කොළඹ කොටස් හුවමාරුවේ (CSE)  පූර්ණ අනුබද්ධිත සමාගමක් වන මධ්‍යම තැන්පතු පද්ධති (පෞද්ගලික) සමාගම (CDS), ශ්‍රී ලංකාවේ අනේවාසික විදේශීය පුද්ගලයන් (FIs)  සඳහා ආමුඛ ආයෝජන ගිණුම්  (IIAs)  පහසුකම් සැලසීම සඳහා සම්පත් බැංකුව සමඟ අවබෝධතා ගිවිසුමක් (MoU)  පසුගියදා අත්සන් කළේය.
CDS ආයතනය, කොළඹ කොටස් හුවමාරුවේ (CSE) විකුණුම් කරන සුරැකුම්පත් සඳහා තැන්පතුකරු සහ භාරකරු ලෙස කටයුතු කරයි. සම්පත් බැංකුව සමග මෙම සහයෝගිතාව, වෙළෙඳපොළ යටිතල පහසුකම් ශක්තිමත් කිරීම සහ ආයෝජක ප්‍රවේශ්‍යතාව වැඩිදියුණු කිරීම සඳහා වන අඛණ්ඩ උත්සාහයේ තවත් එක් පියවරකි.
මෙම ගිවිසුමේ ප්‍රතිඵලයක් ලෙස විදේශීය ආයෝජකයන්ට දැන් CDS ගිණුම් නිර්මාණය කිරීමේදී IIA ලබා ගැනීම සඳහා කොළඹ කොටස් හුවමාරුවේ (CSE) ජංගම යෙදුම භාවිත කළ හැකිය. සම්පත් බැංකුව සහ CDS ආයතනය ඉක්මන් සහ නීත්‍යානුකූල ගිණුම් ස්ථාපිත කිරීමක් සහතික කිරීම සඳහා අවශ්‍ය දත්ත යෙදුමෙන් හුවමාරු කර ගනු ඇත. පුළුල් පරාසයක විදේශීය ආයෝජකයන්ගේ ආකර්ෂණයෙන්, මෙම සහයෝගීතාව ශ්‍රී ලංකාවේ ප්‍රාග්ධන වෙළෙඳපොළ වැඩිදියුණු කිරීමට සහ ආයෝජන ක්‍රියාවලිය විධිමත් කිරීමට ගත් උත්සාහයකි.
“IIA විවෘත කිරීමේ ක්‍රියාවලිය කොළඹ කොටස් හුවමාරුවේ (CSE) ජංගම යෙදුමට ඒකාබද්ධ කිරීමෙන්, අප ප්‍රධාන අසීරු ස්ථාන ඉවත් කර අනේවාසික ආයෝජකයන් සඳහා වේගවත්, වඩාත් පහසු ප්‍රවේශයක් ලබා දෙන්නෙමු.” කොළඹ කොටස් හුවමාරුවේ (CSE) ප්‍රධාන විධායක නිලධාරී රජීව බණ්ඩාරනායක මහතා මේ සම්බන්ධයෙන් පහත ප්‍රකාශය කළේය: “වෙළෙඳපොළ ආකර්ෂණීය වටිනාකමක් සහ දිගුකාලීන වර්ධන විභවයක් ලබා දෙන කාලයක වැඩි විදේශීය සහභාගීත්වයක් ආකර්ෂණය කර ගැනීම සඳහා මෙම ප්‍රවේශය විධිමත් කිරීම ඉතා වැදගත් වේ.”
“මෙම සහයෝගිතාව සැලකිය යුතු ඩිජිටල් විසඳුම් හරහා දියුණුවට පහසුකම් සැලසීම සඳහා අපගේ අඛණ්ඩ කැපවීම පෙන්නුම් කරයි. ශ්‍රී ලංකාවේ ජාත්‍යන්තර ආයෝජකයන්ගේ උනන්දුව වැඩි වන විට අපගේ මූල්‍ය පද්ධතියට ආරක්ෂිත සහ ඵලදායී ප්‍රවේශ ස්ථාන සැපයිය යුතුය. CDS සමඟ මෙම සහයෝගිතාව හරහා, අනුකූලතාව තහවුරු කරන, පරිශීලක අත්දැකීම් වැඩි දියුණු කරන සහ රටේ ආයෝජන දර්ශනය ශක්තිමත් කිරීමේ පුළුල් අරමුණට දායක වන සරල ආයෝජක ගමනකට සහාය වීමට පිළිබදව අපි සතුටු වෙමු,” සම්පත් බැංකුවේ කළමනාකාර අධ්‍යක්ෂ අයෝධ්‍යා ඉද්දවෙල පෙරේරා මහත්මිය පැවසුවාය.