‘නව කොරෝනා’ හෙවත් ‘කොවිඩ් 19’ වෛරසය රට තුළ ව්‍යාප්ත වීම වැළැක්වීම සඳහා ශ්‍රී ලංකා නාවික හමුදාව විසින් ත්‍රිකුණාමලය නගරයේ බස් නැවතුම් පොළ විෂබීජ හරණ කළේය.
 
‘කොවිඩ් 19’ වෛරසය ශ්‍රී ලංකාවේ  පාලනය කිරීම සඳහා රජය විසින් විවිධ ක්‍රියාමාර්ග ගෙන ඇති අතර, වෛරසය ආසාදිත රෝගින්ගේ සංඛ්‍යාව වැඩිවීමත් සමඟ රෝගය ව්‍යාප්ත වීම පාලනය කිරීමට සහ මගීන්ගේ ආරක්ෂාව සඳහා නාවික හමුදාධිපති වයිස් අද්මිරාල් පියල්ද සිල්වා මහතාගේ  උපදෙස් මත නැගෙනහිර නාවික විධානයේ නාවික හමුදා රසායනික, ජීව විද්‍යාත්මක, විකිරණ හා න්‍යෂ්ටික (Chemical, Biological, Radiological and Nuclear)  හදිසි ප්‍රතිචාර දැක්විම පිළිබඳ ඒකකය මෙම වැඩසටහන සංවිධානය කර තිබිණි.
 
ත්‍රිකුණාමලය බස්නැවතුම්පොලෙහි සියලුම ස්ථාන, බස් රථ ඇතුලත විසබීජ හරණය කිරීම මෙහිදී සිදු කෙරිණි.

(නාවික හමුදා මාධ්‍ය අංශය)