පළමු ලෝක යුද්ධයේ සියවස් සමරුවට අද ජර්මනියේ හා ප්‍රංශයේ ජනාධිපතිවරු එක්ව සිටිති. ප්‍රංශයේ ජනාධිපති ෆරන්කොයිස් හොලන්ඩේ සහ ජර්මනියේ ජනාධිපති ජෝසිම් ගවුක් එක්ව නැගෙනහිර ප්‍රංශ දේශසිමාවේ දී මේ සැමරීම සිදුකිරීමට නියමිතය. එහිදී මියගිය සොල්දාදුවන් සමරමින් ආමන්ඩ් සුසාන භූමියේ දී යුද ස්මාරකයකට හා ප්‍රදර්ශන මධ්‍යස්ථානයකට මුල්ගල් තැබීමට ද නියමිතය.

ආමන්ඩ් කඳුකරයේ දී ප්‍රංශ හා ජර්මානු සොල්දාදුවන් 30,000ට වැඩි පිරිසක් මියගොස් ඇත.  සුසාන භූමියේ වාර්තාවල දක්වා ඇත්තේ එහි හඳුනානොගත් මිනිසුන් 12,000ක් මිහිදන් කර සිටින බවයි.

ජර්මන් හා ප්‍රංශ ජනාධිපතිවරු හමුවන්නේ ප්‍රංශ හා ජර්මන් සම්බන්ධතා ගොඩනගාගැනීමේ අපේක්ෂාවෙනි.

ජර්මනිය විසින් බෙල්ජියම ආක්‍රමණය කිරීම සිහිපත් කිරීම සඳහා හෙට මේ නායකයන් දෙදෙනා බෙල්ජියමේ ලීගේ නගරයේ දී හමුවන අතර එම හමුවට බ්‍රිතාන්‍ය අග්‍රාමත්‍යවරයා ද එක්වනු ඇත.

බ්‍රිතාන්‍යයන් යුද්ධයට එක්වූයේ 1914 අගොස්තු 04 දා බෙල්ජියම ආක්‍රමණය කළ ජර්මනියට එරෙහිව යුද්ධ ප්‍රකාශ කරමිනි. මෙය සමරමින් හෙට බ්‍රිතාන්‍ය අගමැති ඩේවිඩ් කැමරන් ද එම උත්සවයට සහභාගී වීමට නියමිතය. 

ww.2 ww 4 ww 3