IMG-LOGO

2025 ජුලි මස 12 වන සෙනසුරාදා


තාත්තාගේ කෑගැහිල්ලට පුතා අම්බානක ගුටි කාලා

  • ඇල්පිටිය චන්ද්‍රසිරි ගුණසේකර

වඳින්න ගිය දේවාලය ඉහට කඩා වැටුණායි පැරණි කියමනක් තිබේ. මෙය සිහියට ආවේ සිය ආදරණීය පියාණන්ට යහපතක් කරන්නට ගිය පුතකුට තරුණ පිරිසක් ගුටිබැටදී හිරිහැර කිරීමේ සිද්ධියක් පිළිබඳව අසන්නට ලැබුණු සත්‍ය පුවතක් නිසාවෙනි.

දකුණේ ගමක විසූ පියා මේ වනවිට හැත්තෑපස් හැවිරිදිය. ඔහුට දරුවන් තිදෙනෙකි. වැඩිමහල් පුතා යුදහමුදා සේවයේ යෙදී සිට දැනට විශ්‍රාම ලබා සිටින්නකු වූ අතර පියා ජීවත්වූයේද එම පුතාගේ නිවෙසේය.

වයස්ගතවූ මේ පියාට වරින් වර සිහිමද වන ගතියක් තිබුණි. පසුගියදා පියා අසනීපවීම නිසා පියාට දැඩිසේ ආදරය කළ මේ පුතා ඔහු රෝහල්ගත කර ඔහුගේ සාත්තු සප්පායම් සඳහා පියා ළඟ නතරවද සිටියේය.

සුවපත්වූ පියා පසුගියදා රෝහලෙන් මුදාහැරීමට වෛද්‍යවරු කටයුතු කළහ. රෝහලෙන් බැහැරවූ පියා ලොකු පුතාගෙන් ඉල්ලා සිටියේ ටික දිනක් තමන් දියණියගේ නිවෙසේ නතර කරවන ලෙසය. ඒ අනුව ලොකු පුතා සිය ත්‍රී රෝද රථයෙන් පියා එක්කරගෙන ගියේ අගනුවරට ආසන්න නගරයක ජීවත්වූ සිය නැගණියගේ නිවෙස බලා ය.

මේ යන අතරතුරේ රථයේ වූ පියා එක්වරම කෑගසන්නට වූයේ ඔහුගේ සිහිමද ගතිය මතුවීමෙනි.  

“මෙන්න මූ මාව කොහේ හරි දාල යන්න අරගෙන යනවෝ”‍ කියමින් ත්‍රී රෝද රථයේ ගමන් කරමින් සිටි පියා නොනවත්වාම කෑගසන්නට විය. ඒ වනවිට ඔවුන් ගමන් කරමින් සිටියේ නගරයක් මැදිනි. නගරයේ වූ තරුණ පිරිසක් එක්වරම පැන ත්‍රී රෝද රථය නතරකරවාගෙන එහි සිටි පුතාට ඉවක්බවක් නැතිව පහර දෙන්නට වූහ.

ලොකු පුතා පැවසූ කිසිම දෙයක් මායිම් නොකළ තරුණ පිරිස පහර දෙද්දි ඔහු සිය යුදහමුදා සේවයේදී ප්‍රගුණකළ ඉවසීමේ ගුණාංගය සිහියට ගෙන ඉවසා සිටියේය. පසුව ඔහු සිය නැගණියට දුරකතන ඇමතුමක් දී  සිදුවීම පවසා ඇය එම ස්ථානයට ගෙන්වාගත්තේ වෙන කළ හැකි දෙයක් නොවූ හෙයිනි.

 ඇය පැමිණීමෙන් පසු තරුණ පිරිස සත්‍ය තේරුම් ගත්තද ඒ වනවිට ලොකු පුතා ඔවුන්ගෙන් පහරකා හෙම්බත්ව සිටියේය. ඔවුන්ගෙන් පහර කෑමෙන් ලත් තැළුම් තුවාල හොඳකරගන්නට ඔහු තවමත් ප්‍රතිකාර කරන අතර ඔහු පැවැසුවේ පාර අයිනක අසනීපයකින් වැටිල ඉන්න කෙනෙක් රෝහල්ගත කරන්නවත්  කවුරුවත් ඉදිරිපත්  නොවන රටේ පොලිස් බලතල අතට ගෙන චණ්ඩිපාට් දමන මෙවැනි මිනිසුන් ඉන්න එක ගැන තමන් පුදුමවන බවයි. 



අදහස් (0)

තාත්තාගේ කෑගැහිල්ලට පුතා අම්බානක ගුටි කාලා

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 325 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 846 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1273 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site