ශ්‍රී ලංකාවේ තේ කර්මාන්තය නඟා සිටුවීම සඳහා සාම්ප‍්‍රදායික කි‍්‍රයාපටිපාටිවලින් බැහැර සැලසුමක් අවශ්‍ය බව කොළඹ තේ වෙළඳුන්ගේ සංගමයේ සභාපති ජයන්ත කෑරගල මහතා පවසයි. තේ පැල සිටුවීමේදී දැරීමට සිදුවී ඇති පිරිවැය අධිකවීම හෙක්ටයාරයකින් ලැබෙන අස්වැන්නේ වැඩිවීමක් අපේක්‍ෂා කළ නොහැකි වීම, රුපියල අවප‍්‍රමාණය වීම යන කරුණු හේතුවෙන් ශ්‍රී ලංකාව ලෝකයේ තෙවැනි විශාලතම තේ අපනයනකරු සිට සිව්වැනි ස්ථානය දක්වා පසුබෑස තිබීම නිසි පිළියම් නොයෙදුවහොත් තත්ත්වය බරපතළ විය හැකි බවට හෙතෙම කියයි.