IMG-LOGO

2024 අප්‍රේල් මස 15 වන සඳුදා


කිරි අම්මගෙ නීතිවලින් මනමාලිට කසාදෙත් එපාවෙලා

කැන්දාගෙන පැමිණ සතියක්වත් නොමැති සිය තරුණ මනාලියට මිත්තණිය නීති දමනවා යැයි උරණ වූ මනාලයෙකු ඇඳුම් පැළඳුම් රැගෙන කුලියට ගත් නිවසකට යාමේ පුවතක් සබරගමුව පළාතේ ග්‍රාමයකින් වාර්තා වෙයි.
වාර්තා වන අන්දමට සිද්ධිය සැකෙවින් මෙසේය.
නව යුවළට කචල් දමා ඇතැයි කියන වයෝවෘද්ධ කාන්තාවගේ වයස අවුරුදු 85 කි. තාමත් ඇය නිරෝගී සුවයෙන් වැඩිමල් පිරිමි දරුවාගේ නිවසේ දිවි ගෙවමින් සිටින්නීය. ලේළිය සමග ගෙදර දොරේ වැඩපල කර ගනිමින් දහවල් කාලයට ළිඳෙන් නාගෙන රෙදිපිළි ටික සෝදාගෙන ජීවත් වෙන මෙම වයෝවෘද්ධ කාන්තාවගේ කට නම් එදා වගේම අදටත් සැර පරුෂය.
මෙම වයෝවෘද්ධ කාන්තාවගේ වැඩිමල් පිරිමි දරුවාගේ දෙවැනි පුතා (මුණුපුරා) වූ 28 හැවිරිදි තරුණයා කොළඹ ආයතනයක කෑගල්ල දිස්ත්‍රික්කයේ කාර්යාලයක පරිපාලන නියෝජිතයකු ලෙස කලක සිට සේවය කරයි. මෙම තරුණයාගේ කාර්යාලයට දිනපතා ආ ගිය කෑගල්ල ප්‍රදේශයේ ග්‍රාමයක පදිංචිව සිටින කෑගල්ල නගරයේ පෞද්ගලික ආයතනයක සේවය කරන 25 හැවිරිදි තරුණියක හඳුනාගෙන දෙපාර්ශවයේ ආශීර්වාද මැද විවාහය ලියාපදිංචි කර මනාලයා ඉකුත්දා සිය තරුණ මනාලිය නිවසට කැන්දාගෙන පැමි⁣ණියේය.


තරුණයා මනාලිය කැන්දාගෙන නිවසට පැමිණීමෙන් පසුව නිවසේ සිටි මනාල යුවළට උයා පිහා කන්න බොන්න කැමති දේවල් හදා දී ආදරයෙන් කරුණාවෙන් ජීවත් වීමට හොඳ නරක කියා දෙමින් සලකා ඇත්තේ මනාලයාගේ 85 හැවිරිදි මිත්තනියයි.
මංගල්‍යය ⁣උත්සවය වෙනුවෙන්  නව යුවළ ගත් නිවාඩු අවසන් වීමෙන් පසුව ඉකුත් දා පෙරවරුවක ලක ලෑස්ති වී නව යුවළ මිත්තනියට මව්පියන්ට වැඳ රැකියාවට යාමට මිදුලට බැස ගත්හ. මනාලිය ඇඳ සිටියේ නිල් ඩෙනිමක් හා ආයතනයෙන් දී තිබුණු කොළ පාට හුරු ටීෂර්ටයකි.
‘‘දුවේ මම කැමැති නෑ ඔය කලිසම් අඳිනවාට. ඔය කලිසම් අඳින්නේ කොල්ලෝ. ගැහැනු ළමයි ගැහැනු ළමයි විදිහට අඳින්න හැසිරෙන්න පුරුදු වෙන්න ඕනෑ. ඔය ළමයා ගෙදර කරපු දේවල් මේ ගෙදර කරන්න ලෑස්ති වෙන්න එපා. මම කැමැති නෑ ඔය ඇඳුම් අඳිනවාට. ගැහැනු ළමයෙක් වුණාම චාම් විදිහට ඇඳුම් පැළඳුම් අඳින්න පලඳින්න පුරුදු වෙන්න වෙනවා.
‘‘කිරි අම්මේ මෙයා අඳින්නේ ඒ ආයතනය කියලා දීලා තියෙන විදිහට. ඒක කිරි අම්මාට නතර කරන්න බෑ. අනික කොච්චර ලස්සනයි ද බලන්න කෝ කිරි අම්මාගේ මිනිපිරී කලිසමයි ටීෂර්ට් එකයි ඇන්දාම. තරුණයා වයෝවෘද්ධ කාන්තාවට කරුණු කාරණා පැහැදිලි කළේය.
වයෝවෘද්ධ කාන්තාවගේ පුතයි ලේළියයි මැදිහත්ව වයෝවෘද්ධ කාන්තාවට කරුණු පැහැදිලි කර දුන්න ද අවසානයේ වැඩක් වූයේ නැත. පසුව තරුණ මනාල යුවළ යතුරුපැදියෙන් එදා රාජකාරියට ගොස් සවස ආපසු නිවසට එද්දී කෑගල්ල ප්‍රදේශයේ අංගසම්පූර්ණ කාමරයක් බලා හදා කුලියට ගත්තේය. එදා සවස නිවසට පැමිණි නව යුවළ කිරි අම්මා සමග ජීවත් විය නොහැකි යැයි පවසා ඇඳුම් පැළඳුම් ගෙන කුලියට ගත් කාමරයට යාමට ත්‍රිරෝද රථයක් ද ගෙන්වා ගත්හ.
නව යුවළ ඇඳුම් පැළඳුම් ත්‍රිරෝද රථයට පටවද්දී මනාලයාගේ මව්පියන් හඬා වැළපෙමින් නව යුවළට නිවසින් බැහැරව නොයන ලෙසත් බැහැරව ගියහොත් අසල්වැසියන් කුමක් කියාවිදැයි නොදන්නා බවත් මනාලයාගේ මව නව යුවළ හමුවේ පැවසුවාය.
 මිත්තනිය නිවසේ කොනක බිත්තියකට හේත්තු වී දකුණු අත කම්මුලේ තියාගෙන ‘‘අද කාලයේ කොල්ලන්ට කෙල්ලන්ට හොඳ නරක කියලා දෙන්න බෑ. අපේ කාලයේ නම් නොගැලපෙන ඇඳුමක් ඇන්දා නම් තාත්තා දඬුවම් කරනවා. අපට ඕනෑ ඕනෑ දේවල් කරන්න දුන්නේ නෑ. කසාද බඳින්න මනුස්සයෙක් උණත් හොයලා දෙනකම් ඉන්න ඕනෑ යැයි ආවේගශීලීව වයෝවෘද්ධ කාන්තාව පැවසුවාය.
 මනාලයාගේ මව සකස් කර දුන් කෑම දෙක ගත් නව යුවළ ත්‍රිරෝද රථයට නැග මව්පියන්ට පමණක් අත වනමින් නිවසින් පිටව කුලී කාමරයට පදිංචියට ගොස් ඇති බව වාර්තා වෙයි.

