කරන්දෙණිය එම්. සුසිල් ප්රියන්ත
විසේකාර සිසුවකුට ටොක්කක් ඇන මේවාට වගකිව යුත්තේ විදුහල්පතිගේ දුර්වල පාලනය බව කියමින් විදුහල්පතිට දෙස්දෙවොල් දුන් ගුරුවරයකුට ජීවිතේ අමතක නොවන පාඩමකට මුහුණදීමට සිදුවූ අපූරු පුවතක් දකුණු පළාතේ පාසලකින් අසන්නට ලැබුණි.
පාසලට මෙම ගුරුවරයා ආගන්තුකය.වෙනත් පාසලක සිට ස්ථාන මාරුවී ආ ඔහුට පාසල ගැන ඇතිවූයේ සුභවාදී ආකල්පයක් නම් නොවේ.ඔහු සේවය කළ පාසලේ සිසුන්ගේ විනයත් මෙම පාසලේ සිසුන්ගේ විනයත් අහසට පොළොව මෙනි.ඔහු පාසලට ආ දා පටන්ම ළමයින් ගහ බැන ගත්තා මෙන්ම ගොඩනැගිලි කිහිපයකටද හානි සිදුකළහ.
සිසුන්ගේ රැවුල් කොණ්ඩ වැද්දන්ගේ මෙනි.ඔවුන් දුටුවිට පාසල් ශිෂ්යයකු යැයි කීමට නොහැකි තරම් ය. මේ කිසිම දෙයක් පිළිබඳව ඇහැක් ඇර බැලුවේ විදුහල්පති නම් නොවේ.මේ නිසාම ගුරුවරුන්ද සිටියේ තමන්ගේ පාඩුවේය.නවක ගුරුවරයා මේ ගැන සිටියේ දැඩි තරහකිනි.පිළිකුලකිනි.
විදුහල්පතිවරයා ගැන ඔහුට ඇතිවූයේ දැඩි කළකිරීමකි.ඔය අතරේ අලුත් කාලඡේදයකට පන්තියකට යන අතරතුර ගල් ගසා ගන්නා කොල්ලෝ ටිකක් මේ ගුරුවරයාට මාට්ටුවිය.මෙම කොලු රෑන ගුරුවරයා ගණන් ගත්තේම නැත.මෙය නොඉවසූ ගුරුවරයා කොල්ලන්ට ටොකු ඇන මේවාට වගකියන්න ඕන ඉතිං ලොකු තැන තමයි කියමින් විදුහල්පතිවරයාට දෙහි කැපුවේය.
ගතවූයේ ටික වේලාවකි.ඔහු සොයා විදුහල්පතිවරයා ආවේය.මොකද ඔහේ මට දැන් ටිකකට ඉස්සර වෙලා බැන්නේ යැයි ඇසූවිට ගුරුවරයා තුෂ්නිම්භූතව ගියේය.
මම මේ විදුහල පාලනය කරන්නේ මට ඕන විදිහට ඔයාට මෙහේ ඉන්න බැරිනම් වෙන තැනකට යන්න යැයි කියමින් විදුහල්පතිවරයා යන්න ගියේය.
තමා බැන්න විසේකාර කොල්ලකු ඔහු සොයාගත්තේ විදුහල්පතිට මේ කේලම කියූ සිසුවා හොයාගැනීමටය.විනාඩියෙන් දෙකෙන් විදුහල්පතිගේ කනේ මේ කේළම තැබූ සිසුවා සොයා දෙකක් කීමටය.
මම බැන්න එක තමුසෙලා ගිහිල්ලා විදුහල්පතිට එහෙනම් කිව්වා නේද යැයි ගුරුවරයා කොල්ලාගෙන් ඇසුවේය,අනේ සර් අපි නම් ඕවා කියන්න යන්නේ නැහැ.අපිත් එක්ක හිටිය එක්කෙනෙක් විදුහපල්පතිගේ පුතානේ.ඇයි සර් දන්නේ නැද්දැයි කොල්ලා කීවිට ගුරුවරයාට සිදුවී ඇති දේ තේරුම් ගියේය.
හොරා කාපු එකාට ලුණු පොල් කට්ටේ ඇඟිල්ල ඔබාගෙන හෝ උලා කෑමේ පුරුද්දක් ඇති බවට පැරණි කියමනක් සිහිපත් කරන අපූරු සිදුවීමක් කැබිතිගොල්ලෑව නගරයේ වෙෙළඳසලක්
කෙටි කෑම වෙළෙද සලට විජ්ජාවක් පෙන්නන්න හැදූ පකිස්තානුවාට ඊට වඩා ලොකු විජ්ජාවක් පෙන්වූ එම වෙළඳ සලේ තරුණයකු පිළිබඳ කතාවක් අම්බලන්ගොඩ බස් පොළෙන් අසන්නට
මිය ගිය රෝගියකුගේ, දේහය රැගෙන ඒමට අවමංගල රථයක් ගාල්ල කරාපිටිය රෝහලට රැගෙන ගොස් හිස් අතින් පැමිණි පිරිසක් ගැන දකුණේ ගමකින් අසන්නට ලැබිණි.. සිද්ධිය මෙසේ
ස්ථාන මාරුවී ගිය විශේෂඥ වෛද්යවරයා වෙනුවෙන් කරන්නට දෙවියන් දුන් උපකාරයෙන් අලි අමාරුවක වැටුණු දුෂ්කර ප්රදේශයක රෝහලක් ඉදිරිපිට වෙළඳසල් හිමියකු පිළි
පියාගේ පාදයක ඇතිවූ අස්ථි බිදීමකට බඳින්නට සාදන ලද බෙහෙත් මැල්ලුම සහ නිවසේ ආහාරයට පිසින ලද පලා මැල්ලුම මාරුවී අනුභව කිරීමෙන් අකරතැබ්බයකට මුහුණ පෑමට
කිසිවකුත් ගෙන නොයන අපූරු තෑග්ගක් බණ ගෙදරකට ගෙනගිය පුද්ගලයකු පිළිබඳ අමුතුම කතාවක් දකුණු පළාතේ ප්රසිද්ධ නගරයකින් පසුගියදා අසන්නට ලැබුණි. පිරිමි දරුව
ශ්රී ලංකා ඉන්ෂුවරන්ස් ලයිෆ් සහ ජෙනරල්, ආපදා කළමනාකරණ මධ්යස්ථානය සමඟ එක්ව පසුගියදා ඇති වූ ගංවතුර තත්ත්වය හේතුවෙන් ගම්පහ, රත්නපුර සහ මාතර දිස්ත්ර
වැලිබල් ෆිනෑන්ස් ගෙවුණු වසර 17ක කාලය පුරාවට ශ්රී ලංකාවේ මූල්ය ආයතනයන් අතර ප්රමුඛස්ථානයක් හිමි කර ගනිමින් 2023/24 මූල්ය වර්ෂයේදී සිය මූල්ය විශිෂ්ටත
බුදුරජාණන්වහන්සේගේ, ශිව දෙවියන්ගේ, ආදම්ගේ සහ ශාන්ත තෝමස් අපෝස්තුළුතුමාගේ පා සටහන යනාදී වශයෙන් විවිධ ආගමික සම්ප්රදායන් මුල් කරගනිමින් ශ්රී පාද ස්ථ
සිසුවාගේ ටොක්කෙන් ගුරුවරයා මට්ටු