ශ්‍රී ලංකාවේ නව ව්‍යවසායන්ට අත දෙන පුරෝගාමී වැඩසටහනක් වන Venture Engine 2021 වසර සඳහා ද දියත් කර ඇති අතර, එහි අයදුම්පත් භාර ගැනීම ඔක්තෝම්බර් 22 වැනිදා මධ්‍යම රාත්‍රිය දක්වා විවෘතව තැබේ.

වසංගතය මධ්‍යයේ දේශීය ව්‍යවසායකයන්ට අවශ්‍ය සහයෝගය ලබා දීම සඳහා 2021 ඔක්තෝබර්, නොවැම්බර් සහ දෙසැම්බර් මාසවල මෙම වැඩසටහන පැවැත්වෙන අතර, නව්‍ය හා වැඩිදියුණු කළ හැකි ව්‍යාපාර සඳහා ආධාර කිරීමේ සැලසුම් සමඟින් Venture Engine දස වසරක සේවාවක් සඳහා හිමිකම් කියයි. ආරම්භක අවධියේ පසුවන සහ  දියුණුවෙමින් පවතින ව්‍යාපාර කෙරෙහි මෙම වැඩසටහන මගින් අවධානය යොමු කෙරුණද, විශාල වෙළඳපොළ අවස්ථා සඳහා වැදගත් වන නවමු ව්‍යාපාරික අදහස්වලින් පිරි ව්‍යවසායකයන් පිළිබඳවද අවධානය යොමු කරයි.

Venture Engine 2021 වැඩසටහන සඳහා ප්ලැටිනම් අනුග්‍රාහකත්වය දරන ෆෝඩ් පදනම මෙසේ සඳහන් කළේය. 

“නව ව්‍යවසායන් යනු නවෝත්පාදන සඳහා උත්ප්‍රේරකයකි. Venture Engine වැනි වැඩසටහන් විශේෂයෙන් ඉලක්ක කර ගන්නේ එවන් නවෝත්පාදන ශ්‍රී ලංකාවට මෙන්ම ඉන් ඔබ්බට ද සේවා සැපයීමට සවිබල ගැන්වීමයි. ශ්‍රී ලංකාව ගෝලීය තලයට ගෙන යාමට කටයුතු කරන සංවිධාන හා ව්‍යාපාර සමඟ හවුල්වීමට අපි දැඩි උනන්දුවක් දක්වන්නෙමු. මෙම සුවිශේෂී වැඩසටහන ඒ සඳහා වූ විශාල පියවරක් යැයි අපි විශ්වාස කරන අතර, අප කිසිසේත් එම අවස්ථාව මග හරින්නේ නැත.”

Venture Engine 2021 අයදුම් කිරීමේ ක්‍රියාවලිය අවසන් වීමෙන් පසුව, තීරණාත්මක වට කිහිපයකට හා වැඩමුළු කිහිපයක් වෙත යොමු කෙරෙනු ඇත. එහිදී ඔවුන් ආයෝජකයන් හා ක්ෂේත්‍ර ප්‍රවීණයන්ගෙන් සමන්විත මණ්ඩලයක් වෙත තම අදහස් ඉදිරිපත් කරනු ඇත.