කොවිඩ් 19 හෙවත් නව කොරෝනා වයිරසය සැලකිල්ලට ගනිමින් අර්ජන්ටිනාව වසා දැමීමට එරට ජනාධිපති ඇල්බටෝ ෆර්නෑන්ඩස් තීරණය කර තිබේ.

ඒ අනුව මිලියන 45 ක් පමණ වන එරට ජනතාවට නිවෙස්වෙලින් බැහැරව නොයන ලෙස ජනාධිපතිවරයා නියෝග කර ඇත.

අර්ජන්ටිනාවෙන් මේ වන විට කොරෝනා වයිරසය ආසාදිතයින් 128 දෙනෙකු සහ මරණ 3 ක් සිදුව ඇති අතර වයිරසය ව්‍යාප්තිය පාලනය කිරිමේ අරමුණින් ආජන්ටිනා රජය මෙම පියවර ගෙන ඇති බව සඳහන් වෙයි.

කොරෝනා වයිරසය ව්‍යාප්තිය සැලකිල්ලට ගනිමින් මේ වන විටත් රටවල් රැසක් වසා දැමිමට පියවර ගෙන තිබේ.

(125)