විමුක්ති එස් රුද්‍රිගු

ජී.එස්.පී ප්ලස් සහනය ලබාදීම සඳහා සමාලෝචනයක් කිරීමට යුරෝපා සංගමයේ නියෝජිත කණ්ඩායමක් ලබන මස මැදදී මෙරටට පැමිණීමට නියමිත බව විදේශ කටයුතු අමාත්‍ය විජිත හේරත් මහතා ඊයේ (25) ප්‍රකාශ කළේය.

නව රජයක් පත්වූ විට තත්වය තක්සේරු කිරීම සඳහා සාමාන්‍යයෙන් යුරෝපා සංගමයේ නියෝජිත කණ්ඩායමක් මෙලෙස පැමිණෙන බව විදේශ කටයුතු අමාත්‍යවරයා පැවැසුවේය. ජී.එස්.පී. ප්ලස් සහනය අඛණ්ඩව ලබා ගැනීම සඳහා අවශ්‍යතා සපුරාලීමේදී ලබාගෙන ඇති ප්‍රගතිය එම නියෝජිත කණ්ඩායම සමාලෝචනය කරනු ඇතැයි ඔහු ප්‍රකාශ කළේය.

සමාලෝචනයෙන් පසුව නියෝජිත කණ්ඩායම රජයට නිර්දේශ ඉදිරිපත් කරනු ඇති බවත් ඉදිරියට යන විට ඔවුන් සමග ශක්තිමත් පදනමක් ගොඩනගා ගැනීමට ද බලාපොරොත්තු වන බවත් විදේශ කටයුතු අමාත්‍යවරයා පැවැසුවේය.