විමුක්ති එස්. රුද්‍රිගු

“වර්ධනයට පිවිසුමක් : ආසියාවේ නැගී සිටීමට අවස්ථාවක්”‍ යන තේමාව යටතේ එළැඹෙන දෙසැම්බර් 2 සහ 3 කොළඹ ෂැන්ග්‍රිලා හෝටලයේදී පැවැත්වෙන 2025 ශ්‍රී ලංකා ආර්ථික සමුළුවේ පළමු දිනයේ පවත්වන ප්‍රධාන සැසි අතරට මෙරට සංචාරක ක්ෂේත්‍රය හැකි උපරිම ආකාරයෙන් වර්ධනය කරගත හැක්කේ කෙසේද යන්න පිළිබඳව ගවේෂණාත්මක සැසියක්ද ඇතුළත් වනු ඇතැයි ලංකා වාණිජ මණ්ඩලය ප්‍රකාශ කළේය.

අවසානයේදී ශ්‍රී ලංකාව සංචාරක ගමනාන්තයක් ලෙස ප්‍රවර්ධනය කළ හැක්කේ කෙසේද යන තේමාව යටතේ සැසිය පැවැත්වෙනු ඇති බවත් එහි විද්වත් මණ්ඩලයට ශ්‍රී ලංකාව සහ මාලදිවයින සඳහා යුරෝපා සංගමයේ තානාපතිනි කාමන් මොරෙනෝ, සිනමන් ලයිෆ් සිටි ඔෆ් ඩ්‍රීම්ස්හි ප්‍රධාන විධායක නිලධාරී සංජීව් හුළුගල්ල, ආසියාවේ ඉන්ට්‍රෙපිඩ් ට්‍රැවල් හි කළමනාකාර අධ්‍යක්ෂිකා නටාලි කිඩ්, බුකින්.කොම් වෙබ් අඩවියේ මෙරට කළමනාකරු සන්තෝෂ් කුමාර්, ශ්‍රී ලංකාවේ පෙකෝ ට්‍රේල්හි නිර්මාතෘ මිගෙල් කුනාට්, රේණුකා හොටෙල්ස්හි සම කළමනාකාර අධ්‍යක්ෂිකා ශිබානි තම්බියා යන මහත්ම මහත්මීන් අයත් වන බව ලංකා වාණිජ මණ්ඩලය පැවැසුවේය.