2013 වසරේ නොබෙල් සාම ත්‍යාගය, හිමිවිය යුත්තේ රුසියානු ජනාධිපති ව්ලැඩිමීර් පුටින්ට යැයි රුසියාවේ මානව හිමිකම් කි‍්‍රයාකාරී සංවිධානයක් පවසයි.

සිරියානු අර්බුදය මුල්කොට ගනිමින් ලෝකය බල කඳවුරු දෙකකට බෙදී යුද්ධ කිරීමට සූදානම් වෙද්දී, රුසියානු ජනපති ව්ලැඩිමීර් පුටින් මැදිහත් වී, එම අර්බුදයට සාමකාමී විසඳුමක් ලබා දීම හේතුවෙන් මහා විනාශයක් වැළැකී ගියේ යැයි ද එම මානව හිමිකම් කි‍්‍රයාකාරී සංවිධානය පෙන්වා දෙයි.

ඔවුන් මෙය සඳහන් කරමින් නොබෙල් කමිටුවට විශේෂ ලිපියක් ද යවා ඇති බව විදෙස් පුවත් සේවා කියා සිටී.

ඇමෙරිකා ජනපති බැරැක් ඔබාමාට වඩා, පුටින් ලෝක සාමය අගය කරන බව ද එම සංවිධානය වැඩි දුරටත් කියා සිටී. ජනපති ඔබාමාට 2009 වසරේ දී නොබෙල් සාම ත්‍යාගය හිමිවිය. ඒ, ලෝකය යහපත් තැනක් බවට පත් කිරීමට ගන්නා උත්සාහය අගය කරමිනි.