ත්‍රිකුණාමල තෙල් ටැංකි පිහිටි ස්ථානය සලකන විට, ජාත්‍යන්තර ඉන්ධන වෙළෙඳපොළට ප්‍රවේශ වීම සඳහා අවස්ථාවක් පවතින බවත් ජාත්‍යන්තරව පිළිගත් ආයතන සමග ඒකාබද්ධ ව්‍යාපාරයක් ලෙස එය සංවර්ධනය කිරීමට අප අපේක්ෂා කරන බවත් ජනාධිපති අනුර කුමාර දිසානායක මහතා පැවසීය. 

ජනාධිපතිවරයා මේ බව සඳහන් කළේ අයවැය යෝජනා ඉදිරිපත් කරමිනි.

මෙට්‍රික් ටොන් 10,000 බැගින් ක්‍රියාකාරී ධාරිතාවකින් යුත් ටැංකි 99 කින් සමන්විත ත්‍රිකුණාමල තෙල් ටැංකි සංකීර්ණයේ තෙල් සංස්ථාවට හා ඉන්දියානු ඔයිල් සමාගමට ලබා දී තිබෙන තෙල් ටැංකි හැර තවත් තෙල් ටැංකි 61 ක් තිබෙන බවද ජනාධිපතිවරයා ප්‍රකාශ කළේය.