භානුක අමරසිංහ 

මෙරට ක්‍රියාත්මක පුනර්ජනනීය බලශක්ති සමාගමක් වන විදුල්ලංකා පීඑල්සී සමාගම මාතර කඹුරුපිටියේ ඉදිකරන 3MWp ධාරිතාවකින් යුත් මාතර සූර්ය බල ව්‍යාපෘතියේ වැඩ ආරම්භ කළ බව පවසයි.
එම සමාගමේ පූර්ණ පරිපාලිත සමාගමක් ලෙස ස්ථාපිත කෙරුණු මාතර සෝලාර් පවර් (පෞද්) සමාගම යටතේ මෙම ව්‍යාපෘතිය ක්‍රියාත්මක කෙරේ. මෙම බලාගාරය මගින් 5.5GWh  විදුලිබලයක් උත්පාදනයට බලාපොරොත්තු වන අතර, එය ජාතික පද්ධතිය වෙත එක් කරන බවත් සමාගම පවසයි. මේ හරහා ජාතික පුනර්ජනනීය බලශක්ති ඉලක්ක වෙත සහ තිරසාර අරමුණු වෙත සහාය දක්වන බවත් සමාගම වැඩිදුරටත් සඳහන් කරයි.