2025 ජුලි මස 09 වන බදාදා
2025 ජුලි මස 09 වන බදාදා
ශ්රී ලාංකික සිසුන්ට ජාත්‍යයන්තර සෞඛ්‍ය අධ්‍යාපනයක් ලැබීමේ අවස්ථාව
AAHS පදනම් පාඨමාලා සැසිරූ සිසුන්ට සෘජුවම අයැදුම් කිරීමේ අවස්ථාව
සා.පෙළ අවම සම්මානයක් ප්‍රමාණවත්
මෙරට සෞඛ්‍ය අධ්‍යාපන ක්ෂේත්‍රයේ විශිෂ්ටතම ආයතනයක් වන Asiri Academy of Health Sciences (AAHS) සහ මැලේසියාවේ ප්‍රමුඛතම විශ්වවිද්‍යාලයක් වන සන්වේ විශ්වවිද්‍යාලය මෙරට සෞඛ්‍ය අධ්‍යාපන ක්ෂේත්‍රයේ සුවිශේෂී කඩඉමක් සලකුණු කරමින් ශ්රී ලංකාවේ සන්වේ විශ්වවිද්‍යාලයක් ස්ථාපිත කිරීම සඳහා වන පළමු අදියර සඳහා අවබෝධතා ගිවිසුමකට පසුගියදා අත්සන් තබනු ලැබීය.
සන්වේ සමූහයේ සභාපති සහ නිර්මාතෘ මෙන්ම සන්වේ විශ්වවිද්‍යාලයේ කුලපති ටැන් ශ්රී චව් වී කින්, සොෆ්ට්ලොජික් සමූහයේ සභාපති/කළමනාකාර අධ්‍යක්ෂ අශෝක් පතිරගේ, ආසිරි සෞඛ්‍ය විද්‍යා ඇකඩමියේ ප්‍රධාන විධායක නිලධාරී වෛද්‍ය මංජුල කරුණාරත්න, එහි අධ්‍යක්ෂිකා නදීකා ජයසිංහ ඇතුළු දෙපාර්ශවයේම ප්‍රධාන පෙළේ නිලධාරීහු මෙම ගිවිසුම අත්සන් කිරීමේ අවස්ථාවට සහභාගී වූහ.
සන්වේ විශ්වවිද්‍යාලය සමඟ ගිවිසුම්ගත වූ ප්‍රථම ශ්රී ලාංකික සෞඛ්‍ය අධ්‍යාපන ආයතනය AAHS වන අතර, මෙමඟින් ශ්රී ලාංකික සිසුන්ට ජාත්‍යන්තර සෞඛ්‍ය අධ්‍යාපනයක් ලැබීමේ අවකාශ උදාවනු ඇත. අ.පො.ස. උසස් පෙළ ප්‍රතිඵල අපේක්ෂාවෙන් සිටින සිසුන්ට මෙන්ම අ.පො.ස. සාමාන්‍ය පෙළ අවසන් කළ සිසුන්ට පවා මේ සඳහා ලියාපදිංචි වීමේ අවස්ථාව හිමි වීම මෙහි ඇති සුවිශේෂීම කරුණයි.
මෙම අවබෝධතා ගිවිසුමෙන් සෞඛ්‍ය විද්‍යාව පිළිබඳ AAHS පදනම් පාඨමාලාව සම්පූර්ණ කළ සිසුන්ට සන්වේ විශ්වවිද්‍යාලයේ කීර්තිමත් උපාධි පාඨමාලා තුනක් සඳහා ඍජුවම අයදුම් කිරීමේ අවස්ථාව හිමි වේ. හෙද, වෛද්‍ය ජෛව තාක්ෂණය සහ මනෝවිද්‍යාව යන ක්ෂේත්‍ර සඳහා විද්‍යාවේදී (ගෞරව) උපාධි සඳහා මෙලෙස අයදුම් කිරීමේ අවකාශ මෙරට සිසුන්ට හිමි වනු ඇත. සන්වේ විශ්වවිද්‍යාලය වෙතින් පිරිනමන සම්පූර්ණ උපාධි වැඩසටහන් පරාසය හඳුන්වා දීම සඳහා ඇති හැකියාව පිළිබඳ මේ වන විට අධ්‍යයනය කෙරෙමින් පවතී.
මෙම නවෝත්පාදන මාවත මඟින් අ.පො.ස. සාමාන්‍ය පෙළ අවසන් කළ වහාම සිසුන්ට සෞඛ්‍ය අධ්‍යාපනය වෙත පිවිසීමට ඉඩකඩ සැලසෙන අතර, මේ පාඨමාලාවට ඇතුළත් වීම සඳහා අවම සම්මාන සාමර්ථ 5ක් තිබීම ප්‍රමාණවත්ය. AAHS හි මාස අටක පදනම් වැඩසටහන සම්පූර්ණ කිරීමෙන් පසු, සිසුන්ට සන්වේ විශ්වවිද්‍යාලයට ඇතුළත් වීමට වරම් හිමිවන අතර, ඔවුන්ගේ අධ්‍යයන ප්‍රගතිය සැලකිය යුතු අයුරින් වේගවත් කරන්නට මෙය මහඟු අවස්ථාවක් ද වේ.
“ශ්රී ලාංකික තරුණ තරුණියන්ට සෞඛ්‍ය අධ්‍යාපන ක්ෂේත්‍රයේ කැපී පෙනෙන ප්‍රගතියක් ළඟා කරගන්නට මෙම හවුල්කාරීත්වය හේතුවක් වනු නොඅනුමානයි. වයස අවුරුදු 16 හෝ 17 සීමාවේ සිටින සිසුන්ට ඔවුන්ගේ සෞඛ්‍ය අධ්‍යාපන ගමන ආරම්භ කරන්නට අවස්ථාව සලසා දෙමින්, ඉහළ ඉල්ලු‍මක් ඇති ක්ෂේත්‍රවල ජාත්‍යන්තර වශයෙන් පිළිගත් සුදුසුකම් ලබා ගන්නට AAHS වේගවත් මාර්ගයක් සකස් කර දී තිබෙනවා.” යනුවෙන් සොෆ්ට්ලොජික් සමූහයේ සභාපති සහ කළමනාකාර අධ්‍යක්ෂ අශෝක් පතිරගේ මහතා සඳහන් කළේය.
2025 ජුලි මස 04
193
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
702
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1100
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
Asiri Academy of Health Sciences මැලේසියාවේ සන්වේ විශ්වවිද්‍යාලය අවබෝධතා ගිවිසුමක