Acer ලැප්ටොප් සහ උපාංග පිළිබඳව මෙරට එකම බලය ලත් බෙදා හරින්නා වන Metropolitan Technologies පෞද්ගලික සමාගම සංවිධානය කළ Next@Acer: Sri Lanka 2025 පසු ගිය දා බත්තරමුල්ල වෝටර්ස් එජ් හෝටලයේදී පැවැත්විණි. 2026දී සහ ඉන් ඔබ්බට එළි දැක්වීමට නියමිත Next-Generation ලැප්ටොප් ඇතුළු කෘත්රිම බුද්ධියෙන් බල ගැන්වූ උපාංග සහ කාර්යක්ෂමතා උපාංග මාදිලි රැසක් එහිදී එළි දක්වන ලදී.
Metropolitan සමාගම හවුල්කාරිත්ව, විශිෂ්ට සේවා සහ පාරිභෝගික විශ්වාසය සමග දශක හතරකට වැඩි කාලයක් පුරා Acer සන්නාමයේ මෙරට නියෝජිතයා ලෙස කටයුතු කර තිබේ. Metrocorp සමූහයේ කොටසක් වන Metropolitan සමාගම වසර 67කට වැඩි කාලයක් පුරා විශිෂ්ටත්වය සහ නව්යකරණයෙන් කාර්යාල ස්වයංක්රියකරණ සහ ඉංජිනේරු ඇතුළු ක්ෂේත්ර රැසක කැපී පෙනෙන වෙනසක් සිදු කළ ආයතනයකි. මෙම වසරේ Next@Acer උත්සව අවස්ථාවට කර්මාන්ත සහකරුවන්, බෙදා හරින්නන් සහ තාක්ෂණය පිළිබඳ උනන්දුවක් දක්වන්නන් ඇතුළු විශාල පිරිසක් සහභාගී වූ අතර Acer සන්නාමය යටතේ එන නවතම නිෂ්පාදන දැක බලා ගැනීමට ඔවුන්ට අවස්ථාව ලැබිණි.
Acer සමාගම හඳුන්වා දුන් කෘතිම බුද්ධියෙන් බල ගැන්වූ නවතම පරිගණක උපාංග වන Copilot+ PC මාදිලි රැසක් එහිදී එළි දක්වන ලදී. බුද්ධිමය කාර්යසාධනය පදනම් කර ගත් මීළඟ තාක්ෂණ යුගය තුළ මෙම මාදිලි පෙරළියක් කරනු ඇතැයි අපේක්ෂා කෙරේ. සමාගමේ නවතම සහ බර අඩුම ලැප්ටොප් පරිගණකය වන අඟල් 16ක Acer Swift Air පරිගණකයද එහිදී එළි දක්වන ලදී. කිලෝග්රෑම් 1.09ක් බර එය පහසුවෙන් රැගෙන යා හැකි අතර නිර්මාණාත්මකභාවයෙන්ද ඉතා ඉහළ නිෂ්පාදනයකි. Ultra-Light Acer Swift Edge 14 AI සහ AI-Driven Swift 14 AI පටන් ඉහළ කාර්යසාධනයක් සහිත Predator Helios Neo 16 AI සහ Predator Helios 18 AI දක්වා පාරිභෝගික, ආයතනික සහ පරිඝණක ක්රීඩා ඇතුළු විවිධ අවශ්යතා වෙනුවෙන් නිර්මාණය කර ඇති නිෂ්පාදන රැසක් දැක බලා ගැනීමට ඊට සහභාගී වූ පිරිසට හැකි විය. වෘත්තිකයන් වෙනුවෙන් නිෂ්පාදනය කර ඇති අතේ රැගෙන යා හැකි තනි සහ ද්විත්ව සංදර්ශක මොනිටර්ද ඊට ඇතුළත් විය. විශ්වාසනීයභාවය සහ පාරිභෝගික තෘප්තිය ප්රමුඛ කොට සලකන Acer ශ්රී ලංකාවේ අලෙවි කරන සෑම උපාංගයකටම වසර තුනක් දක්වා වගකීම් සහතිකයක් පිරිනමයි. Acer Computer Singapore Pte Ltdහි කළමනාකරණ අධ්යක්ෂිකා චියා ලී ෂි මහත්මිය ඇතුළු නියෝජිතයෝ රැසක් මෙම අවස්ථාවට සහභාගී වූහ. Next@Acer උළෙලට සමගාමීව පැවැත්වුණු Acer Partner Awards 2025 සම්මාන උළෙලේදී දිවයින පුරා සිටින විශිෂ්ට කාර්යසාධනයක් සහිත Acer අලෙවි නියෝජිතයන් ඇතුළු හවුල්කරුවන් ඇගැයීමට ලක් කෙරුණු අතර Recognition Awards, Excellence Awards සහ Elite Top Performer Awards යන ඛාණ්ඩ යටතේ සම්මාන පිරිනමන ලදී. මෙරට පාරිභෝගිකයන් සහ ව්යාපාර ආයතන සඳහා උසස්ම ඩිජිටල් අත් දැකීමක් සහතික කිරීමට ඇප කැප වී සිටින Metropolitan සමාගම Acer සන්නාමය සමග ඇති කර ගෙන ඇති හවුල්කාරිත්වය මේ තුළින් වඩාත් ශක්තිමත් විය.
2025 නොවැම්බර් මස 21
196
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
257
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1158
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
Acer හා Metropolitan Tehnologies සංවිධානය කළ Next@Acer 2025 මෙරට අනාගත තාක්ෂණය පිළිබිඹු කරයි