(මීරිගම විශේෂ පුෂ්පකුමාර මල්ලවආරච්චි)
ගනුදෙනුකරුවන්ගේ ඉවක් බවක් නැති කරදරයෙන් බේරෙන්නට තමන් නිරෝධායනය වන බව සඳහන් පුවරුවක් ව්යාපාරික ස්ථානයේ සවි කර නිවසට වී කල්ගත කළ ප්රමුඛ පෙළේ කාර්මිකයකු පිළිබඳව පසුගියදා බස්නාහිර පළාතේ ගම්මානයකින් වාර්තා විය.
කොරෝනා උවදුර වැඩිවීමත් සමග තම ආයතනයට එන අය පාලනය කිරීම සම්බන්ධයෙන් මහත් ගැටලුවකට මුහුණ පාන්නට වීම නිසා මේ කාර්මිකයා දින දෙක තුනක් ව්යාපාරික ස්ථානය වසා නිවසට වී කල් ගත කරන්නට තීරණය කරන ලද්දේ තම දරුවන්ගේ ආරක්ෂාව සැලසීම අරමුණු කර ගනිමිනි.
පළමු දිනය හෝ ඔහුට නිවසේ නිවිහැනහිල්ලේ ගත කරන්නට අවස්ථාව ලැබුණේ නැත. ව්යාපාරික ස්ථානය වසා ඇති නිසා සේවාලාභීන් නිවසට පැමිණෙන්නට වීමෙන් ඔහුගේ සිතුවිලි බිඳ වැටිණි. ඔහුගේ මවගෙන්ද මේ ගැන එල්ලවූයේ තදබල විරෝධයකි.
ඔහු වහාම ව්යාපාරික ස්ථානය කරා ගියේය. දොරගුළු සියල්ල නිසි පරිදි වසා ඇද්දැයි පරීක්ෂා කර බැලුවේය. ගේට්ටුව වසා දමා එහි දැන්වීමක් එල්ලුවේය. ‘‘මම නිරෝධායනයට ලක්වෙමි’’ ඔහුගේ දැන්වීමේ සටහන්ව තිබිණි. ජයග්රාහී සිනහවකින් යුතුව නිවස කරා ගියේය.
දිනක් දෙකක් ගතවිය. කිසිවකු හෝ නිවසට පැමිණ කරදර කළේ නැත. ඔහු ජය ගත්තේය. කොස් පොලොස් කමින් හෝ සතියක් දෙකක් මෙසේ නිවසට වී ආරක්ෂිතව කල් ගත කරන්නට තමන් තීරණය කර ඇතැයි ද දන්නා අය මෙන්ම නොදන්නා පුද්ගලයන්ද තම සේවය ලබා ගැනීමට පැමිණෙන බවත් එය ඉතා භයානක බවත් මේ තත්ත්වය නිසා මේ පියවර ගත් බව ඔහු හිතවතකු හා පැවසුවේ මේ අවස්ථාවේ වෙන කළ හැකි දෙයක් නැති බව සිහිපත් කරමිනි.
තමන් ආරක්ෂාව උදෙසා බොරුවක් කළ නමුත් තමන්ගේ තත්ත්වය ගැන විමසා බලන්නට එක ඇමතුමක් හෝ දෙන්නට කිසිවකු කටයුතු නොකළ බව ඔහු සඳහන් කළේ කනගාටුවෙනි.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ගනුදෙනුකරුවන්ගේ වදෙන් බේරෙන්න මුදලාලි ‘නිරෝධායන’ පුවරුවක් ගහගෙන