2025 සැප්තැම්බර් මස 10 වන බදාදා
විමුක්ති එස් රුද්‍රිගු
මෙරට ජනතාවගෙන් වැඩි පිරිසක් අවදානමට ලක්ව ඇත්තේ සිය පවුලේ අවශ්‍යතා වෙනුවෙන් ලබාගත් ණය හේතුවෙන් බව එක්සත් ජාතීන්ගේ සංවර්ධන වැඩසටහනේ නිත්‍ය නේවාසික නියෝජිත අසූසා කුබෝටා මහත්මිය ඉකුත්ද‌ා ප්‍රකාශ කළාය.
නිශ්චිතව මෙරට ජනතාවගෙන් සියයට 33.4ක පිරිසක් ණය හේතුවෙන් අවදානමට ලක්ව තිබෙන බවත් ඒ හේතුවෙන් අහිමිවීම්වලට මුහුණ දෙන බවත් ඇය පැවැසුවාය. එලෙස අවදානමට ලක්වූ ජනතාව අතර ආහාර, සෞඛ්‍ය සහ අධ්‍යාපනය වැනි මූලික අවශ්‍යතා සඳහා ණය ලබාගත් අයද සිටින බවත් ඔවුන්ට ලබාගත් ණය හේතුවෙන් වත්කම් ඉක්මනින් අහිමිවීමේ අවදානමට ලක්ව තිබෙන බවත් ඇය ප්‍රකාශ කළාය.
මෙම කරුණු එක්සත් ජාතීන්ගේ 2023 බහු අවදානම් දර්ශකයේ සඳහන් වන බවත් කීපවතාවක් තමන් මෙම කරුණු මතක් කරදී තිබෙන බවත් කුබෝටා මහත්මිය සඳහන් කළාය. ශ්‍රී ලාංකික ජනතාවගෙන් අඩකට වඩා වැඩි පිරිසක් පැති කීපයක් ඔස්සේ අවදානමට ලක්ව තිබෙන බව එහි සඳහන් වන බව ඇය ප්‍රකාශ කළාය.
ඉහළ ගොස් ඇති ජීවන වියදම වැනි කරුණු සලකා බැලීමේදී වර්තමානයේ මෙරට ජනතාව පීඩා විඳින ණය ගැටලු‍ව තවත් දැඩිවී තිබීමට හොඳ හැකියාවක් තිබෙන බවද ඇය පැවැසුවාය. මූල්‍ය තීරණ ගැනීමට සහ ණය ගැටලු‍ව කළමනාකරණය කර ගැනීමට ණය ලබාගත් ශ්‍රී ලාංකිකයන් විශේෂයෙන් කාන්තාවන් තුළ ප්‍රමාණවත් මූල්‍ය සාක්ෂරතාවක් නොමැති වීම ණය ගැටලු‍ව උග්‍රවීමට ප්‍රධාන හේතුවක් බව ප්‍රජාව සමග සාකච්ඡා කිරීමේදී පෙනී ගියේ යැයි කුබෝටා මහත්මිය ප්‍රකාශ කළාය.
ණය තිරසරභාවය ඇති කිරීම සඳහා බහු ආකෘතික විසඳුම් අවශ්‍ය බව ඉන් පෙනී යන බවත් පවුල් මට්ටමින්ද ණය තිරසරභාවය ඇතිවිය යුතු බවත් එහිදී ඇය පෙන්වා දුන්නාය. ඒ හේතුවෙන් ණය ආශ්‍රිතව මෙරට ජනතාව මුහුණ දෙන අවදානම් තත්වයට ඔරොත්තු දීමේ හැකියාව වැඩි දියුණු කිරීම සඳහා ශ්‍රී ලංකා මහ බැංකුව ගෙනයන ණය කළමනාකරණ උපායමාර්ග, මූල්‍ය සාක්ෂරතාව වැඩි දියුණු කිරීම සහ ජීවනෝපාය විවිධාංගීකරණය කිරීම වැනි ක්‍රියාමාර්ගවලට සහායවීමට එක්සත් ජාතීන්ගේ සංවර්ධන වැඩසටහනට හැකිවීම පිළිබඳව සතුටට පත්වන බවද ඇය ප්‍රකාශ කළාය.
පසුගිය වසරේ මූල්‍ය සාක්ෂරතා මාර්ග සිතියම දියත් කිරීමෙන් පසුව ත්‍රෛ භාෂා මූල්‍ය සාක්ෂරතා මොඩියුල, ඉගෙනුම් උපාකාරක පොතක් සහ උපදේශන වීඩියෝ පට මාලාවක් නිර්මාණය කිරීමට එක්සත් ජාතීන්ගේ සංවර්ධන වැඩසටහන ශ්‍රී ලංකා මහ බැංකුවට සහාය ලබාදුන් බවද ඇය පැවැසුවාය.
තරුණ ප්‍රජාවගේ සහ සුළු හා මධ්‍ය පරිමාණ ව්‍යවසායවල මූල්‍ය සාක්ෂරතාව ඉහළ නැංවීමේ අරමුණ ඇතුළුව මෙම මුලපිරීම ආරම්භ වූ බවද ඇය ප්‍රකාශ කළාය. ශ්‍රී ලංකා මහ බැංකුවේ මූල්‍ය සාක්ෂරතා උපදේශන කඳවුරට ජපාන ජාත්‍යන්තර සහයෝගිතා ඒජන්සියද එකතුවීම පිළිබඳව තමන් සතුටට පත්වන බවද ඇය පැවැසුවාය.
මූල්‍ය සාක්ෂරතා විෂය නිර්දේශය එළිදැක්වීමට, උපදේශන වීඩියෝපට මෙන්ම මූල්‍ය සාක්ෂරතා වැඩසටහන සඳහා සුදුසුකම් ලත් පුහුණුකරුවකු හඳුන්වාදීම සඳහා ශ්‍රී ලංකා මහ බැංකුවේදී පසුගියදා (03) පැවැති උත්සවයේදී එක්සත් ජාතීන්ගේ සංවර්ධන වැඩසටහනේ නිත්‍ය නේවාසික නියෝජිත අසූසා කුබෝටා මහත්මිය මෙම අදහස් පළ කළාය.
2025 අගෝස්තු මස 30
622
0
ශ්‍රී ලංකාවේ ප්රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා
2025 අගෝස්තු මස 22
17597
10
සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක
2025 අගෝස්තු මස 21
725
0
ශ්‍රී ලංකාවේ ප්රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්
මෙරට වැඩි පිරිසක් අවදානමට ලක්ව ඇත්තේ පවුලේ අවශ්‍යතාවලට ණය ගැනීමෙන්