IMG-LOGO

ලෝටස් සීඩ්ස් ෆාම් - ලෝටස් එන්ටර්ප්‍රයිසස් වයඹ විජයාභිමානී ව්‍යවසාය විශිෂ්ටතා සම්මාන ද්විත්වයක් දිනයි

ලෝටස් සමූහ ව්‍යාපාරයට අනුබද්ධ ලෝටස් සීඩ්ස් ෆාම් සහ ලෝටස් එන්ටර්ප්‍රයිසස් සමාගම් වයඹ පළාත් කාර්මික සේවා කාර්යාංශය සංවිධානය කළ වයඹ විජයාභිමානී ව්‍යවසාය විශිෂ්ටතා සම්මාන උළෙලේදී සම්මාන ද්විත්වයකින් පිදුම් ලැබීය. වයඹ පළාත් සභා ශ්‍රවණාගාරයේදී පැවති සම්මාන උළෙලේදී ලෝටස් සමූහ ව්‍යාපාරයේ සභාපති සහ ප්‍රධාන විධායක නිලධාරී ඩී.ඒ.එම්. ජනිත් අබේකෝන් මහතා වෙත සම්මාන පිරිනමන ලදී.
කෘෂිකාර්මික අංශයේ (ක්ෂුද්‍ර පරිමාණ) විශිෂ්ටම ව්‍යවසාය ලෙස ලෝටස් සීඩ්ස් ෆාම් සමාගම සම්මානයට පාත්‍ර විය. එම සමාගම කෘෂිකර්මාන්තයේ ජීවනාලිය බඳු දේශීය ගොවීන්ට උසස් තත්වයේ සහ ඉහළ අස්වැන්නක් සහතික කරන බීජ සපයන ප්‍රමුඛයා වේ. දෙමුහුම් බීජ නිෂ්පාදන තාක්ෂණය භාවිතයෙන් ඔවුන් නිපදවන බීජ පරිසර තත්වවලට ඔරොත්තු දීමේ හැකියාවෙන් අනූනය. නව්‍යකරණයට ප්‍රමුඛ අවධානයක් යොමු කරන එම සමාගම දීර්ඝ කාලයක් පුරා ගොවි ජනතාවට සවියක් වෙමින් ජාතික ආහාර සුරක්ෂිතතාව සහ ආර්ථික වර්ධනය තහවුරු කිරීමට දායක වී ඇත.

ලෝටස් එන්ටර්ප්‍රයිසස් සමාගම කෘෂිල පශු සම්පත් සහ ධීවර අංශයේ (කුඩා පරිමාණ) කුසලතා සම්මානය දිනා ගත් අතර, ගොවි ජනතාවට අවශ්‍ය පොහොර වගා බෑග්, ප්ලාස්ටික් බහාලුම්, උසස් යන්ත්‍රෝපකරණ වැනි කෘෂිකාර්මික යෙදවුම් සපයමින් ඉටු කරන මෙහෙය අගයමින් එම සම්මානය පිරිනැමිණි. සිය නිෂ්පාදනවලට ජාත්‍යන්තර තාක්ෂණය මුසු කරන එම සමාගම අධි කාර්යක්ෂම සහ තිරසාර කෘෂිකාර්මික විසඳුම් සඳහා මෙරට ගොවි ජනතාවට ඇති ප්‍රවේශය සහතික කරයි. ඵලදායිතාව, පසේ සරු බව සහ ගොවීන්ගේ ජීවන තත්වය ඉහළ නැංවීමට සවිබල සැපැයීම සමාගම සිය ප්‍රධාන අරමුණු කර ගෙන ඇත. 2019දී ඇරැඹුණු ලෝටස් සමූහ ව්‍යාපාරය පසුගිය කාලයේදී ක්ෂේත්‍ර රැසකට අයත් නිෂ්පාදන සහ සේවා සපයන සමාගමක් ලෙස විවිධාංගීකරණය වී ඇත. ලෝටස් පොහොර, ලෝටස් ක්‍රොප් කෙයාර්, ලෝටස් සීඩ්ස්, ලෝටස් ප්‍රින්ට් හවුස්, ලෝටස් මැෂිනරි, ලොටෙක්ස් පැකේජින් ඊට අයත් සමාගම් වේ. පසුගිය කාලයේදී එම සමාගම් දෙස් විදෙස් සම්මාන රැසක් ජයග්‍රහණය කර ඇත.

 



අදහස් (0)

ලෝටස් සීඩ්ස් ෆාම් - ලෝටස් එන්ටර්ප්‍රයිසස් වයඹ විජයාභිමානී ව්‍යවසාය විශිෂ්ටතා සම්මාන ද්විත්වයක් දිනයි

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 273 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 796 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1209 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site