IMG-LOGO

2024 පෙබරවාරි මස 22 වන බ්‍රහස්පතින්දා


ආරක්ෂක නිලධාරීන්ට කොකා පෙන්වා ගමේ කොල්ලන්ගෙන් නමකුත් දාගෙන

හසලක - සුනිල් ඒකනායක
සේවය කළ ආයතනයේ ආරක්ෂක නිලධාරීන් නොමග යවමින් ඉතා සූක්ෂම ලෙස වටිනා පාවහන් යුවළක් ආයතනයෙන් පිටමන් කළ අයකු පිළිබඳ පුවතක් රන්දෙණිගල ප්‍රදේශයෙන් වාර්තා විය.
ඉදිකිරීම් ආයතනයක කම්කරු රැකියාවක් කරන 56 හැවිරිදි වියේ පසුවන සරම කමිසය අඳින නිතර බුලත් විට හපන මොහු තිදරු පියෙකි. මොහු සේවය කරන ආයතනයෙන් යමක් බැහැරට ගෙන යන්නේ නම් ආරක්ෂක අංශ දැඩි සෝදිසියකට ලක්කරයි. එපමණක් නොව භාණ්ඩය සඳහා නිකුත් කරන අවසර ලදුපතක් ද අවශ්‍ය වේ. ඒ නිසා එවැනි ලදුපතක් නොමැතිව කිසිවක් ආරක්ෂක මුර කපොලු‍වලින් රැගෙන යා නොහැකිය.
දිනක් ඔහු ආයතනයේ භූමිය පිරිසුදු කරමින් සිටියදී දක්නට ලැබුණේ වටිනා පාවහන් යුගලක් ගසක් යට තිබෙන අයුරුය. මෙය කෙසේ හෝ රැගෙන ගියහොත් කිසිවකුට අලෙවි කර යම් මුදලක් ගැනීමට හෝ තමන්ට හේනේ කටයුතුවලට යන විට පැලඳගෙන යා හැකිය යන සිතුවිල්ල ඔහුගේ සිත තුළ පහළ විය.
මෙය රැගෙන යාමට නම් ආයතන ප්‍රධානියාගෙන් ලබාගත් ලදුපතක් ආරක්ෂක අංශ වෙත ඉදිරිපත් කළ යුතුය. එවැනි ලදුපතක් ලබා ගැනීමට නොහැකි බව ද ඔහුට වැටහුණි.
ඔහුට ගණ දෙවි නුවණක් පහළ විය. එදින සවස සපත්තු දෙකෙන් එකක් තම ගමන් මල්ලේ දමාගෙන මුර කපොල්ල පෙනෙන තෙක් මානයට රැගෙනවිත් පසුව එය මල්ලෙන් ඉවතට ගෙන එක් අතකින් එල්ලාගෙන පැමිණියේය.
මුර කපොල්ලේ සිටි ආරක්ෂක නිලධාරියා ඔහුගේ ගමන් මලු‍ ඇතුළු අනෙකුත් දෑ පරීක්ෂා කර “මේ මොකක්ද අරගෙන යන්නේ... කෝ මේකට අවසරපතක්..?” යැයි විමසීය.


“අනේ මහත්තයෝ මේක අර අකුලක තිබිලා මම දැන් එනකොට හම්බ වුණා. අපේ ගෙදර මදුරුවන් පිරිලා ඉන්නවත් බෑ. මදුරුවන්ට පුච්චන්නයි මේක මම අරගෙන යන්නේ. පින් සිද්ධ වෙයි මේක අරගෙන යන්න දෙන්න. තනි සපත්තුවක් පාවිච්චි කරන්නත් බෑනේ.” යැයි ඉතා බැගෑපත්ව යටහත් පහත්ව ආරක්ෂක නිලධාරියාගෙන් ඉල්ලා සිටියේය.
ඔහු ගැන අනුකම්පා කර සපත්තුව රැගෙන යාමට ඉඩ දුන්නේය. තවත් දින කිහිපයකට පසුව ඔහු අනෙක් සපත්තුව ද පෙර සේම රැගෙන ආරක්ෂක මුර කපොල්ල කරා පැමිණි අතර, ඒ ගැන විමසිමේදී ඔහු ආරක්ෂක නිලධාරීන්ට පවසා ඇත්තේ, “අනේ මහත්තයෝ, අනිත් සපත්තුවත් අකුලක තිබිලා හම්බ වුණා. මේකත් මදුරුවන්ට පුච්චන්න පුළුවන් හින්දා අරගෙන යනවා. අරක මදුරුවන්ට පුච්චලා දැම්මා. ඒක ගෙනියන්න දුන්නාට ස්තුතියි. මේකත් අරගෙන යන්නම්.” යැයි කියා පැවැසීය.
ඉල්ලීමට ඇහුන්කන් දුන් ආරක්ෂක නිලධාරියා එම සපත්තුව ද රැගෙන යෑමට මුදාහැර ඇති අතර, එදින සවස ගෙදර යන ගමන් පාරේදී හමු වූ හිතවතුන්ට ඔහු පැවැසුවේ, “කොහොමද මගේ පුංචි මොළේ, සිකියුරිටිකාරයන් ගොනාට අන්දවලා ඔන්න රුපියල් හාර පන්දාහක් විතර වටිනා සපත්තු දෙකක් ගෙනාවා. උඹලට පුළුවන් ද මේ වගේ හපන්කමක් කරන්න.” යැයි කියා පාරම් බාමින් නිවෙසට ගියේය.
එ‍හෙත් ඒ කතාව දැන් ඔහුටම පාරා වළල්ලක් වී ඇත්තේ, එදින සිට ‘සපත්තු අයියා’ යන නමින් ගැමියනුත්, ගමේ කොල්ලෝ ‘සපත්තු මාමා’ යන නමිනුත් ඔහු ඇමතීම නිසාය.

