විමුක්ති එස් රුද්‍රිගු

විදේශයන්හි රැකියාවේ නියුතු ශ්‍රී ලාංකිකයන් මෙම වසරේ පළමු මාස 6 තුළදී ඇමෙරිකානු ඩොලර් බිලියන 3.73 ක විදේශ ප්‍රේෂණ ප්‍රමාණයක් මෙරටට ඒවා ඇති අතර එය පසුගිය වසරේ පළමු මාස 6දී මෙරටට ඒවා තිබූ ඇමෙරිකානු ඩොලර් බිලියන 3.14 ක විදේශ ප්‍රේෂණ ප්‍රමාණයට සාපේක්ෂව සියයට 18.9 ක වර්ධනයක් විය.

එසේම විදේශයන්හි රැකියාවේ නියුතු ශ්‍රී ලාංකිකයන් පසුගිය මාසයේදී මෙරටට ඇමෙරිකානු ඩොලර් මිලියන 635.7ක විදේශ ප්‍රේෂණ ප්‍රමාණයක් මෙරටට ඒවා ඇතැයි මහ බැංකුවේ නවතම දත්ත වාර්තා පෙන්වා දුන්නේය.
පසුගිය වසරේ ජූනි මාසයේදී විදේශයන්හි රැකියාවේ නියුතු ශ්‍රී ලාංකිකයන් මෙරටට ඇමෙරිකානු ඩොලර් මිලියන 519.6 ක විදේශ ප්‍රේෂණ ප්‍රමාණයක් මෙරටට ඒවා තිබු අතර එයට සාපේක්ෂව පසුගිය මාසයේ මෙරටට ඒවා ඇති විදේශ ප්‍රේෂණ ප්‍රමාණය සියයට 22.3 කින් වර්ධනය වී ඇත.

වසර 6 කින් පසුව වාර්තා වූ ඉහළ විදේශ ප්‍රේෂණ ප්‍රමාණය පසුගිය වසරේ වාර්තා විය. පසුගිය වසරේදී ඇමෙරිකානු ඩොලර් බිලියන 6.57 ක විදේශ ප්‍රේෂණ ප්‍රමාණයක් විදේශයන්හි රැකියාවේ නියුතු ශ්‍රී ලාංකිකයන් මෙරටට ඒවා තිබූ අතර එය 2023 වසරට සාපේක්ෂව සියයට 10.1 වර්ධනයක් විය.