සිතුම් චතුරංග

දඹදිව වන්දනාවෙ ගොස් මෙරටට පැමිණ මුලතිව් ගුවන් හමුදා කඳවුරේ පිහිටි නිරෝධායන මධ්‍යස්ථානයේ සාර්ථකව නි‍රෝධායනය අවසන්කළ පුද්ගලයින් 203 දෙනකු අද(06) නිවෙස් වෙත පිටත්ව ගිය බව ගුවන් හමුදාව පවසයි.

කොරෝනා වයිරසය ව්‍යාප්තවීම හේතුවෙන් ඉන්දියාවේ ගුවන්තොටුපලවල් වසාදැමීමත් සමඟ මෙම පිරිස ඉන්දියාවේ නවදිල්ලි හි නුවර රැදී සිටි අතර පසුගිය 22 වැනිදා ඔවුන් විශේෂ ගුවන් යානාවකින් මෙරටට රැගෙනවිත් සිටියහ.

සාර්ථකව නිරෝධායනය අවසන්කළ පිරිස අතර භික්ෂූන් වහන්සේලා පස්නමක් වන බවද පැවසීය.

එම පිරිස නිරෝධායනය සඳහා මුලතිව් ගුවන් හමුදා කඳවුර වෙත යොමු කළ අතර ඒ අනුව දින 14 නිරෝධායනය අවසන් කිරීමෙන් අනතුරුව පිටව ගිය බවද පැවසීය.

උතුරු පළාතේ ගුවන් හමුදා කඳවුරු තුලින් සාර්ථකව නිරෝධායනයවූ තෙවන කණ්ඩායම ලෙස මෙම පිරිස පිටව යන බව ගුවන් හමුදාව සඳහන් කළේය.

පිටව යන පිරිස වෙත ගුවන් හමුදාව විසින් ප්‍රවාහන පහසුකම්ද ලබාදී තිබූ අතර ඔවුන් තවදුරටත් දින 14 ක කාලයක් නිවෙස්තුල ස්වයං නිරෝධායනය වන ලෙසට උපදෙස් ලබාදී ඇතැයිද ගුවන් හමුදාව වැඩිදුරටත් පැවසීය.