල්ල දිස්ත්රික්කයේ තුන් කෝරළයට අයත් නගරයකට ආසන්න ගමකි. මෙම ගමේ කාමර හයකින් නාන කාමර තුනකින් සමන්විත දෙමහල් නිවසකි. මෙම නිවසේ අත්වාරුවක් අාධාරයෙන් ගමනක් බිමනක් යන එන 79 හැවිරිදි වයෝවෘද්ධ පුද්ගලයෙකි. උයා පිහාගෙන හුදකලාවේ ජීවන ගමනේ සැඳෑ සමය ගත කරමින් සිටින්නේය.
මෙම වයෝවෘද්ධ පුද්ගලයාට පිරිමි දරුවෙක් හා ගැහැණු දරුවෝ දෙදෙනෙක් සිටිති. බිරිය වසර දහයකට පමණ ඉහත දී මිය ගොස්ය. දරුවන් තිදෙනා වෙන වෙනම නිවාස තනාගෙන ඈත ප්රදේශවල පදිංචිය. දරුවෝ තිදෙනා නිතරම පියා ගැන සොයා බලා අවශ්ය මිල මුදල් කෑම බීම නිවසටම ගෙනැවිත් දුන්හ. ඉඩම කීයකට හරි විකුණලා තාත්තා මෙහෙ ඇවිත් ඉන්න පුතා කියපු වාර ගණන අපමණය. දරුවන්ගේ ගෙවල්වල ගිහිල්ලා ඔවුන්ට කරදර කරනවාට වඩා හාල් හුණ්ඩුවක් රත් කරගෙන පොල් සම්බෝලයක් හදාගෙන කෑවත් ඇඟට සැපයි යැයි ඔහු නිතරම සිතුවේය.
තරුණ කාලයේ දී විදේශ රටවල් කිහිපයකට ගොස් හරි හම්බ කරගත් දේවල් විශාල ඉඩම සහිත දෙමහල් නිවස පොත් පත්වල මිල මුදල් උයන්න පිහන්න ඇති හැකියාව තිබුණ ද හුද කලාවේ සිටිය නොහැකි බව අවස්ථා ගණනාවකදීම වයෝවෘද්ධ පියා දරුවන් තිදෙනාට කීවේය. එහෙත් පියාගේ පාළුව මකන්න දරුවන් තිදෙනා කිසිම පියවරක් ගෙන තිබුණේ නැත.
අන්තිම මොහොතේ දී වතුර උගුරක් හරි තමන්ට දෙයි යැයි සිතා යළි විවාහයකට යාමට සුදුසු බව දිනක් රාත්රි නින්දට වැටුණු අවස්ථාවේ දී කල්පනා විය. හොඳම දේ පුවත්පතක මංගල දැන්වීමක් පළ කර ගැනීමේ අදහසින් මීට සති තුනකට පමණ ඉහත දී කෑගල්ල ප්රදේශයේ පුවත්පත් දැන්වීම් ආයතනයකට අත්වාරුව අතැතිව 79 හැවිරිදි පුද්ගලයා ගොඩ විය.
සියලු දැන්වීම් භාර ගනු ලබන්නේ අධ්යයන පොදු සහතික පත්ර උසස් පෙළ විභාගයට මුහුණ දී ප්රතිපල අපේක්ෂාවෙන් සිටින 21 හැවිරිදි තරුණියක විසින්ය. ‘‘නංගි මගේ වයස අවුරුදු 79 යි. හුදකලාවේ සැදෑ සමය ගත කරමින් සිටිනවා. මම බොහොම ආගමට දහමට ලැදිව ජීවත් වෙනවා. ආදරයෙන් කරුණාවෙන් මාව රැක බලා ගත හැකි අවුරුදු 65 ක විශ්රාමික කරුණාවන්ත මනාලියක් සොයයි කියලා මංගල දැන්වීමක් ඉරිදා පත්තරේක දාලා දෙන්න පුළුවන් නේද ? සිනාමුසු මුහුණින් තරුණියගෙන් විමසීමක් කළේය. දැන්වීම හා දැන්වීමට අදාළ මුදල භාර ගත් තරුණියට” හරි නේද එහෙනම් මම යන්නම් නංගි” යැයි පවසා 79 හැවිරිදි මනාලයා අත් වාරුව ද අතැතිව දැන්වීම් කාර්යාලයෙන් ආපසු හැරී පිටව ගොස් ඇති බව වාර්තා වෙයි.
කෑගල්ල අධිකරණ - චමින්ද වැවතැන්න
කැලණිය ලාල් එස් කුමාර මළ සිරුරක් මාරු වී නිවසකට රැගෙන යෑමෙ න් මල් ශාලා සේවකයන් ගුටි න�ො කා බේරුණ පුවතක් ඉකුත් දා වත්ත ලට නුදුරු ප්රදේශයකින් වාර්තා විය.
තම රත්රන් බඩු සොර සතුරන්ගෙන් ආරක්ෂා කර ගැනීම සඳහා උපක්රමයක් යෙදූ කාන්තාවකට අවුරුදු උත්සවයකදී එම උපක්රමය ජන සමූහයක් ඉදිරියේ හෙළිදරව් වීමේ අපූරු සිද
අලුත් අවුරුද්ද වෙනුවෙන් ගමේ තරුණයන් සංවිධානය කළ බක්මහ උළෙලක දී ලිස්සන ගසේ නැග ජයග්රහණයෙන් උද්දාමයට පත් තරගකරුවකුට මුහුණපෑමට සිදුවූ අකරතැබ්බයක් ප
වසර ගණනාවක් තම උපන් ගෙදරට එන්නේ නැතිව පිටස්තර ප්රදේශයක වත්තක් බලාගෙන ජීවත් වූ තනිකඩ පුද්ගලයෙකු පසුගිය අවුරුදු සමයේ තම මිතුරෙකු ද සමග ගමට පැමිණීමට පි
බක්මහ උළෙලකදී මැරතන් ධාවන ශූරයකු තරගය අවසානයේ වතුර වෙනුවට පොල් තෙල් පානය කිරීම නිසා ජය සංකේතය ලබා ගැනීම පසෙක තබා රෝහල්ගත වීමට සිදු වූ පුවතක් හසලක ප්ර
අලුත් අවුරුද්දට ලැබී ශීතකරණයේ දමා තිබූ අමුතුම අමුතු කේක් ගෙඩිය අලුත් අවුරුද්දට නෑගම් ආ අයට කපන්න ගොස් අමුතුම අමාරුවක වැටුණු ගුරුවරියක පිළිබඳව අමුත
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
65 මනාලියක සොයන සීයාට 21 තරුණිය නංගිවෙලා