 



අදහස් (0)

ආරක්ෂක නිලධාරීන්ට කොකා පෙන්වා ගමේ කොල්ලන්ගෙන් නමකුත් දාගෙන

ඔබේ අදහස් එවන්න

දෙයියෝ සාක්කි

පොට්ටනිය ලෙඩාට පත්තුවෙලා
2024 පෙබරවාරි මස 22 436 0

හේ බද්දෙගම පුරවරයට නුදුරු ගමක වෙසෙන්නෙකි. ගමන නිතරම යතුරු පැදියෙනි. දිනක් යතුරු පැදිය පදවාගෙන ගමනක් යාම සඳහා පිටත්විය. මේ ගමන අතරතුර දඩාවතේ යන බල්ලෙක්


මුහුණු පොතේ පාසල් පිටුවෙත් කුණු හරුප
2024 පෙබරවාරි මස 21 897 0

දකුණේ මිශ්‍ර පාසලක නිල මුහුණු පොතේ පිටුවට එක්වූ අමුතුම ආකාරයේ වීඩියෝවකින් එම විදුහලේ ගුරු, සිසු, ආදි සිසුන් හා මවුපියන් තුෂ්නිම්භූත වූ අපූරු පුවතක් ගැ


බස් රියේ වැලන්ටයින් පෙම බීඩියකින් බ්‍රේක්වෙලා
2024 පෙබරවාරි මස 20 1479 0

තරුණයකු වැලන්ටයින්දා ඉතා අමාරුවෙන් යාළුකරගත් තරුණියක බීඩියක් නිසා අහිමි වූ අපූරු පුවතක් දකුණේ පිටිසරබද ප්‍රදේශයකින් වාර්තාවේ. වාර්තා වන අන්දමට සිද


බොරුව අතේ පත්තු වී මඟු‍ලත් කැඩිලා
2024 පෙබරවාරි මස 19 3758 1

දහනව හැවිරිදි දියණිය රැකියාවකට ගිය පසු වසර විස්සකට වැඩි කලක් රහසක්ව තිබූ සැමියාගේ රැකියාවේ තත්ත්වය පිළිබඳව කරුණු හෙළිදරව් වීමෙන් පසු බිරිය සැමියා අත


අලු‍ත් විදුහල්පතිනියගේ නැකතට පරණ විදුහල්පති වැඩට ඇවිත්
2024 පෙබරවාරි මස 16 1508 0

නව විදුහල්පතිනිය සුබම සුබ නැකතින් වැඩ බාර ගැනීමට සූදානම් වූ අවස්ථාවේදී මාරුවීම් ලද හිටපු විදුහල්පති නැවතත් එම විදුහලේ විදුහල්පති ලෙසට නැවත වැඩ බාර ග


අම්මකුගේ උත්තරේට විදුහල්පති තමන්ටම ගහගෙන
2024 පෙබරවාරි මස 15 1573 2

මත් ගුලියක් නිසා රජරට පළාතේ අතිදුෂ්කර පාසලක විදුහල්පතිවරයකුට තමාටම වේවැල් ප්‍රහාරයක් එල්ලකර ගැනීම‍‍ට සිදුවූ පුවතක් ඉකුත් දිනක අසන්නට ලැබුණි. මෙම පා


මේවාටත් කැමතිවනු ඇති

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 176 0
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි 2024 පෙබරවාරි මස 13 239 0
නීතිමය විභේදනයත් සමඟම ශ‍්‍රී ලංකා ඉන්ෂුවරන්ස් නව ගමනක් අරඹයි

දශක 6කට අධික ඉතිහාසයකට උරුමකම් කියන ශ‍්‍රී ලංකාවේ පුරෝගාමී රක්ෂණ සමාගම වන ශ‍්‍රී ලංකා ඉන්ෂුවරන්ස් සිය ජීවිත හා සාමාන්‍ය රක්ෂණ ව්‍යාපාර නීත්‍යානුකූල

හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි 2024 පෙබරවාරි මස 12 258 0
හලාල් කවුන්සිලය NCE අපනයන සම්මාන උළෙලේ දී රනින් පිදුම් ලබයි

හලාල් ප්‍රතීතන කවුන්සිලය (Halal Accreditation Council), ජාතික අපනයනකරුවන්ගේ මණ්ඩලයේ (NCE) සංවිධානත්වයෙන් 2023 දෙසැම්බර් 8වන දින පැවැත්වුණු 31 වැනි NCE අපනයන සම්මාන උළෙලේ දී අඛණ්

Our Group Site