 

කෑගල්ල අධිකරණ චමින්ද වැවතැන්න



අදහස් (0)

කිරි අම්මගෙ නීතිවලින් මනමාලිට කසාදෙත් එපාවෙලා

ඔබේ අදහස් එවන්න

දෙයියෝ සාක්කි

කීරි නාඩු වී හොරේ අහුවෙලා
2024 අප්‍රේල් මස 11 839 0

අවුරුදු ‘ජයටම සමරන්නට කඩේ තිබූ වී මිටි කඩේටම විකුණා’ මුදල් ගන්නට ගිය විවාහකයකුගේ කූඨ වෙළඳාම මුදලාලිගේ අතටම අහුවුණු පුවතක් පොල්පිතිගමින් වාර්තා වේ. එ


“නංගි” මාරු වී තුට්ටු දෙකත් නැතිවෙලා
2024 අප්‍රේල් මස 10 1209 0

එළැඹෙන අලු‍ත් අවුරුද්දට කල් තියාම ලක ලෑස්ති වීමට යෑමෙන් යටි මඩි ගසාගෙන සිටි රුපියල් පහළොස් දාහකට ‘‘අබ සරණං”‍ වූ පුවතක් කැබිතිගොල්ලෑව වාහල්කඩට නුදුරු


උගුල ගැස්සී ඇඟිලි දෙකක් අහිමිවෙලා
2024 අප්‍රේල් මස 09 934 0

මී කතුරෙන් මීයන් අල්ලන අයුරු මුනුපුරකුට කියා දෙන්නට ගිය සීයා කෙනෙකුට ඇඟිලි දෙකක කොටස් අහිමිවීමේ පුවතක් හසලකට නුදුරු ගම්මානයකින් වාර්තා විය. හැටපස් හ


සොහොන් කොත වැරදී කණුවට ඉටිපන්දම් පත්තු කරලා
2024 අප්‍රේල් මස 08 805 0

සිය මාමණ්ඩියගේ සොහොන යැයි සිතා සූර් පිට කිලෝ මීටර් කණුවකට ඉටි පන්දම් පත්තු කර පැමිණි පුද්ගලයකු පිළිබඳව වයඹ පළාතේ එක්තරා ගමකින් වාර්තා වේ. සිද්ධිය මෙසේ


ඇප වෙලා අලි අමාරුවක වැටිලා
2024 අප්‍රේල් මස 05 1210 0

හේ දකුණේ ප්‍රසිද්ධ චරිතයකි. පියා ද වැදගත් රැකියාවක් කරමින් සිට විශ්‍රාම ලබා හදිසියේ ඇතිවූ අසනීප තත්වයක් හේතුවෙන් මියගියේ ය. මෙහිදී මියගිය අයගේ වැඩිමහ


පින් කරද්දී සිල්පදයක් අතහැරිලා
2024 අප්‍රේල් මස 04 1170 0

පියල් තම ප්‍රදේශයේ කාගේත් සිත් දිනා ගැනීමට ලක් වූයේ ඔහුගේ තැන්පත් බවත්, කිසිවකුගේ සිත නොරිදෙන අයුරින් කතා නොකිරීමත්, ඕනෑම අවස්ථාවක ඕනෑම පුද්ගලයකුට උද


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 125 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1378 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1322 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site