‘යන්තරේ’ නැතුව බිරිඳ ළඟට ගිය සැමියා දොට්ටදාලා

(පොල්ගස්ඕවිට -එස්. වික්‍රමආරච්චි)

රාත්‍රියට නින්දේ දී හීනෙන් බියවීමට ප්‍රතිකාරයක් වශයෙන් යකැදුරකු ලවා ඉණෙහි බන්දවා ගත් යන්ත්‍ර රාජයා මිතුරකුගේ නිවසේ අමතකව ගියා පුද්ගලයකුට මුහුණපාන්නට සිදුවූ අලකලංචියක් පිළිබඳව දකුණේ කඳුකර ගම් ප්‍රදේශයකින් අසන්නට ලැබිණි.

ගොවිතැනක් බතක් කරගෙන තමන්ගේ පාඩුවේ ජීවත් වූ තරුණ විය ඉක්මවමින් සිටි පුද්ගලයෙකි. කෙසේ වෙතත් මවුපියන්ගේ ඇවිටිලි කිරීම් නිසාම හේ පසුගියදා විවාහ දිවියට ඇතුළත් වූයේය.

ඇතැම් දිනවල රාත්‍රී නින්දේ දී හීනෙන් බියවී කෑමොර දීම, දුවන්නට යාම ආදී දුර්වලතා කීපයකින් ඔහු කාලයක් තිස්සේ පීඩා වින්දේය.

කෙසේ වෙතත් එය සිය සාමාන්‍ය ජීවිතයට බාධාවක් නොවූ නිසා ඒ සඳහා ප්‍රතිකාරයක් ගැනීමට අවශ්‍ය වෙතැයි ඔහු සිතුවේවත් නැත. එහෙත් විවාහයෙන් පසු බිරිඳගේ පෙරැත්ත නිසාම යකැදුරකු ගෙන්වා ශාන්තිකර්මයක් කරවා ගත්තේය. යකැදුරා විසින් ඔහුගේ ඉණේ යන්තරයක්ද බඳින ලදී.

යන්ත්‍රය කිල්ලට අසුවුවහොත් එහි බල බිඳී යා හැකි බැවින් මළ ගෙවල්වලට, කොටහළු ගෙවල්වලට යාමත් මස් මාළු ආදී පිළී ජාති කෑමත් මාස තුනකටවත් නතර කරන ලෙසද ඔහුට උපදෙසක් ලැබිණ.

මළ ගෙවල්වලට සහ කොටහළු මගුල්වලට නොයන ලෙස ලද උපදෙස අකුරටම ඉටුකළ ද මත්වතුර ටිකක් බොන විට කටගැස්මට ලැබෙන මස් කෑල්ලක් ආදිය නොකා සිටීමට වීම පිළිබඳව නම් ඔහු සිටියේ බලවත් පසුතැවිල්ලෙනි.

පසුගිය දිනෙක මිතුරෙකුගෙන් ලද ඇරයුම පරිදි තවත් දෙතුන් දෙනෙකු සමඟ මිතුරාගේ නිවසට සෙට් වූයේ හොඳ මල් පැණි වඩියක රස බැලීමේ අටියෙනි. එහිදී කටගැස්මට ලැබුණු වල් ඌරු මස් දීසිය දැක ඔහුගේ රස නහර පිනා ගියේය.

මස් කෑල්ලක් කම්දෝ නොකම්දෝ යැයි සිතමින් සිටි ඔහුට කණ්ඩායමේ සිටි වැඩිහිටි මිතුරකුගෙන් කදිම උපදෙසක් ලැබිණ. එයින් කියවුණේ යන්ත්‍රය ලිහා පසෙකින් තබා කා බී අවසන් කර පසුව මුහුණ කට සෝදාගෙන යන්ත්‍රය යළිත් බැඳගන්නා ලෙසය. ඒ උපදෙසින් හෙතෙම බලවත් සතුටට පත්වූයේය. හිතේ හැටියට කෑවේය, බීවේය.

සාදය හමාර වන විට රාත්‍රී දහය පමණවී ඇත. වෙරිමර ගාතේ ගෙදර ගියේය.

නිදි යහනේදී ඉණේ යන්ත්‍රය නොමැති බව බිරිඳට දැන ගන්නට ලැබීමෙන් ඈ කෝපාවිෂ්ඨ වූවාය. යන්තරේ නැතුව කොහොමෙයි නිදාගන්නෙ. මෙතන එළිවෙනකම් දොඩවන්නයි ගෝතකරුම කොරන්නයි පටන් ගත්තම මම තමයි එළිවෙකම් විඳවන්න ඕනෑ” ගෝරනාඩු කළ ඇය කියන තැනකින් යන්තරය රැගෙන මිස ගෙදර නොඑන ලෙස තර්ජනය කර ඔහු එළියට දමා දොර වසා දැමුවාලු!

අදහස් (0)

‘යන්තරේ’ නැතුව බිරිඳ ළඟට ගිය සැමියා දොට්ටදාලා

ඔබේ අදහස් එවන්න

වැඩි දෙනා කියවූ පුවත්

සරසවි නේවාසිකාගාරයෙන් කලලයක කොටස් හමු වෙලා

2025 නොවැම්බර් මස 08 12253 3

උතුරු කොරියාවේ රාජ්‍ය නායක කිම් යොං නම් සමුගනී

2025 නොවැම්බර් මස 04 8776 0

කැළණිය විශ්වවිද්‍යාලයෙන් බෝතල් මූඩී බංකුවක් මරදානට

2025 නොවැම්බර් මස 05 7791 4

තෙල් - තේ ගිවිසුම කැඩුවාට ඉරානයට මිලියන 119ක් ගෙවයි

2025 නොවැම්බර් මස 06 7347 2

සුහදව ඉන්න හැටි ජනපතිගෙන් ඉගෙන ගන්න

2025 නොවැම්බර් මස 12 6107 4

2025 නොවැම්බර් මස 21 43 0

ශ‍්‍රී ලංකා ඉන්ෂුවරන්ස් ලයිෆ්, 2025 SLIM ජාතික විකුණුම් සම්මාන රාත‍්‍රියේදී (SLIM National Sales Awards) සම්මානයන්ගෙන් පිදුම් ලබයි.

ශ‍්‍රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ‍්‍රී ලංක

2025 නොවැම්බර් මස 17 151 0

ඕනම වෙලාවක - ඕනම තැනක ඉඳන්, මේ අළුත්වෙන කරදරලස් Trend එකට Set වෙන්න.

දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම

2025 නොවැම්බර් මස 04 1005 0

නොබෙල් ත්‍යාගලාභීන් සමඟ ටියැන්ජින් සමුළුවේදී මහාචාර්ය මොහාන් මුණසිංහ ප්‍රධාන දේශනය පවත්වයි.

2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්