රාජ්‍ය ආයතන ඩිජිටල්කරණය කිරීමට නියමිත සන්දර්භයක් තුළ මහනුවර මහ නගර සභාව (KMC) මෑතකදී ක්ෂණික ප්‍රතිචාර කේතයක් (QR කේතය) හඳුන්වා දුන්නේය. මෙම අභ්‍යන්තරව සංවර්ධනය කරන ලද  QR කේතය හරහා, නගර සභා සීමාව තුළ ජීවත්වන මහජනතාව සහ දිනපතා නගරයට පැමිණෙන අය  ඔවුන්ගේ සාමාන්‍ය පැමිණිලි /යෝජනා තත්‍යකාලීනව යොමුකිරීම සඳහා ඵලදායි ලෙස සම්බන්ධ කරගැනීමට මහනුවර මහනගර සභාව අපේක්ෂා කරයි.

මහනුවර සභාවේ ඉල්ලීම පරිදි, පීපල්ස් ලීසිං සහ ෆිනෑන්ස් පීඑල්සී හි මහනුවර ශාඛාව මෙම මුල පිරීමේ සාර්ථකත්වය සඳහා අත්වැල් බැඳගත්තේ  QR කේත ස්ටිකර් 15,000ක් ලබාදීමෙනි. මෙම ස්ටිකර් මහනුවර ප්‍රදේශයේ  ආහාර අලෙවිසැල් සහ අනෙකුත් පොදු ස්ථානවල ප්‍රදර්ශනය කිරීමට අපේක්ෂා කෙරේ.

“පීපල්ස් ලීසිං ඇන්ඩ් ෆිනෑන්ස් බොහෝ දුරට කුඩා හා  මධ්‍ය පරිමාණ ව්‍යවසායකයන්ගේ මූල්‍ය අවශ්‍යතා සපුරාලන්නෙමු. මහනුවර මහ නගර සභාවෙන් දැනගත් පරිදි ශ්‍රී ලංකා පළාත් පාලන ආයතනය මහජනතාවගෙන් තත්‍යකාලීන ප්‍රතිචාර ලබා ගැනීම සඳහා  QR කේතයක් හඳුන්වා දුන් පළමු අවස්ථාව මෙයයි. මෙම මුල පිරීමේදී මහනුවර මහ නගර සභාව සමඟ හවුල්වීමට ලැබීම ගැන සතුටු වන බව” පීපල්ස් ලීසිං ඇන්ඩ් ෆිනෑන්ස් පීඑල්සී හි ප්‍රධාන විධායක නිලධාරී/ සාමාන්‍යාධිකාරී සංජීව බණ්ඩාරනායක මහතා පැවසීය.