ඇමරිකාවේ මියාමි නගරයේ ෆ්ලොරීඩා ජාත්‍යන්තර විශ්ව විද්‍යාලය ආසන්නයේ පදික පාලමක් කඩා වැටීමෙන් 06 දෙනකු මියගොස් 09දෙනකු තුවාල ලබා ඇත. 
 
මීටර් 53ක් පමණ දිග මෙම පාලම ඊට පහතින් තිබූ මංතීරු අටකින් යුත් මාර්ගයට කඩා වැටී ඇති බවත් එහි වාහන අටකට පමණ හානි සිදුවී ඇති බවත් වාර්තා වේ. විදුලි සංඥා කුළුණු අසල වාහන නතර වූ අවස්ථාවේ පාලම කඩාවැටී ඇත.
 
පාලමට යටවූ පිරිස් සොයා මෙහෙයුම් සිදුකරන බව සහන සේවා කණ්ඩායම් පවසයි. 
 
නවීන තාක්ෂණයට අනුව සීඝ්‍ර ක්‍රමවේදයක් අනුගමනය කරමින් පැය හයක් වැනි කෙටි කාලයකින් ගොඩනගා ඇති මෙම පාලම කඩා වැටීමට දින කිහිපයකට පෙර සවි කරන ලද බව පැවසේ. 
 
විශ්ව විද්‍යාලයේ සිසුන්ට එහා මෙහා මාරුවීමට පහසු වීම සඳහා පාලම සවිකර ඇත. පොලිසිය පවසන්නේ සිද්ධිය සම්බන්ධ පරීක්ෂණ ආරම්භ කර ඇති බවයි.
 
(බීබීසි පුවත් ඇසුරිණි - 085)