( රොමේෂ් මධුෂංඛ )

කොරෝනා වයිරස් අවදානම හේතුවෙන් දඹදිව ගොස් පැමිණි බැතිමතුන් 233 දෙනෙකු යාපනය ආරක්ෂක සේනා මූලස්ථානයේ අධීක්ෂණය යටතේ සාර්ථක නිරෝධායනකින් අනතුරුව අද එම පිරිස්  නිවෙස්  සඳහා රැගෙන ගියේය.
 
යාපනය ආරක්ෂක සේනා ආඥාපති මේජර් ජෙනරල් රුවන් වනිගසූරිය මහතාගේ උපදෙස් පරිදි යාපනය විදත්තපලෙයි යුදහමුදා නිරෝධායන මධ්‍යස්ථානයේදී දඹදිව වන්දනාකරුවන් පිරිස නිරෝධායනය කිරීමෙන් පසුව නිවෙස් තෙට යුදහමුදාවේ බස් රථ මගින් රැගෙන යාමට කටයුතු කර තිබිණි.
 
බණ්ඩාරවෙල, මැදිරිගිරිය, කෑගල්ල, මාතර හා කුරුණෑගල ප්‍රදේශයන්හි පදිංචිකරුවන් 233 දෙනෙකු මෙසේ දින 14 ක නිරෝධායන ක්‍රියාවලියෙන් පසුව මෙසේ සිය නිවෙස් වෙතට රැගෙන යාම සිදු කල අතර සිය නිවෙස් වෙතට ගමන් කරන ලද වන්දනාකරුවන් පැවසුවේ

‘තමන්පට පසුගිය දින 14 ක කාලය තුලදී නිවසේ සිටයාක් මෙන් හැඟනු බවටත් කිසිදු අපහසුවකින් තොරව සියලු පහසුකම් ලැබුණු බව නිරෝධායනය වූවෝ පැවසූහ.