විමුක්ති එස් රුද්‍රිගු

ශ්‍රී ලංකාව මිල අධික පොසිල ඉන්ධන ආනයන මත යැපීම අඩු කරමින් සූර්ය හා සුළං බලශක්තිය වෙත මාරුවීම වේගවත් කිරීම සඳහා ඇමෙරිකානු ඩොලර් මිලියන 150 ක බලශක්ති වැඩසටහනකට ලෝක බැංකු සමූහය සිය අනුමැතිය ලබාදී ඇත.

නව බලශක්ති වැඩසටහන ආරක්ෂිත, දැරිය හැකි සහ තිරසාර බලශක්තියක් කරා ශ්‍රී ලංකාව තබන පියවරට සහායක් වනු ඇති බවද ලෝක බැංකුව ප්‍රකාශ කළේය. මෙරට විදුලිබල පද්ධතියට ගිගාවොට් 1 ධාරිතාවක් එකතු කරන නව සූර්ය හා සුළං බලශක්ති ව්‍යාපෘති සඳහා මෙම වැඩසටහන මගින් සහාය ලැබෙනු ඇති බවත්, එය 2030 වසර වනවිට මෙරට විදුලි අවශ්‍යතාවෙන් සියයට 70 ක් පුනර්ජනනිය බලශක්තියෙන් උත්පාදනය කිරීමේ ඉලක්කයට තවත් සමීප කරවන බවත් ලෝක බැංකුව සඳහන් කළේය.

මෙම වැඩසටහන මඟින් ඩොලර් මිලියන 800 කට වඩා වැඩි පෞද්ගලික ආයෝජන රැස්කර ගැනීමට අපේක්ෂා කරන බවත්, එමගින් විදුලිය ගාස්තුව පහළ දැමීමට මෙන්ම පුනර්ජනනීය බලශක්තිය මත පදනම් වූ ව්‍යාපාර මෙන්ම පවුල්වල තත්වය වැඩි දියුණු කිරීමටද වැඩසටහන උපකාරී වනු ඇති බවත් ලෝක බැංකුව ප්‍රකාශ කළේය.