ලංකා අශෝක් ලේලන්ඩ් පී.එල්.සී. (LAL) සමාගම විසින් ලංකාවේ එකලස් කරන හෙවි-ඩියුටි ට්රක් රථ, ටිපර් රථ සහ සැහැල්ලු වාණිජ වාහන සඳහා නිෂ්පාදකයා විසින් සපයන උපාංග (OEM) නිෂ්පාදකයා ලෙස සියැට් කැලණි හෝල්ඩින්ග්ස් සමාගම පත්කරනු ලැබ තිබේ.
මෙම ඔරිජිනල් ටයර් සැපැයුම් ගිවිසුමට අනුව ලංකා අශෝක් ලේලන්ඩ් සමාගමට අයත් හෝමාගම පනාගොඩ පිහිටි වාහන එකලස් කිරීමේ අති නවීන කර්මාන්තශාලාවේ වාර්ෂිකව එකලස් කරන අශෝක් ලේලන්ඩ් වාහන 1,800ක් සඳහා ප්රමාණ නවයක සියැට් ටයර් සවිකරනු ඇත. මෙම වාහන අතුරින් 1,000ක් ශ්රී ලංකාවේ ආර්ථිකයට විශාල දායකත්වයක් ලබාදෙන ශ්රී ලාංකිකයන්ගේ පළමු තේරීම බවට පත්වී තිබෙන හෙවි-ඩියුටි ට්රක් රථ බව සමාගම සඳහන් කරයි.
මෙම ගිවිසුම පිළිබඳව සියැට් කැලණි සමාගමේ කළමනාකාර අධ්යක්ෂ රවී ඩඩ්ලානි මහතා මෙසේ අදහස් දැක්වීය.
“ශ්රී ලංකාව විදේශීය විනිමය ඉතිරි කරගැනීමේ ජාතික වැඩපිළිවෙළක සිටින මේ අවස්ථාවේදී ලංකා අශෝක් ලේලන්ඩ් සමාගමේ ඔරිජිනල් ටයර් සපයන්නා ලෙස සියැට් තෝරා පත්කර ගැනීම ඉතාමත් කාලීන දෙයක්. ලංකා අශෝක් ලේලන්ඩ් සමාගමේ දේශීය එකලස් කිරීමේ මෙහෙයුම් කටයුතු සඳහා සහයෝගය ලබාදීමට හැකි වීම පිළිබඳව සියැට් අතිශයින්ම සතුටු වෙනවා. මෙමගින් ලංකා අශෝක් ලේලන්ඩ් විසින් සියැට් වෙත තබා තිබෙන විශ්වාසය පිළිඹිබු වෙනවා. එය දේශීය තත්ත්වයට ගැළපෙන පරිදි නිෂ්පාදනය කරන සියැට් ටයර් සතුව පවතින කල්පැවැත්ම, විශ්වසනීයත්වය සහ වටිනාකම සඳහා ලැබුණු හොඳ සහතිකයක්.”
2021 නොවැම්බර් මාසයේදී මහින්ද්රා ඇන්ඩ් මහින්ද්රා ඉන්දියානු සමාගම විසින් අයිඩියල් මෝටර්ස් සමාගම සමග ඒකාබද්ධව ශ්රී ලංකාවේ එකලස් කරන Bolero City Pick-Up වාහනවලට ඔරිජිනල් ටයර් සපයන්නා ලෙස ද සියැට් කැලණි සමාගම පත්කර ගන්නා ලදී.
ජපානයේ හොන්ඩා මෝටර් රථ සමාගමට මෙම මූල්ය වර්ෂයේදී සියයට 2.8 ක මෙහෙයුම් ලාභයක් ලැබෙනු ඇති පුරෝකථනය කරයි.
වරැන් බෙවරේජස් ලංකා යනු ශ්රී ලංකාවේ ප්රමුඛ පෙළේ සිසිල් බීම නිෂ්පාදකයකු වන අතර, ඔවුන් එක්සත් ජනපදයෙන් පිටත PepsiCo හි විශාලතම සැපයුම්කරු වේ. ඔවුන් විසින්
මෝටර් රථ ක්ෂේත්රයේ ප්රමුඛතම සන්නාමයක් වන Toyota ලංකා (පෞද්ගලික) සමාගම විසින් දිවයින පුරා විසිරී සිටින සිය අලෙවි නියෝජිතයන්ගේ විශිෂ්ට සේවාව අගය කිරීම වෙ
ඇපල් සමාගම හෙට (07) පැසිෆික් වේලාවෙන් උදෑසන 7ට පැවැත්වෙන විනාඩි 35ක අතත්ය උත්සවයකට සහභාගී වීමට සියල්ලන්ටම ආරාධනා කළේය.
ආනවිලුන්දාව රැම්සාර් තෙත්බිම් හි, ස්වභාවික කඩොලාන ප්රතිස්ථාපනය කිරීමේ ව්යාපෘතිය සඳහා වනජීවී සංරක්ෂණ දෙපාර්තමේන්තුවේ (DWC) ප්රධාන පාර්ශවකරුවකු වන
චීනයේ විශාලතම මෝටර් රථ ප්රදර්ශනය වන බෙයිජිං මෝටර් රථ ප්රදර්ශනය පසුගිය 25 වෙනිදා සිට ඊයේ (04) වැනිදා දක්වා බෙයිජිං නුවරදී පැවැත්විණි.
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
ලංකා අශෝක් ලේලන්ඩ් වාණිජ වාහනවලට ඔරිජිනල් ටයර් සියැට් වෙතින්